Main Menu

Thursday, January 5th, 2017

 

50 વર્ષ પહેલા અમરેલીને ધ્રુજાવનાર દીપડાને ઠાર કરાયો હતો

અમરેલી,
આજથી 50 વર્ષ પહેલાના સમયમાં જંગલખાતા દ્વારા ત્રાસ આપનાર જાનવરને જીવતા પકડવાની સગવડતા ન હતી અને ત્‍યારે તેનો ઉપયોગ આપ પણ શિકાર માટે થતો એ જમાનામાં જીવદયાપ્રેમીઓ બહુ ઓછા હશે તેને કારણે તેના કારણે સિંહ અને દીપડાને શુટ કરી દેવામાં આવતા હતા.એ જમાનામાં આજથી 50 વર્ષ પહેલા અમરેલીને ધ્રુજાવનાર દીપડાને ઠાર કરાયો હતો તે અમરેલીના બાલભવનમાં આવેલ પ્રાણીઘરમાં મસાલો ભરીને રાખવામાં આવેલ દીપડાને જોઇને યાદ આવી જાય છે.
1960ના દાયકામાં મુંબઇરાજયમાં અમરેલી હતુ અને ઓખા ંમંડળ, કોડીનાર, અમરેલી જિલ્લામાં આવતા હતા એ સમયે ગુજરાત રાજયની સ્‍થાપના થઇ ગાયકવાડી જમાનામાં પ્રાંતનો અને ત્‍યાર બાદ બૃહદ મુંબઇ રાજયમાં જિલ્લાનો દરજજો ભોગવતું અમરેલી નવા ગુજરાત રાજયના પ્રથમ મુખ્‍યમંત્રીનું શહેર બન્‍યું હતુ એટલે અમરેલીની દબદબો કાયમ હતો પણ અમરેલીને નવી એક આફતે ભરડો લીધો હતો.
આમ તો ગીરનું જંગલ અમરેલીથી 50 કીલોમીટર દુર છે પણ તે સમયે ગીરના જંગલમાંથી અમરેલી વટીને છેક વરસડા સુધી આવીને માનવભક્ષી દીપડાએ કાયમી ધામા નાખ્‍યા હતા તેને કારણે અત્‍યારે 24 કલાક ધમધમતા લાઠી રોડના વરસડા પંથકમાં તે સમયે સમી સાંજે સન્‍નાટો છવાઇ જતો હતો.
આજથી 50 વર્ષ પહેલા અમરેલી અને વરસડાના લોકોએ સરકારમાં ફરિયાદ કરી દીપડાનો ત્રાસ દુર કરવા માંગણી કરી અને આખરે પોલીસ તંત્રને કરાયેલી રજૂઆત બાદ ખુંખાર દીપડાને ઠાર મારવાનું નક્કી કરવામાં આવ્‍યું હતુ કારણ કે વરસડાના સીમ વિસ્‍તારમાં લોકોને નિકળવું આકરુ થઇ ગયું હતુ દીપડાના ભયને કારણે વાડી ખેતરોમાં લોકો કામ કરવા જતા બંધ થઇ ગયા હતા દીપડો માનવીને ભાળીને હુમલો કરતો અને માનવભક્ષી બની ગયો હતો તેના આતંકને કારણે સાંજ પછી લોકોએ ઘરબહાર નિકળવાનું બંધકરી દીધેલ.
આખરે તે જમાનામાં અમરેલીના ડીએસપીએ પોલીસમેન છનાભાઇ ખંડુભાઇ બાબચાને દીપડાને શોધીને ઠાર મારવાની જવાબદારી સોપી હતી જાંબાજ છનાભાઇએ વરસડા પંથકમાં દીપડાની શોધખોળ ચલાવી અને વીસેક દિવસની મહેનત બાદ દિપડાને શોધી કાઢીને તેને ઠાર કરતા લોકોએ હાશકારો અનુભવ્‍યો હતો.
લોકોને દિપડાના ત્રાસમાંથી છૂટકારો મળી ગયો હતો પણ અમરેલી ઉપર આવેલી એ જમાનાની આફતને અમરેલી બાલભવનના નિયામક શ્રી હીરાલાલ શાહે બાલભવન માટે અવસર બનાવી એક યાદગીરી કાયમ કરી હતી શ્રી શાહે અમરેલી બાલભવનમાં એક ઉભેલી હાલતમાં મસાલો ભરેલ દિપડો તો હતો જ અને એક સિંહ પણ છે ત્‍યા વધુ એક દિપડો મુકવાનું નક્કી કરી વાઇલ્‍ડલાઇફ વિભાગની મંજુરી મેળવી અમરેલીના જ ચર્મકાર પાસે બાલભવનમાં જ એ દિપડાની ખાલ અને નખ ઉતારાવીને તેને સ્‍ટફીંગ કરવા (મસાલો ભરવા) છેક મૈસુર મોકલેલ તો ત્‍યાથી એવી કવેરી આવેલ કે દીપડાના નખમાં હજુ માંસનો ભાગ છે આથી તેને સાફ કરી ફરી મોકલેલ આજે પણ ઉપર તસવીરમાં દર્શાવેલ એ ખુંખાર દીપડાને લોકો જોઇ શકે તે માટે અમરેલી બાલભવનમાં રાખેલ છે.


