Main Menu

avadhtim

 

અમરેલી સુખનાથપરા માણેકપરામાં હોમિયોપેથીક દવાનું વિતરણ

અમરેલી, શ્રી પરેશભાઈ ધાનાણી નેતા વિરોધ પક્ષ ગુજરાતના માર્ગદર્શન થી જિલ્લા પંચાયત અમરેલી હોમિયોપેથીક શાખા દ્વારા કોરોના રોગ પ્રતિકારક શક્તિ વધારવા માટે હોમિયોપેથીક દવા નું અમરેલી શહેર વોર્ડ નં 6 સુખનાથ પરા માણેકપરા વિસ્તારમાં વિતરણ કરતા અમરેલી નગર પ્રાથમિક શિક્ષણ સમિતિ ના વાઇસ ચેરમેન એડવોકેટ સંદીપ પંડ્યા યુવક કોંગ્રેસ અમરેલી શહેર પ્રમુખ મોહનીશ ગોંડલીયા યુવક કોંગ્રેસ મહામંત્રી ભાવિન ત્રિવેદી સહિત તેમજ કોંગ્રેસ કાર્યકરો.


મુંબઈથી સ્પેશ્યલ ટ્રેનમાં વતનીઓને પરત લાવતું જિલ્લા વહીવટી તંત્ર

અમરેલી,જનની જન્મભૂમિશ્ચ સ્વર્ગાદ્અપિ ગરિયસિ અર્થાત જનની અને જન્મભૂમિ સ્વર્ગથી પણ અધીકપ્રિય અને ચઢિયાતા છે. આપણા દેશની સંસ્કૃતિ વેદકાળથી આમ કહેતી આવી છે કે જનની અને જન્મભૂમિ સ્વર્ગથી પણ વધુ મધુર છે. પરંતુ ખરેખર તો જે લોકો જન્મભૂમિથી માઈલો દૂર વ્યવસાય અર્થે વસવાટ કરતાં હોય છે તેવા વસાહતીઓ જ જન્મભૂમિની મહત્તાને વધુ ગાઢ રીતે અનુભવી શકે છે. ગુજરાતથી દૂર વસતા લોકોને મન પણ જન્મભૂમી કંઇક વિશેષ મહત્વ ધરાવે છે. ગુજરાતમાંથી વ્યવસાય અર્થે મુંબઈ ગયેલા અમરેલી સહિત નજીકના વિવિધ જિલ્લાના નાગરિકો હાલ કોરોનાની વ્યાપકતાના પગલે વતન તરફ વળી રહ્યા છે. કોરોનાની મહામારી વચ્ચે લોકડાઉનમાં પોતાના વતનથી દૂર વસતાં લોકોને તેમના ઘરે પહોંચાડવાની ઉત્કૃષ્ટ કામગીરી અમરેલી જિલ્લા વહીવટી તંત્ર દ્વારા કરવામાં આવી રહી છે.આ અંગે વાત કરતા સાવરકુંડલાના પ્રાંત અધિકારી શ્રી આર. આર. ગોહિલે જણાવ્યું હતું કે ધંધા, રોજગાર, વ્યવસાય અર્થે મુંબઈ ગયેલા આશરે 1300થી વધુ અમરેલી સહિતના જૂનાગઢ, બોટાદ અને ગીર સોમનાથ જિલ્લાના વતનીઓને પોતાનાં માદરે વતન પરત પહોંચાડવા માટે અમરેલી જીલ્લા વહીવટી તંત્ર દ્વારા સ્પેશિયલ ટ્રેનની વ્યવસ્થા કરવામાં આવી છે. જે અન્વયે મુંબઈથી સાવરકુંડલા સુધી ટ્રેન મારફતે અને ત્યારબાદ બસ દ્વારા તમામ લોકોને તેમનાં ગામડે પહોંચાડવાનું પણ સુચારુ આયોજન કરવામાં આવ્યું છે. સાવરકુંડલાના રેલવે સ્ટેશન પર ટ્રેન પહોંચતાની સાથે જ પોલીસની ટુકડીઓ ટ્રેનના દરેક દરવાજા પર તૈનાત કરવામાં આવ્યા છે જેથી રેલવે સ્ટેશન પર સોશિયલ ડિસ્ટનસિંગના નિયમનું પૂર્ણત: પાલન થઈ શકે. ત્યારબાદ એનાઉન્સમેન્ટ દ્વારા ક્રમશ: અલગ અલગ ગામના વતનીઓને બહાર બોલાવી સૌપ્રથમ તેમનું તેમજ તેમના સામાનને સંપૂર્ણપણે સેનેટાઇઝ કરવામાં આવ્યા છે. ત્યારબાદ તમામ મુસાફરોની આરોગ્ય તપાસ કરીને તેમને પોતપોતાના ગામની બસમાં બેસાડવામાં આવ્યા છે. ત્યાં સુધી અન્ય મુસાફરો ટ્રેનમાં જ બેસી પોતાની બસની એનાઉન્સમેન્ટ થવાની રાહ જોઈ રહ્યાં છે. આ પ્રકારની વ્યવસ્થાથી રેલવે સ્ટેશન પર લોકોની જરાપણ ભીડ જમા થઈ નથી. આ તમામ કાર્યવાહીમાં વતન પરત ફરેલા લોકોનો સાથ સહકાર પણ સારો મળ્યો છે.
જિલ્લાવાસીઓને પોતાનાં વતન પરત લાવવાની રાજ્ય સરકારની આ કામગીરી ખરેખર પ્રસંશનીય છે. આ સમગ્ર કામગીરી દરમિયાન નિયમોના પાલન કરવવા માટે સરકારી કર્મચારીઓની ટુકડીઓ પણ તૈનાત કરવામાં આવી હતી.
વતન પહોંચવાના રાજીપા સાથે એક પ્રવાસીએ લાગણીસભર અનુભવોને શબ્દોમાં આલેખતાં જણાવ્યું હતું કે, રાજ્ય સરકાર અને અમરેલી જિલ્લા વહીવટી તંત્રના આ સુચારુ આયોજન થકી જ અમે આ કપરી પરિસ્થિતિમાં પણ આજ અમારે વતન પહોંચી શક્યા છીએ. અમરેલી આવવા ટ્રેનમાં બેસતાં પૂર્વે બોરીવલી રેલવે સ્ટેશન પર પણ અમારી સંપૂર્ણ આરોગ્ય તપાસ કરવામાં આવી હતી. અને સાવરકુંડલા પહોંચ્યા બાદ પણ સૌપ્રથમ અમારા સામાન સહિત અમને સેનેટાઈઝ કર્યા બાદ આરોગ્ય તપાસ કરી અને અમને અમારા ગામ જવા માટે બસની વ્યવસ્થા પણ કરવામાં આવી હતી. ઉનાળાના તાપને કારણે અમને તકલીફ ન પડે તે માટે રેલવે સ્ટેશન પર લીંબુ શરબત અને પાણીની પણ વ્યવસ્થા કરી હતી. તમામ આયોજન બદલ અમે સરકારના આભારી છીએ. આ સમયે અમરેલી જિલ્લા માં પરત ફરેલા જિલ્લાવાસીઓના ચહેરા પરનો ઝગમગાટ જાણે કહી રહ્યો છે,એવી આ જન્મભૂમિને સો સો પ્રણામ


