Main Menu

Wednesday, April 18th, 2018

 

બળાત્કારીઓને કડક સજાની માંગણી સાથે અમરેલીમાં વિશાળ મૌન રેલી

અમરેલી કંથુવા અને ઉન્નાવામા બળાત્કારની ઘટનાઓ ના વિરોધમાં અમરેલીમાં સમસ્ત મુસ્લિમ સમાજ જિલ્લા કોંગ્રેસ તેમજ સ્થાનિક આગેવાનો દ્વારા વિશાળ મૌન રેલી યોજવામાં આવી હતી અને કલેકટરને આવેદનપત્ર આપવામાં આવ્યું હતું અમરેલીમાં સમસ્ત મુસ્લિમ સમાજ દ્વારા અડધા દિવસ માટે બળાત્કારના વિરોધમાં પોતાના ધંધા-રોજગાર બંધ રાખવામાં આવ્યા હતા અને મોટી સંખ્યામાં લોકો રેલીમાં જોડાયા હતા કાશ્મીરા ચોકથી આ વિશાળ રેલી નીકળી હતી અને શહેરના રાજમાર્ગો પર ફરીને કલેક્ટરને આવેદનપત્ર સુપરત કરવામાં આવ્યું હતું મૌન રેલીમાં જુદા-જુદા બેનરો દ્વારા બળાત્કારીઓ પ્રત્યે રોષ પ્રદર્શિત કરવામાં આવ્યો હતો રેલી દરમિયાન શહેરના માર્ગો લોકોથી ઉભરાયા હતા આવેદનપત્રમાં કરવામાં આવેલી રજૂઆત મુજબ કંટવા અને ઉન્નાવામા નાની બાળાઓ ઉપર બળાત્કાર બાદ હત્યા કરવાની ઘટનામાં આરોપીઓ સામે કડક કાર્યવાહી કરીને આવા ગંભીર ગુનામાં ટૂંક સમયમાં અને કડક સજા થાય તે માટે કાયદો બનાવવા માસુમ બાળકીઓ અને તેના પરિવારની તાત્કાલિક ઓળખ કરવા આરોપીઓને પકડીને સજા કરવા ભોગ બનેલી બાળકીના પરિવારને તાત્કાલિક નોકરી આપવા બાળકીના પરિવારને ૫૦ લાખનું વળતર ચૂકવવા જરૂર પડે આ કેસની તપાસ દેશની પાસે કરવામાં સહિતના મુદ્દે રજૂઆત કરવામાં આવી હતી.


કેમિકલ ભરેલી ટ્રકમાં ભીષણ આગ લાગતાં ભારે અફરાતફરી

અમદાવાદ: આણંદ નજીક આવેલ સામરખા ચોકડી પાસે નેશનલ હાઇવે ૪૮ પર એક ટ્રકમાં અચાનક જ ભીષણ આગ ફાટી નીકળતા અફરાતફરી મચી ગઇ હતી. મળતી માહિતી પ્રમાણે નેશનલ હાઇવે ૪૮ પર સામરખા ચોકડી પાસેથી પસાર થઇ રહેલી કેમિકલના ડ્રમ ભરેલી એક ટ્રકમાં અચાનક જ આગ ફાટી નીકળી હતી.

ડ્રાઇવર-ક્લિનર સમયસૂચકતા વાપરી ટ્રકમાંથી કૂદી પડતા બંનેનો બચાવ થયો હતો. જોતજોતામાં જ આગે વિકરાળ રૂપ ધારણ કરી લેતા આ રોડ પરનો ટ્રાફિક કલાકો સુધી થંભી ગયો હતો. બનાવની જાણ થતા ફાયરબ્રિગેડના જવાનોએ તાત્કાલીક ઘટનાસ્થળે પહોંચી જઇ સતત પાણીનો મારો ચલાવી ભારે જહેમત બાદ આગને કાબુમાં લીધી હતી.


18-04-2018