Main Menu

Friday, April 13th, 2018

 

અમરેલી, તા.૧૩ એપ્રિલ, ૨૦૧૮ શુક્રવાર અમરેલી જિલ્લા માં ગ્રામપંચાયતની સામાન્યર ચૂંટણી સંબંધે તા.૨૨ એપ્રિલ.-૨૦૧૮ના રોજ મતદાન થનાર છે.

ચૂંટણીપ્રચાર અભિયાનરૂપે રાજકીય/બિનરાજકીય પક્ષના કાર્યકરો અને ચૂંટણી ઉમેદવારો તરફથી પોતપોતાના મત વિસ્‍તારોમાં ચૂંટણી પ્રચાર ઝુંબેશ શરૂ કરવામાં આવેલ છે. પ્રચારના હેતુ માટે તેઓ દ્વારા કે તેઓની સહમતિથી બીજા કોઇ વ્‍યક્તિ દ્વારા પ્રચાર માટે વાહનોનો ઉપયોગ કરવામાં આવે છે, આવા વાહનો પર દેખરેખ રાખવા અને ઉમેદવારોના પ્રચાર માટે વપરાતા વાહનોના સંબંધમાં થતો ખર્ચ યોગ્‍ય રીતે જાહેર થાય તે હેતુથી અને જો આમ ન કરવામાં આવે તો તેમના પ્રતિસ્‍પર્ધી ઉમેદવારો તથા જનસામાન્‍ય તરફથી સાચી-ખોટી ફરિયાદો ઉપસ્‍થિત થવા અને એકબીજા જુથો વચ્‍ચે મનદુઃખ અને ઘર્ષણ ઉભુ થવાની સંભાવના તેમજ સુલેહશાંતિનો ભંગ થવા સંભવ રહે છે.

ઇ.ચા.અધિક જિલ્‍લા મેજીસ્‍ટ્રેટશ્રી-અમરેલી દ્વારા ફોજદારી કાર્યરીતિ અધિનિયમ-૧૯૭૩ની (૧૯૭૪નો બીજો અધિનિયમની) કલમ-૧૪૪ અન્વયે જાહેરનામુ ફરમાવેલ છે. કોઇપણ રાજકીય પક્ષો કે બિનરાજકીય પક્ષો તેમના ઉમેદવારો કે તેની સહમતિથી બીજા કોઇ વ્‍યક્તિ દ્વારા ચૂંટણી પ્રચાર માટે વાહનોનો ઉપયોગ કરવામાં આવે તેવા તમામ વાહનો ચૂંટણી ઉમેદવારે તેમના ચૂંટણી અધિકારીશ્રી પાસે આવા વાહનો રજીસ્‍ટર કરાવવાના રહેશે.

રજીસ્‍ટર કરાયેલ વાહનની પરમિટ તેમના પાસેથી મેળવી, અસલ પરમિટ જ વાહનની ઉપર સહેલાઇથી દેખાઇ આવે તે રીતે વિન્‍ડસ્‍ક્રીન પર ચોંટાડવાની રહેશે. કોઇપણ સંજોગોમાં પરમીટની ફોટોકોપી ચાલશે નહિ. ઉપરાંત પરમીટ મેળવ્યા સિવાય અને વાહન રજીસ્‍ટર કરાવ્‍યા સિવાય કોઇપણ વાહનોનો ચૂંટણીપ્રચાર માટે ઉપયોગ કરી શકાશે નહિ. આ નિયંત્રણો યાંત્રિક શક્તિ થી કે અન્‍ય રીતે ચાલતા તમામ વાહનોને લાગુ પડશે.

મતદારોને મતદાન મથક સુધી લાવવા અને મતદાન મથકથી પરત લઇ જવાની મફત સગવડ માટે વાહનો ભાડે રાખવા-મેળવવા અથવા એ રીતે વાહનોનો ઉપયોગ કરવા પર પ્રતિબંધ ફરમાવવામાં આવ્‍યો છે.

ગ્રામ પંચાયતની ચૂંટણી લડતા દરેક ઉમેદવાર મતદાનના દિવસે, પોતાના ઉપયોગ માટે સમગ્ર મતદાર વિભાગ પૂરતા એક વાહનનો ઉપયોગ કરી શકશે. યથાપ્રસંગ ચૂંટણી એજન્‍ટ-કાર્યકરો-પક્ષના કાર્યકરોના ઉપયોગ માટે એક વાહન વાપરવા હક્કદાર રહેશે.

ઉમેદવાર કે તેના એજન્‍ટ અથવા પક્ષના કાર્યકરો કે કાર્યકરો માત્ર ચાર-ત્રણ-બે પૈડાવાળા વાહનો દા.ત. મોટરકાર (દરેક પ્રકારની), ટેક્સી, ઓટોરીક્ષા કે રીક્ષા અને દ્વિચક્રી વાહનોનો જ ઉપયોગ કરી શકશે. વાહનોમાં ડ્રાયવર સહિત કુલ-પાંચથી વધારે વ્યક્તિઓ બેસી શકશે નહિ.

મતદાનના દિવસે જો ઉમેદવાર મતદાર વિભાગ વિસ્‍તારમાં હાજર નહિ રહે તો, ઉમેદવારના પોતાના ઉપયોગ માટે મંજૂરી માટે આપવામાં આવેલ વાહન અન્‍ય કોઇ વ્‍યક્તિઓ દ્વારા વાપરી શકાશે નહિ.

અમરેલી જિલ્લામાં જયાં ગ્રામપંચાયતની સામાન્‍ય-મધ્‍યસત્ર-પેટા ચૂંટણી યોજાનાર છે તેવા ગ્રામ્ય વિસ્‍તારમાં હુકમનો અમલ કરવાનો રહેશે. હુકમનું ઉલ્‍લંઘન કરનાર/ ઉલ્‍લંઘન માટે મદદ કરનાર શખ્‍સ ભારતીય દંડ સંહિતાની કલમ-૧૮૮ હેઠળ સજાને પાત્ર થશે.


13-04-2018