મેનેજમેન્ટ ગુરૂ શ્રી પી.પી.સોજીત્રાનું અનોખું લોકડાઉન

અમરેલી,
કોરોના મહામારી અંતર્ગત પ્રધાનમંત્રી મોદીજીએ તા.21 માર્ચના રોજ દેશવાસીઓને એક દિવસ જનતા કર્ફ્યુની અપિલ કરેલ અને ત્યારબાદ તા.22 માર્ચ રાત્રે જનતા જોગ સંબોધન કરી સમગ્ર દેશમાં લોકડાઉન જાહેર કરવામાં આવેલ ત્યારથી અમરેલી નાગરિક બેંકના પૂર્વ ચેરમેન તથા અમરેલી માર્કેટ યાર્ડના પૂર્વ ચેરમેન પી.પી.સોજીત્રા જે કાયમ સિંગલ પ્લેઈન કલર શર્ટ તથા ફોર્મર પેન્ટ સાથે ઈનશર્ટ કરેલ ઓફિશિયલ લૂકમાં જ જોવા મળે છે, તેઓ ક્યારેય નાઈટ ડ્રેસ પહેરી બહાર નીકળતા નથી તેઓએ આ લોકડાઉનને અનોખી રીતે માણ્યું હતું. અમરેલી જીલ્લા ભાજપના પૂર્વ પ્રમુખ અને સંવેદનશીલ ઇન્સાન ડો. કાનાબાર સાથે મળીને અમરેલી શહેરના 4000 હજાર જેટલાં મધ્યમ વર્ગીય પરિવારોને રાશન કીટ વિતરણ, ટ્રેનમાં પોતાના વતન જઈ રહેલાં પર પ્રાંતિય મજૂરોને ધોળા રેલવે સ્ટેશન પર ફૂડ પેકેટ પહોંચાડવા, સુરતથી અમરેલી આવી રહેલાં હમવતનોને ફ્રુટ્સ, અમરેલી શહેર-તાલુકાના આંગણવાડી સંચાલકો તથા તેડાગર બહેનોને રાશન કીટ, અમરેલી તાલુકાના ગામોમાં ગ્રામ પંચાયતના પટ્ટાવાળાઓને રાશન કીટ તેમજ અમરેલી જીલ્લાના 49 પ્રાથમિક આરોગ્ય કેન્દ્રમાં કાર્યરત 1265 જેટલાં આશા વર્કર બહેનોને રાશન કીટ વિતરણ કરવામાં આવેલ તેમાં પી.પી.સોજીત્રએ તન-મન-ધનથી યોગદાન આપ્યું અને કાયમ કોર્પોરેટ લૂકમાં જોવા મળતાં આધુનિક અમરેલીના સ્વપ્નદ્રષ્ટા પી. પી. સોજીત્રા લોકડાઉન 01, 02, 03 એટલે કે તા.21 માર્ચ થી 17 મે સુધી સતત નાઈટ વેરમાં જ પસાર કર્યુ, હમેશાં એક્ટિવા સ્કુટર પર જોવા મળતાં પી.પી.એ આ ગાળામાં લોકોની મદદ હેતુસર તેઓએ અમરેલી શહેર-તાલુકા-જીલ્લામાં ઘણો પ્રવાસ કર્યો અને મેનેજમેન્ટ ગુરુ ગણાતાં આ સંપન્ન માણસ અચાનક આવી પડેલ મહામારી રૂપ મુસીબતમાં મધ્યમ વર્ગીય પરિવારોની પડખે ઉભા રહ્યા અને ટીશર્ટ-લેંઘો પહેરી સતત બે મહિના સુધી રેશન કીટ બનાવવા જાતે મહેનત પણ કરી અને અમરેલીમાં ચાલતા રસોડામાં માતબર રકમના દાન સાથે સેવા યજ્ઞમાં સહભાગી થયા, નવા રંગરૂપ સાથે લાગું થયેલા લોકડાઉન 04 માં પી.પી. સોજીત્રા તેમના ઓરિજિનલ ડ્રેસકોડમાં જોવા મળ્યા એમ વિપુલ ભટ્ટીએ જણાવ્યું છે.


