Main Menu

Tuesday, September 24th, 2019

 

24-09-2019


ધારી નજીક પરબડીમા એક સાથે 14 વનરાજો આવી ચડતા ભરબપોરે છ ગાયોના મારણ કર્યા

ચલાલા,ધારી તાબા ના પરબડી ગામે ભર બપોરે એકી સાથે છ સીહોનુ ટોળું આવી ચડતા પશુ પાલકો ખેડુતો મા અફડા તફડી તથા ભારે ભય નો માહોલ સર્જાયો હતો ત્યારે હાલ ખેતી ની સીજન ચાલુ હોય ત્યારે દરેક ખેતરોમા વાવેલ પાક પણ ખુબ ઉંચાઇ વાળા થઇ ગયેલ હોય ત્યારે આવી જગ્યા મા છુપાઇ બેઠેલા આ અતી ભયંકર સીંહો ગમે ત્યારે ખેડુત ખેતમજૂર કે પશુપાલકો તથા કાયમી સીમમા રહેતા મજુરો તથા તેના પરીવાર ઉપર ગમે ત્યારે મોત બની ત્રાટકે તેવી ભીતી સેવાઇ રહી છે તેટલુ જ નહી નાના એવા પરબડી ગામમાં છાશવારે દીપડા માલધારી ઓ ના ધરમા ઘરી મારણ કરે છે ત્યારે આ વિસ્તારના દરેક લોકો ને પોતાનુ તથા પોતાના પરીવાર નુ તથા પશુઓનુ તથા પોતાના ખેતર વાડી મા પોતાની રોજીરોટી સમા પાક નુ રક્ષણ કરવુ અતી મુશ્કેલ બન્યુ છે ત્યારે રાનીપશુઓના ભયના ઓથાર વચ્ચે ગામના અંદાજે ત્રીસ વિદ્યાર્થીઓ ગામમાં બસ આવતી ન હોવાથી દરરોજ બે કીલોમીટર ચાલી અન્યશહેરમાં અભ્યાસ કરવા જાય છે ત્યારે જો સત્વરે આ વિસ્તારના લોકો પશુઓ તથા વાડીયુ તથા ખુલ્લા કૂવાઓ ને સરકાર તથા વનવિભાગ દ્વારા આરક્ષિત કરવા મા નહીં આવેતો ગમે ત્યારે મોટી જાનહાની અથવા તો ખુલ્લા કુવાઓ તથા વાડીયુ મા લીધેલ વીજજોડાણ કે વીજ ઉપકરણો કે ખેતી ના પાકોમાં છાંટવાની જંતુનાશક દવાઓ થી પણ રાની પશુઓ સહીત અન્ય વન પ્રાણીઓ પર પણ ખતરો છે ત્યારે આવી અનાયાસે કોઇ ગંભીર પરીસ્થિતી ઉભી થાય ત્યારે નિર્દોષ ખેડુતો કે પશુપાલકો પર ખોટા આક્ષેપો થાય છે ત્યારે રાનીપશુઓ તથા વન્યપ્રાણીઓતથા આ વિસ્તારના દરેકલોકો પશુપાલકો ખડુતો ખેતમજૂરો સુરક્ષીત રહે તેવા પાવન હેતુ થી સરકારશ્રી તથા વન વિભાગ દ્વારા યોગ્ય સર્વે કરાવી વિવિધ યોજનાઓ નો લાભ પશુપાલકો તથા ખેડુતો ને આપવા આવે તો રાનીપશુ ઓ તથા વન્યપ્રાણી તથા માલધારી તથા ખેડુતો સહીત ના દરેક લોકોને ઘણુ સુરક્ષાકવચ મળશે .


અમરેલીના સિનિયર એડવોકેટ બકુલભાઇ પંડ્યાની ડીસિપ્લીનરી કમિટીના ચેરમેન પદે વરણી

અમરેલી, બાર કાઉન્સિલ ઓફ ગુજરાત દ્વારા આગામી 2019,/20 માટે નવા હાદેદારો ની વરણી કરવા માં આવી જેમાં બાર કાઉન્સિલ ઓફ ગુજરાત દ્વારા અમરેલી વકીલ મંડળ ના ,સિનિયર એડવોકેટ શ્રી બકુલભાઈ પંડ્યા ની બાર કાઉન્સિલ ઓફ ગુજરાત દ્વારા ડિસિપ્લીનરી કમીટી ના ચેરમેન તરીકે નિમણૂક કરવા માં આવેલ છે.
જે નિમણૂક ને અમરેલી વકીલ મંડળ દ્વારા અને પ્રમુખ એન વી ગિડા ,જે એલ સોજીત્રા , અજય પંડ્યા મનોજ ભાઈ ગોસાઈ એમ બી સોલંકી વિગેરે દ્વારા વધાવી અને શુભેચ્છા આપેલ છે.એમ જે સૈયદ ,રફીકભાઈ મોગલ ,પી જે શુક્લ, મયુરભાઈ મંજરીયા,નિશીત પટેલ, સી બી મહેતા,હિંમત સોલકી,તેમજ તમામ વકીલો દ્વારા શુભેચ્છા આપેલ છે


