Main Menu

Wednesday, June 12th, 2019

 

રાજુલા જાફરાબાદની કંપનીઓમાં બે દિવસની ફરજીયાત રજા પાડી દેવાઇ

વાયુ નામના વવાજોડા ને લઈ ને હાલ તો વહીવટી તંત્ર અને સરકાર ની ઊંઘ હરામ થય ગઈ છે અહીં રાજુલા જાફરાબાદ પંથક ના દરિયા કાંઠે મોટા પ્રમાણ માં ઉધોગો ધમધમી રહ્યા છે જેમા પીપાવાવ પોર્ટ,રિલાન્સ ડીફેન્સ,અલ્ટ્રાટેક સીમેન્ટ કંપની,સ્વાન એનર્જી કંપની,નર્મદા સીમેન્ટ કંપની, જી.એસ.સી.એલ. કંપની,સીંટેક્ષ કંપની સહિત તમામ ઉધોગ ગૃહો ને એલર્ટ કરી લેખિત માં તંત્ર એ સૂચના આપી 2 દિવસ માટે કંપની મા ચાલતી કામગીરી બંધ રાખવી અને ઉધોગ ની જેટી વિસ્તાર પર જવા પ્રતિબંધ મુકી કડક આદેશો આપ્યા છે જેને લઈ ને પરપ્રાંતી માણસો મા ફફડાટ વ્યાપી ગયો છે


“વાયુ’નો ફફડાટ : જિલ્લાના દરિયાકાંઠે હાઇએલર્ટ,શાળાઓમાં રજા

અમરેલી,અમરેલી જીલ્લાના દરિયાકાંઠે બુધવારે રાત્રીના કોઇ પણ સમયે વાયુ ચક્રવાત ત્રાટકીને 120 થી 135 કિંમીની ઝડપે ચક્રવાત પવન અને ભારેથી અતિભારે વરસાદ સાથે સમગ્ર વિસ્તારને ધમરોળે તેવી શકયતા. 2 શહેરો અને 23 ગામોમાં હાઇએલર્ટ જાહેર કરીને 19 હજાર જેટલા લોકોનું સ્થળાંતર કરવામાં આવી રહયું છે. એનડીઆરએફની 4, આર્મીની 2 ટીમો તૈનાત કરવામાં આવી છે. આ અંગે અમરેલી ખાતે એક પત્રકાર પરિષદ યોજીને જીલ્લા કલેકટર આયુષ ઓકે વિગતો આપતા જણાવ્યું કે , વાયુ ચક્રવાત અમરેલી જીલ્લાના દરિયાકાંઠે બુધવારે રાત્રીના કોઇ પણ સમયે ત્રાટકે તેવી સંભાવના છે તેની અસરથી 120 થી 135 કિંમીની ઝડપે પવન ફુંકાશે. સમગ્ર જીલ્લામાં તેની અસરથી ભારેથી અતિભારે વરસાદ પડવાની સંભાવના છે. જીલ્લાના દરિયાકાંઠે આવેલા રાજુલા – જાફરાબાદ બે શહેરો અને રાજુલાના 13 તથા જાફરાબાદના 10 મળીને 23 ગામોમાં હાઇએલર્ટ જાહેર કરી 19 હજાર જેટલા લોકોનું સલામત સ્થળે સ્થળાંતર કરાવવામાં આવી રહયું છે. આ વિસ્તારમાં 96300 લોકોની વસ્તી છે. પાકુ હોય તેમને ઘરની બહાર ન નિકળવા સુચના અપાઇ છે. જયારે કાચુ મકાન હોય તેવા 19 હજાર લોકોનું સ્થળાંતર ચાલુ છે. વાવાઝોડાની માહિતી અને સલામતી પગલા લેવા માટે 1.50 લાખ લોકોને સ્થળાંતર માટે અને અન્ય તકેદારી માટે અઢી લાખ લોકોને એસએમએસ કરીને જાણ કરાઇ છે. આ ઉપરાંત જીલ્લામાં કોઇ પણ પરિસ્થિતીને પહોચી વળવા માટે એનડીઆરએફની 4, આર્મીની 2 ટીમો તૈનાત કરવામાં આવી છે.
જરૂર પડયે જામનગર વાયુદળની પણ મદદ લેવાશે. સલામતી માટે ના તમામ પગલાઓ લેવા જુદી – જુદી ટીંમો બનાવીને યુધ્ધના ધોરણે કામગીરી શરૂ કરાઇ છે.


12-06-2019


12-06-2019-purti


error: Content is protected !!