બગસરામાં 70 વર્ષથી ચાલતો આરીભરતનો ઉધોગ પડી ભાંગશે

બગસરા,બગસરાના આરીભરતના ઉધોગનું બે દાયકા પહેલા પુરા વિશ્ર્વમાં નામ હતું. આરીભરતનો ઉધોગ બગસરામાં છેલ્લા 70 વર્ષથી ચાલી રહયો છે. બગસરાના આરી ભરત અને ગોલ્ડ પ્લેેટીંગની ઓળખ પુરા દેશમાં છે. જયારે છેલ્લા બે દાયકાથી આરીભરતનો ઉધોગ દિવસેને દિવસે મૃત હાલતમાં જતો જાય છે. બગસરા શહેરમાં આશરે 7000 કારીગરો કામ કરી પોતાની રોજી રોટી મેળવી રહયા હતા. જયારે છેલ્લા બે દાયકાથી આ આરીભરત વ્યવસાને દિવસે ને દિવસે મંદીનો ભરડો લાગી ગયો છે. તંત્રને આ વ્યવસાયને ફરી મજબુત કરવા અનેકવાર રજુઆતો કરવા છતાં આજ સુધી કોઇ તંત્રએ કોઇ પણ જાતની ગંભીરતા લીધી નથી. અને લોકોને બેકારીમાં ધકેેલી દીધા છે. અને આરીભરત ઉધોગ કેમ મજબુત થાય અને દરેક લોકોને રોજીરોટી મળી રહે તેવી કોઇ તંત્રએ લોકોની પરવા કરી નથી અને છેલ્લા બે દાયકાથી આ ઉધોગ પડી ભાગ્યો છે. હાલ જે લોકો આરીભરતનો વ્યવસાય કરી પોતાનું ભરણ પોષણ કરી રહયા છે.
તેમનો ઉધોગ લોકડાઉન થતાં છેલ્લા બે મહીનાથી બંધ છે અને આ કારીગરો પાસે બીજી આજીવીકાનું કોઇ સાધન નથી તેમજ આ ઉધોગ મૃત હાલતમાં હોવાથી કોઇ કારીગરો આર્થિક સક્ષમ નથી. દરેક આરીભરતના કારીગરો આર્થિક નબળી પરિસ્થિતિ ધરાવે છે. હાલમાં લોક ડાઉનમાં નાના નાના ઉધોગને છુટછાટ આપવામાં આવી ત્યારે આરીભરતનો ઉધોગ અમદાવાદ, વડોદરા, સુરત અને મુંબઇ શહેર સાથે જોડાયેલો છે. જયાં કન્ટેનમેટ વિસ્તારમાં વેપારીઓ તથા કાચો માલ સામાનના વેપારીઓ આવેલા હોવાથી જયાં સુધી આ મેગા સીટી સંપૂર્ણ પણે ખુલશે નહીં ત્યાં સુધી આરીભરતનો વ્યવસાય થશે નહીં. અને બગસરાના આરીભરતના કારીગરોની સ્થિતિ દયનિય બની ગયેલ છે. ત્યારે સરકારશ્રીએ આવા નાના – નાના ઉધોગ પડી ભાંગી રહયા છે ત્યારે આરીભરત જેવા ઉધોગના કારીગરોને તાત્કાલીકના ધોરણે આર્થિક સહાય પેકેજ જાહેર કરવાની ખાસ જરૂરત છે. અને આરીભરત ઉધોગને લધ્ાુઉધોગમાં સરકારશ્રીએ સમાવેશ કરી આ ઉધોગને ફરી બેઠો કરી મજબુત કરવા જહેમત ઉઠાવવી પડશે. બગસરામાં આરીભરત ઉધોગ કોઇ એશોસીએશન ધરાવતો ન હોય અને સરકારથીના દફતરે આરીભરત ઉધોગનું નામ ન હોય. જેથી સકારશ્રીની આ ઉધોગ પર નજર પડતી નથી તંત્ર તથા આગેવાનો દ્વારા આ ઉધોગને બેઠો કરવા કયારેય પ્રયત્નો કરવામાં આવતા નથી. જેથી આ ઉધોગ મા – બાપ વગરનો ઉધોગ થઇ ગયો છે. સરકારશ્રી દ્વારા આ ઉધોગ બાબતે તાત્કાલિકના ધોરણે કોઇ પણ જાતના પ્રયત્નો કરવામાં નહીં આવે તો આ ઉધોગ બગસરા શહેરમાંથી સપૂર્ણ પણે નાશ પામેશે જેથી સરકારશ્રીને આ ઉધોગના કારીગરોને આર્થિક પેકેજ જાહેર કરી કારીગરોને મદદરૂપ થવામાં આવે તેવી આરીભરતના કારીગરોની માંગ ઉઠી છે.