સાવરકુંડલાના ચિરાગ માધવાણીના રહસ્યમયી મોતની તપાસ માટે એસપીશ્રીને આવેદન આપતો રઘુવંશી સમાજ

અમરેલી,અમરેલી તથા સાવરકુંડલાના લોહાણા મહાજનના આગેવાનો દ્વારા અને પાંચ દિવસ પહેલા કુંડલાના વિજપડી રોડ ઉપર શંકાસ્પદ રીતે મોતને ભેટેલા રઘુવંશી યુવાનના મોતની તપાસ માટે અમરેલીના એસપીશ્રી નિર્લિપ્ત રાય સમક્ષ આવેદન આપી રજુઆત કરાઇ હતી તથા આ યુવાનના માતાએ પણ એસપીને લેખિત રજુઆત કરી હતી અને પોલીસ દ્વારા પણ તટસ્થ જીણવટભરી તપાસની ખાત્રી અપાઇ હતી. લોહાણા સમાજના આગેવાનોએ આવેદનમાં જણાવ્યું હતુ કે, ગત તા.17/9ના રાત્રીના સમયે સાવરકુંડલા તાલુકાના રામગઢના બસ સ્ટેન્ડથી આશરે દોઢ કિ.મી. દુર ચિરાગ જીતેન્દ્રભાઇ માધવાણીનું શંકાસ્પદ હાલતમાં લાશ મળી આવેલ હોય.જે ખરેખર મર્ડર હોવાની પુરેપુરી શંકા હોય, તેવા સંજોગોમાં અવસાન પામનાર ચિરાગભાઇના ઘરમાં માત્ર તેની વિધવા માતા અને તેની પત્નિ ઉપર ખુબજ મોટી આફત આવી પડેલ હોય. હાલ તેઓ નિ:સહાય તેમજ નીરાધાર હાલતમાં આવી પડેલા હોય. તેવા સંજોગોમાં જે મૃત્યુ થયેલ છે તે ખુબજ શંકાસ્પદ રીતે થયેલ છે.અને સમાજના તમામ લોકોની લાગણી તેમની સાથે છે.ખરેખર આ બાબતે શું હકીકત બનેલ છે. તેની ન્યાયીક અને યોગ્ય તપાસ થવી જરૂરી છે.સમાજના લોકો એવુ પણ ઇચ્છે છે કે આ ગુન્હાની તપાસ સીઆઇડી ક્રાઇમ મારફતે કરવામાં આવે. અથવા તો આપ તરફથી કાબેલ અને સાઇન્ટીફીક રીતે તપાસ કરી શકે તેવા ઉચ્ચ અધિકારીઓની સ્પેશીયલ ટીમ બનાવી આ બાબતે તપાસ કરવામાં આવે તેવી સમગ્ર લોહાણા સમાજની માંગણી છે. જે રીતે બનાવ બનેલ તે પ્રથમ દર્શનીેય રીતે અકસ્માતનો બનાવ હોય તેવુ જણાતુ નથી.તેથી બનાવ ખુબજ ગંભીર અને શંકાપ્રેરીત છે.તેવા સંજોગોમાં ગુજરનારના ઘરનાં સભ્યોને ન્યાય મળે તે ખુબજ જરૂરી રહેલુ છે.જેથી અમોને આપ ઉપર સંપુર્ણ પણે વિશ્ર્વાસ એન ભરોસો રહેલ છે.સમગ્ર લોહાણા સમાજની લાગણીઓ ગુજરનારના પરિવાર સાથે હોય. જેથી આપના દ્વારા યોગ્ય તપાસ કરવામાં આવે તેવી અમારા સમાજની માંગણી છે.આવેદન પત્ર જીલ્લા પોલીસવડાને પાઠવવા સમયે જગદિશભાઇ માધવાણી, વિજયભાઇ વસાણી, મહેશભાઇ મશરૂ, હેમાંગભાઇ ગઢીયા, રાજુભાઇ નાગ્રેચા, પીયુષભાઇ મશરૂ, ભીખાભાઇ માધવાણી, મયુરભાઇ માધવાણી, ધર્માંગભાઇ મશરૂ, ડો .કાનાબાર, જે.પી. ગોળવાળા,જયસુખભાઇ પોપટ, યોગેશભાઇ કોટેચા, પી.સી. વણજારા સહિતના લોહાણા સમાજના આગેવાનો ઉપસ્થિત રહયા હતા.