અમરેલીમાં આજે સંત હરીરામબાપા ચોકનું નામાભિધાન

અમરેલી,
અમરેલીમાં આજે સંત હરીરામબાપા ચોકનું નામાભિધાન કરાનાર છે.અમરેલી પાલિકાના સહયોગથી અને દેહત્‍યાગ માટે અમરેલીને પસંદ કરનાર નાના જલારામબાપા ગણાતા પૂ. હરીરામબાપાના બાપાના તૈલચિત્રનું પૂ. વલકુબાપુના વરદ્દ હસ્‍તે અનાવરણ થનાર છે આપ્રસંગે લોહાણા સમાજ સહિત તમામ સમાજના આગેવાનોની ઉપસ્‍થિતિમાં ચોકનુ નામાભિધાન અને અનાવરણ વિધી થનાર હોય અમરેલીમાં હરખની હેલી ચડી છે.

અમરેલીમાં પૂ. હરીરામબાપા ચોકના નામાભિધાન પુર્વે સુંદરકાંડના પાઠ
અમરેલીના નાના બસસ્‍ટેન્‍ડ પાસે સંત પૂ. હરીરામબાપા ચોકના નામાભિધાન કાર્યક્નમની પુર્વ સંઘ્‍યાએ સુંદરકાંડના પાઠનું આયોજન કરવામાં આવ્‍યું હતુ તે પ્રસંગે ઉપસ્‍થિત અમરેલીની જનતા બહોળીં સંખ્‍યામાં ઉપસ્‍થિત રહી હતી.


સાવરકુંડલા વિદ્યાગુરૂ ફાઉન્‍ડેશન દ્વારા લલુભાઇ શેઠ આરોગ્‍ય મંદિરમાં બે નવા વિભાગોનું પૂ.મોરારીબાપુના હસ્‍તે લોકાપર્ણ કરાયું

સાવરકુંડલા,
સાવરકુંડલામાં છેલ્લા બે વર્ષથી ચાલી રહેલા લલુભાઇ શેઠ આરોગ્‍ય મંદિરમાં વિના મુલ્‍યે સારવાર અને દવા અપાઇ છે. પુ.મોરારીબાપુની નિશ્રામાં ચાલતા આઆરોગ્‍ય મંદિરમાં હાલ 7 વિભાગો દ્વારા નિષ્‍ણાંત ડોકટરો સેવા આપી રહ્યા છે. જેમાં અત્‍યાર સુધીમાં 1 લાખ 65 હજાર દર્દીઓએ લાભ લીધો હતો. જેમાં ફિજીયોથેરાપી, ડયાલીસીસ, પેથોલોજી, ગાયનેક સહિતના વિભાગોમાં દર્દીઓને વિનામુલ્‍યે દવા અને ઓપરેશનો કરી આપવામાં આવે છે ત્‍યારે આ સેવા યજ્ઞની યશકલગીમાં પુ.મોરારીબાપુના વરદ હસ્‍તે બાળકોનો વિભાગ અને દાંતનો વિભાગ શરૂ કરી લોકાર્પણ કરવામાં આવેલ અદ્યતન આઇસીયુની સારવાર નિષ્‍ણાંત ડોકટરો આપી રહ્યા છે.
આ કાર્યક્નમના સાક્ષી બનવા દેશ વિદેશમાંથી અનેક લોકોએ હાજરી આપી હતી. પર્વ સપ્‍તમી કાર્યક્નમ અંતર્ગત બે દિવસ ચાલેલા કાર્યક્નમમાં સાહિત્‍યકારોએ આગવુ પ્રદાન કરનાર કાલીન્‍દિ પરીખ, કિશોર વ્‍યાસ, પન્‍ના નાયક, રસીકભાઇ સોનપાલનું સન્‍માન કરાયું હતું. સંસ્‍કાર પર્વ અંતર્ગત સાંઇરામ દવેએ હાસ્‍ય પિરસી લોકો મનોરંજ પુરૂ પાડેલ કાર્યક્નમની પુર્વ સંઘ્‍યાએ નાટય પર્વમાં મુંબઇના સંજય ગોરડીયાએ જોકસ સમ્રાટ નાટક રજુ કરી લોકોને મંત્રમુગ્‍ધ કર્યા હતા કાર્યક્નમને સફળ બનાવવા ફાઉન્‍ડેશન પ્રમુખ હરેશ મહેતા, નંદલાલ માનસેતા સહિતે જહેમત ઉઠાવી હતી.


રાજુલાના પટેલ ટ્રેડર્સમાં ઇલે.શોક સર્કિટથી આગ

રાજુલા,
રાજુલા મેઇન બજારમાં આવેલ પટેલ ટ્રેડર્સ નામની ટ્રેકટરના સાધનો અને પાર્ટસની દુકાનમાં કોઇ કારણોસર શોકસર્કિટથી આગ લાગતા બજારમાં ધુમાડાના ગોટેગોટા નિકળતા વેપારીઓ અને લોકોના ટોળેટોળા દુકાન બાજુ દોડી આવ્‍યા હતા પરંતુ પાણી ન હોવાથી પાલિકાના પ્રમુખ જેન્‍તીભાઇ જાનીએ પાલિકના પ્રમુખ સંજયભાઇ ધાખડાને જાણ કરતા પાણીનો ટાંકો આવી જતા આગ કાબુમાં આવી હતી. ટ્રાફિક જામ થતા ટ્રાફિક પોલીસ ભરતભાઇ આહિર, હિતુભાઇએ ટ્રાફિક વ્‍યવસ્‍થા દુર કરી હતી સ્‍થળ ઉપર પાલિકાના પ્રમુખ સંજયભાઇ ધાખડા સહિત દોડી આવ્‍યા હતા દુકાનમાં ટ્રેકટરના સાધનોમાં પટ્ટા બેલ્‍ટ, પંખાઓ, વાયરીંગ, સહિત કિંમતી સ્‍પેરપાર્ટો બળી જતા અંદાજીત 7 થી 8 લાખનો માલસામાન ભસ્‍મીભુત બની ગયો હતો


05.01.2017

thumbnail of 05-1-17