અમરેલી કલેકટરશ્રી દ્વારા નાના જીંજુડા અને ચાડીયા ગામને બફર ઝોન જાહેર કરી દેવાયાં

અમરેલી,
હાલના તબક્કે અમરેલી જિલ્લામાં દોઢ લાખ લોકો હોમ કવોરન્ટાઇન છે અને રોજના 25 થી 30 લોકો ઘરમાં સખણા બેસી રહેવાના બદલે બહાર રખડતા પકડાય રહયા છે ત્યારે જેના જેના ગામમાં સિક્કાવાળા લોકો છે તેને લાલ બતી ધરતા બનાવ નાના જીંજુડા અને ચાડીયા ગામે બનેલ છે.
આ ગામમાં હોમ કવોરન્ટાઇન લોકો બહાર નીકળતા તેની ઘર આસપાસના વિસ્તારોને કલેકટરશ્રી આયુષ ઓક દ્વારા કન્ટેનમેન્ટ જાહેર કરી સીલ કરી દેવામાં આવ્યા છે અને આખા ગામને બફર ઝોન જાહેર કરાયા છે જેના કારણે કન્ટેનમેન્ટ એરીયાના લોકો ઘરની બહાર તા. 23 થી 12-6 સુધી નહી નીકળી શકે અને બફર ઝોનમાં પણ મર્યાદિત અવર જવર થઇ શકશે માથે ખેતીની સીઝન હોય ત્યારે ગામમાં આવેલ હમવતની બેદરકારી દાખવે તો તેનું પરિણામ આખા ગામે ભોગવવુ પડે માટે ગ્રામજનો સાવચેત રહી હોમ કવોરન્ટાઇન વ્યક્તિને ઘર બહાર ન નીકળવા દે તે આખા ગામના હિતમાં રહેશે.


ગુજરાત પોલીસની સેવાઓને અનોખી ઢબે બિરદાવતા ગેલોપીંગ ગુજરાતનાં કુ. પ્રેક્ષા ટાંક

અમરેલી,
વિશ્ર્વભરમાં કોરોના મહામારીએ હાહાકાર મચાવ્યો છે ત્યારે લોકો માટે પોતાની જાનની પણ પરવાન નહી કરનાર ગુજરાત પોલીસ પોતાની સ્તુત્ય સેવા આપી પોતાપણાની લાગણી દર્શાવી ખરેખર રાષ્ટ્ર સેવા આપી અનેક લોકોને મદદરૂપ બનેલ છે. પોલીસે સાચા અર્થમાં પોલીસ પ્રજાની મિત્ર હોય તેવુ અથાવત કરી બતાવ્યુ છે બ્લોગીંગ ગુજરાતના બેનર તળે દમણ ખાતે જાણીતા ઉદ્યોગપતી ભરતભાઇ ટાંક, ઉર્વીબેન ટાંક અને પ્રેક્ષા ટાંકે ટ્વીટર મારફત તેરી મીટ્ટી મે મીલ જાઉ… આંગારો મે જીસ્મ જલાયા હે ના સુરીલા શબ્દોને સંગીતમય રીતે રજુ કરી અનેરી દેશ ભક્તિનો માહોલ ખડો કરી દીધો છે જે સાચા અર્થમાં રાષ્ટ્ર ભક્તિને ઉજાગર કરે છે.
લોકો માટે સતત એનીટાઇમ ઉપલબ્ધ પોલીસ પ્રજાભીમુખ છે ઉપરાંત એક પારીવારીક લાગણી સાથે લોકોની વચ્ચે છે તેવુ કુ. પ્રેક્ષા, શ્રીમતી ઉર્વી ટાંક અને શ્રી ભરત ટાંકએ વિડીયો મારફત સાબિત કરી દીધ્ાુ છે. જેનાથી ગુજરાત પોલીસનું મોરલ વધ્યુ છે અને પોલીસ પરિવારે પણ રિ-ટ્વીટ કરી નોંધ લીધી છે પોલીસને સેલ્યુટ સાથે બિરદાવી ટાંક પરિવારે પણ કોરોના વોરિયર્સ તરીકે સાચા અર્થમાં ફરજ બજાવી છે ત્યારે આજની સલામ અમરેલીના પનોતા પુત્ર અને જાણીતા ઉદ્યોગપતી શ્રી ભરતભાઇ ટાંક, ઉર્વીબેન ટાંક અને ઉભરતા નેતૃત્વ કુ. પ્રેક્ષા ટાંકને…!!!


કોઇ કડી નહી અને માત્ર ચાર વર્ષના બાળકની મદદ લઇ શ્રી નિર્લિપ્ત રાયે કેવી રીતે શોધ્યો હવસખોરને ?

અમરેલી,આખા જિલ્લાને હચમચાવી દેનારા સાવરકુંડલાના બનાવમાં ગણત્રીના કલાકોમાં પોલીસ તંત્ર આરોપી સુધી પહોંચી ગયું હતુ પણ જેના નામથી જેની મુછે લીંબુ લટકતા હોય તે પણ થથરી ઉઠે તેવા અમરેલીના એસપી શ્રી નિર્લિપ્ત રાયે એક બાળક પાસેથી સહજ રીતે કેવી રીતે માહીતી મળવી અને હવસખોર હરામીને પકડીે પાડયો તેની રસપ્રદ વિગતો બહાર આવી છે.
આ વિગતો જોઇએ તો સાવરકુંડલાના ઝીંઝુડા ગામના બસ સ્ટેન્ડ પાસે એક બાળકી અર્ધ બેભાન અવસ્થામાં પડી છે માહિતી મળતા પોલીસ ઇન્સપેકટર આર.આર.વસાવા ત્યાં પહોંચી ગયા બાળકીને જોતા ઇન્સ. વસાવાએ ગંભીરતા પારખી ગયા બાળકીની સ્થિતી ચાડી ખાઇ રહી હતી તે તેની સાથે કોઇ નરાધમે હેવાનીયત આચરી છે બાળકી કોણ હતી તે ક્યાં રહે છે તેની કોઇ જાણકારી ન હતી બાળકીને સારવાર માટે મોકલતા પહેલા ઇન્સ. વસાવાએ તેનો ફોટો પાડયો અને સોશ્યલ મિડીયા ઉપર વાયરલ કરી તેના વાલીની ભાડ મેળવવા પ્રયત્ન કર્યા.
હોસ્પિટલ બાળકીને લઇ પહોંચેલી બાળકીને તપાસતા ડોકટર પણ ચોંકી ગયા ત્રણ વર્ષની બાળકી સાથે આવુ કૃત્ય કરતા પહેલા રાક્ષસ પણ શરમાય તે પ્રકારે તેની સાથે દુષ્કર્મ આચરવામાં આવ્યુ હતુ. તેના ગુપ્તાંગમાંથી લોહી વહી રહયુ હતુ અત્યંત ગંભીર અને ધ્રુણાસ્પદ બનાવ હતો પોલીસ ઇન્સ. વસાવાએ અમરેલીના એસપી શ્રી નિર્લિપ્ત રાયને જાણ કરી તેઓ આ બનાવ સાંભળી ચોંકી ગયા અને તુરંત સાવરકુંડલા જવાના રવાના થયા હતા સાથે તેમણે એએસપી પ્રેમસુખ ડેલુ અને ક્રાઇમ બ્રાન્ચને પણ આવી જવાની સુચના આપી હતી.
આ દરમિયાન સોશ્યલ મિડીયામાં બાળકીનો ફોટો વાયરલ થતાં એક ગરીબ દંપતિ આંખમાં આંસુ સાથે પોલીસ સ્ટેશન આવ્યુ અને તેમણે પોલીસને કહયુ તમે જે બાળકીનો ફોટો મોકલ્યો તે અમારી દિકરીનો છે અને જનતા બાગ પાછળ નદી કિનારે ઝુપડુ બાંધી અને રહીએ છીએ મારી દિકરી અને ચાર વર્ષનો દિકરો છે અમે ચારેય ઝુપડામાં સુઇ ગયા હતા સવારે ઉઠી જોયુ તો દિકરી અમારી પાસે ન હતી એક ગરીબની દિકરીનું અપહરણ કરી તેની સાથે દુષ્કર્મ આચરવામાં આવ્યુ હતુ પોલીસે ગુનો નોંધી તપાસ શરૂ કરી હતી દરમિયાન સાવરકુંડલા પહોંચેલા એસપી અને એએસપીએ એલસીબીના ઇન્સ. આર.કે. કરમટાની ટીમને કામે લગાડી હતી.
પોલીસ પાસે માહિતી આવી રહી હતી કે એક મોટરસાયકલ ઉપર આવેલી વ્યક્તિ બાળકીને લઇ ગઇ હતી આ અધ્ાુરી વિગત હતી છતા તે દિશામાં તપાસ કરવી જરૂરી હતી પોલીસ દ્વારા અનેક સીસીટીવી તપાસાયા પરંતુ બનાવમાં સમય દરમિયાન મોટર સાયકલ ઉપર કોઇ બાળકીને લઇ જતુ હોય તેવી કોઇ જ ઘટના પોલીસ સામે આવી નહી આમ પોલીસ સંખ્યાબંધ સ્થળે દિશાવીહીન બની કામ કરી હતી અમરેલીના એસપી શ્રી નિર્લિપ્ત રાય માની રહયા હતા કે કોઇ એવી કડી મળી શકે તેમ છે જે આરોપી સુધી આપણને લઇ જશે નિર્લિપ્ત રાય દ્વારા બાળકીના મા બાપની અનેક વખત પુછપરછ કરી પણ તેવુ કહી રહયા હતા કે તેઓ સુઇ ગયા ત્યાર બાદ કોઇ તેમની દિકરીને લઇ ગયુ છે પોલીસ જ્યારે આ દંપતિની પુછપરછ કરતી હતી ત્યારે તેમનું ચાર વર્ષનું બાળક આંખમાં અનેક પ્રશ્ર્નો સાથે પોલીસ અધિકારીઓને જોઇ રહયુ હતુ.
નિર્લિપ્ત રાયને લાગ્યુ કે સંભવ છે કે આ બાળક કોઇ માહિતી તેમને આપી શકે તેમણે વ્યુહ રચના બદલી યુની ફોર્મ કાઢી સીવીલ ડ્રેસ પહેરી એએસપી પ્રેમસુખ ડેલુને પણ સીવીલ ડ્રેસ પહેરવાની સુચના આપી દુષ્કર્મનો ભોગ બનેલી બાળકીથી એક જ વર્ષ મોટો આ સગો ભાઇ હતો હવે ચાર વર્ષનું બાળક પોલીસને કેવી રીતે મદદરૂપ થાય તેવી તેને ખબર ન હતી આ બાળકના મનમાંથી પોલીસને ડર નીકળે અને મિત્રતા કેળવાય તે જરૂરી હતુ એસપીશ્રી રાયએ જોયુ કે બાળકના પગમાં ચંપલ સુધ્ધા ન હતા એસપીએ તુરંત પોતાના પોલીસ વાળાઓને કહયુ બાળક માટે તેના માપના નવા ચપ્પલ બિસ્કીટ ચોકલેટ અને આઇસક્રીમ લઇ આવો થોડો સમય તો બાળકને ચોકલેટ બિસ્કીટ આઇસક્રીમ આપી તે જેમ રમતો હતો તેમજ રમવા દીધો રીઢા આરોપીઓ સાથે પનારો પાડનાર પોલીસ માટે ચાર વર્ષના નિર્દોષ બાળકની પુછપરછ કરવી ઘણુ અઘરૂ કામ હતુ સંભાવના હતી કે આ બાળકે પોતાની બેનનું અપહરણ કરનારને જોયો હોય.બાળક સાથે મિત્રતા કેળવાય જતા એસપીશ્રી નિર્લિપ્ત રાયએ બહુ પ્રેમથી તેની સાથે વાત શરૂ કે તારી બેનને જે માણસ ઉપાડી ગયો તેને તે જોયો છે ? બાળકે માથુ હલાવી હા પાડી તરત જ બીજો સવાલ કર્યો કે માણસ કેવો હતો ? હવે ચાર વર્ષનું બાળક કોઇ વ્યક્તિનું વર્ણન કેવી રીતે આપી શકે તેવો પ્રશ્ન ઉભો થયો થોડી વાર વિચાર્યા પછી એસપીશ્રી રાયએ પોલીસ સ્ટેશનમાં રહેલા પોલીસ વાળાઓને પોતાની ચેમ્બરમાં બોલાવ્યા અને બાળક સામે ઉભા રાખ્યા પુછયુ પેલો માણસ કોના જેવો લાગતો હતો બાળકે ઓછી ઉંચાઇ વાળા પોલીસ કર્મી તરફ ઇશારો કર્યો એટલે પેલુ અનુમાન એવુ આવ્યુ કે અપહરણ કરનાર ઓછી ઉંચાઇ વાળો છે ત્યાર પછી બાળકને એ વ્યક્તિએ પહેરેલા કપડાના રંગ વીશે પુછયુ તો ફરી સવાલ ઉભો થયો કારણકે બાળક રંગ વિશે કાંઇજ કહી શકતો ન હતો એટલે શ્રી રાયએ ગુગલમાં કલર ખોલીન બાળકને રંગ બતાવતા પુછયુ કે તેનુ પેન્ટ અને શર્ટ કયા રંગના હતા તે બતાવ બાળકે જે રંગ પર હાથ મુક્યો તે પોલીસે નોંધી લીધા જ્યારે બાળકને પુછવામાં આવ્યુ કે પેલા માણસે માસ્ક પહેર્યુ હતુ ? બાળકે કહયુ તેણે ગમછો બાંધ્યો હતો રાયને આશ્ર્ચર્ય થયુ જ્યારે રાયએ બાળકીને લઇ જનાર કેવી મોટરસાયકલ ઉપર આવ્યો હતો તેવુ પુછયુ તો બાળકે કહયુકે મોટરસાયકલ નહી રીક્ષા હતી આમ આખી તપાસમાં નવો વણાંક આવ્યો સામાન્ય રીતે રીક્ષા લીલા રંગની હોય છે પરંતુ બાળકે રીક્ષા કાળા રંગની હોવાનું કહયુ હતુ ચાર વર્ષનું બાળક ખરેખર કંઇક જાણે છે અથવા તે કલ્પના કરીને જવાબ આપી રહયુ છે તે કહેવુ મુશ્કેલ હતુ જો કે આજ આધારે તપાસ કરવી જરૂરી હતી
નિર્લિપ્ત રાયએ સાવરકુંડલા પોલીસ અને એલસીબીને બાળકે આપેલા વર્ણન આધારે રીક્ષાવાળાને શોધવાની સુચના આપી 30 જેટલી રીક્ષાઓના ડ્રાઇવર અને રીક્ષાઓની તપાસ દરમિયાન સાવરકુંડલા રેલ્વે સ્ટેશન પાસે રહેતો રીક્ષા ડ્રાઇવર રાજુ માંગરોળીયા બાળકે આપેલા વર્ણન પ્રમાણે મળતો આવતો હતો આથી ફોરેન્સીક અધિકારીઓને બોલાવી તેની રીક્ષાનું પરીક્ષણ કરવામાં આવતા અલ્ટ્રા વાયોલેટ લાઇટમાં રીક્ષામાં લોહી અને વીર્યના ડાઘા મળી આવ્યા હતા આમ નક્કી થયુ કે આરોપી રાજુ માંગરોળીયા જ છે પોલીસ સ્ટેશને લાવી તેની પુછપરછ કરતા તે પોલીસનો સામનો લાંબો સમય કરી શકયો નહી અને તેણે જ બાળકી સાથે દુષ્કર્મ કર્યાની કબુલાત કરી હતી માનસીક રીતે વિકૃત રાજુની પત્નિ લાંબો સમયથી તેને છોડી જતી રહી છે આ અગાઉ પણ તેણે આ રીતે અનેક બાળકોને શિકાર બનાવ્યા હોવાની કબુલાત કરી છે આમ એક નાનકડા બાળકની માહિતી પોલીસને આરોપી સુધી લઇ ગઇ જ્યારે આ બાળકીનું રાજુએ અપહરણ કર્યુ ત્યારે અકસ્માતે તેનો ભાઇ જાગી ગયો હતો પણ તેને બીક લાગતા તેણે બુમો પણ ના પાડી અને કોઇને આ બનાવની જાણ પણ ન કરી આમ પોલીસ માટે પણ આ પહેલો અનુભવ હતો કે એક બાળકની પુછપરછ કેવી રીતે કરવી જોઇએ જો કે બીજી બાજુ હાલ ભોગ બનનાર બાળકીની હાલત ગંભીર છે અને તે અમરેલીમાં શાંતાબા ગજેરા હોસ્પિટલમાં સારવાર હેઠળ છે.


અમરેલી જિલ્લામાં કોરોનાનાં વધુ બે પોઝિટિવ કેસ : કુલ 4

અમરેલી,અમરેલી જિલ્લામાં સુરત અમદાવાદ સહિતના સેન્ટરોમાંથી લાવવામાં આવેલા બે લાખ લોકોમાંથી ધીમે ધીમે કોરોનાના કેસો સામે આવી રહયા છે અગાઉ સુરતથી બે કેસ આવ્યા બાદ આજે શનિવારે વધ્ાુ બે કેસ પોઝીટીવ આવતા અમરેલી જિલ્લામાં પોઝીટીવ કેસની સંખ્યા 4 એ પહોંચી છે.
શનિવારે પ્રથમ કેસ સાવરકુંડલાના નાના જિંજુડા ખાતે 45 વર્ષીય મહિલાનો નોંધાયો છે. આ મહિલાની કોઈ ટ્રાવેલ હિસ્ટરી નથી. પરન્તુ તા. 8 ના રોજ આ મહિલાનાં ઘરે સુરતથી એક પરિવાર આવેલો હતો. અને ત્યાર બાદ આ પરિવાર ગામમાં બીજી ત્રણ જગ્યાએ પણ રોકાયેલ હતો પરંતુ પોઝીટીવ આવેલ મહિલાને હવે 13માં દિવસે શરદી-ખાંસીના લક્ષણો જણાતાં સૌપ્રથમ ખાનગી દવાખાનામાં અને ત્યારબાદ સિવિલમાં તપાસ કરાવતા ગઈકાલે તેમનું સેમ્પલ લેવામાં આવ્યું હતું અને આજે તેમને કોરોના પોઝિટિવ આવતાં હાલ તેને સિવિલ ખાતે દાખલ કરાયા છે. તંત્ર દ્વારા સુરતથી આવેલ મહેમાનની બસના નાના મોટા જીંજુડા અને ગાધકડાના લોકો તથા આ મહિલાના સંપર્કમાં આવેલ નાના જીંજુડાના લોકો મળી કુલ 59 લોકોને સાવચેતી માટે કવોરન્ટાઇન કરાયા છે જેમાં તેની સાવ નજીક રહેલા 12 ને અમરેલીની એલડી હોસ્ટેલમાં ઉભા કરાયેલ કોવિડ કેર સેન્ટરમાં દાખલ કરી સારવાર શરૂ કરી દેવામાં આવી છે અને 47 લોકોને હોમ કવોરન્ટાઇન કરાયા છે.
બીજો કેસ અમરેલીના ચાડીયા ખાતે 42 વર્ષીય પુરુષનો નોંધાયો છે. આ વ્યક્તિ બાપુનગરથી 20 મે ના ખાનગી વાહનમાં અમરેલી આવેલા હતા. તેને તાવ, ખાંસી અને ન્યુમોનિયા જેવા લક્ષણો જણાતાં વાંકીયા પીએચસીમાંથી તા. 21 થી સિવિલ અમરેલીમાં દાખલ કરાયા હતા. અને તેના સંપર્કની કામગીરીમાં 49 વ્યક્તિઓની વિગતો મળતા મુખ્ય જિલ્લા આરોગ્ય અધિકારી ડો. એચ.એફ.પટેલ દ્વારા નજીકની હાઇ રીસ્ક 11 વ્યક્તિઓને અમરેલી કોવિડ કેર સેન્ટરમાં જ્યારે 38 લોકોને હોમ કવોરન્ટાઇન કરાયા હતા.
આજે જિલ્લા કલેક્ટર શ્રી આયુષ ઓક અને એસપીશ્રી નિર્લિપ્ત રાય તથા જિલ્લા વિકાસ અધિકારી શ્રી તેજસ પરમાર તેમજ આરોગ્ય વિભાગના અધિકારીઓ દ્વારા નાના-મોટા જીંજુડા, ગાધકડા અને ચાડીયાની મુલાકાત લઈ સ્થાનિક સ્ટાફને યોગ્ય કાર્યવાહી કરવા સૂચના આપવામાં આવી હતી.


24-05-2020


અમરેલીમાં ટેકાના ભાવે ચણાની ખરીદી બંધ:જગતાત મુશ્કેલીમાં

અમરેલી,અમરેલીમાં સરકાર દ્વારા ચાલતી ટેકાના ભાવની ખરીદી બંધ થતા રજીસ્ટ્રેશન કરાવેલા ખેડતો રખડી ગયા છે અને તેમની વહારે ચડેલા અમર ડેરીના ચેરમેન શ્રી અશ્ર્વીન સાવલિયાએ શ્રી પરસોતમભાઇ રૂપાલાને રજુઆત કરતા જણાવેલ છે કે, સરકારશ્રી દ્વારા ખેડૂતોને પોતાના માલના પોષણક્ષમ ભાવ મળી રહે અને ખેડૂત સ્વનિર્ભર થાય તેવા હેતુથી ટેકાના ભાવે ચણા વેંચવા માંગતા ખેડૂતોને ઓન લાઇન રજીસ્ટ્રેશન કરવા માટેની સરકારશ્રી દ્વારા જાહેરાત કરવામાં આવેલ.
જે અન્વયે ખેડૂતોને ઓન લાઇ રજીસ્ટ્રેશન કરવા માટેની સરકારશ્રી દ્વારા જાહેરાત કરવામાં આવેલ, જે અન્વયે ખેડૂતોએ પોતયાના ચણા વેચવા માટે ઓન લાઇન રજીસ્ટ્રેશન કરાવેલ જેમા માત્ર 50 % ખેડૂતોએ રજીસ્ટ્રેશન કરાવેલ ત્યાર બાદ સરકારશ્રી દ્વારા તારીખ 01/05/2020 થી ચણાની ખરીદીઓ શરૂ કરવામાં આવેલ છે.
પરંતુ તાજેતરમાં સરકારશ્રી દ્વારા રજીસ્ટ્રેશન કરાવેલ ખેડૂતો માંથી 25 % જેટલા ખેડૂતોના ચણા ખરીદવા તેવુ જણાવી અને ખરીદી સેન્ટરો બંધ કરવામાં આવેલ છે. જે ખેડૂતોએ આટલા લાંબા સમયથી રાહ જોઇને બેઠા છે કે અમારો વારો આવે એટલે ચણા ટેકાના ભાવે વેંચવા જઇશું પરંતુ ઉપરોકત નિર્ણયથી ખેડૂતો સ્વનિર્ભર થવાને
(અનુ. પાના નં.7)


error: Content is protected !!