ચિરાગની હત્યાની આશંકા દર્શાવતા અનેક મુદાઓની તપાસ માંગતા વિધવા માતા

અમરેલી,
સાવરકુંડલા પંચવટી સોસાયટી પાસે હરીકૃષ્ણ કોમ્પ્લેક્ષ પાછળ રહેતા જ્યોતિબેન જીતેન્દ્રભાઇ માધવાણીએ પોતાના પરણીત પુત્ર ચિરાગ જીતેન્દ્રભાઇ માધવાણીના મોતને શંકાસ્પદ જણાવીને એસપી પાસે રજુઆત કરી છે કે, અમોને શંકા છે કે મારા પુત્રનું ખરેખર એક્સીડેન્ટ થયેલ નથી.પરંતુ તેમનું મર્ડર થઇ ગયેલ હોય. આ બાબતે અમો ન્યાય મેળવવા માંગીએ છીએ.અમોને હાલ કોઇની ઉપર શંકા નથી. પરંતુ બનાવ જે રીતે બનેલ છે તે શંકા ઉપજાવે તેવો છે. શંકાના કારણમાં પરિવાર દ્વારા જણાવાયું છે કે, ચિરાગનો હાથ ભાંગી ગયો ગળામાં ચોરો હતો અને હાથ તથા ખંભા બાંધ્ોલા હોય તે રીતે હતા તથા તેનું વાહન અકસ્માતમાં મોત થયું હોવા છતાવ પણ તેના શરીર ઉપર કપડા અકબંધ હતા જે શંકાજનક છે.પરિવારનો આધાર એવો ચિરાગ અકાળે મોતને ભેટતા પરિવાર ઉપર વજ્રઘાત થયો છે. આ બનાવની યોગ્ય દિશામાં ન્યાયીક તપાસ થાય તે માટે અમરેલી જીલ્લા પોલીસ વડાને લેખીત અરજી પાઠવી છે.જેની નકલ મુખ્યમંત્રી અને ગૃહમંત્રીશ્રીને મોકલી આપેલ છે.


અમરેલીમાં કચરાના ઢગમાંથી ચૂંટણીકાર્ડનો જથ્થો મળી આવતા ખળભળાટ

અમરેલી,
અમરેલીમાં કચરાના ઢગમાંથી ચૂંટણીકાર્ડનો જથ્થો મળી આવતા ખળભળાટ મચી ગયો છે ગુજરાત હાઉસીંગ બોર્ડ સોસાયટીના કચરાના ઢગલામાંથી 600 જેટલા ચૂંટણી કાર્ડ મળી આવ્યા હોય ચોંકી ઉઠેલ તંત્ર દોડી ગયું હતુ અને કાર્ડ કબજે કર્યા હતા.
આ 600 જેટલા કાડર્માં 160 અમરેલી જિલ્લાના તથા બીજા કાર્ડ અન્ય જિલ્લાના છે અમરેલી કોંગ્રેસ યુવા આગેવાન શ્રી શરદ ધાનાણી દ્વારા જીણવટભરી તપાસની માંગ કરવામાં આવી છે અને એવી શંકા દર્શાવાઇ છે કે, બનાવટી ચુંટણી કાર્ડ છાપવાનું અને લોકશાહી સાથે ચેડા કરવાની કોશીશ છે.
આ અંગે જિલ્લા ચૂંટણી અધિકારી શ્રી રાજેશ આલે જણાવેલ કે, આ કાર્ડ પડયા હતા તે જગ્યાના સીસી ટીવી ફુટેજ મેળવીને તેની ઇન્કવાયરી તેઓ પોતે ચલાવી રહયા છે અને જેમના જેમના આ કાર્ડ છે તે તમામ મતદારો તંત્ર પહોંચશે અને આમા કાર્ડ બનાવવાનો જેમને કોન્ટ્રાકટ અપાયો છે.તે અમરેલી જિલ્લાની એજન્સી ઉપરાંત સ્ટેટ કક્ષાની એજન્સીની પણ મદદ લેવાશે. શ્રી આલે જણાવેલ કે જેટલાના કાર્ડ મળ્યા છે તે તમામના કાડર્ને ઓનલાઇન સર્ચ કરી મતદારનો સંપર્ક કરી વેરીફાઇ કરાશે અને હાલમાં બે જગ્યાના સીસી ટીવી ફુટેજ પોતે મેળવી આ કાર્ડ કોણ નાખી ગયું તેની સર્વ પ્રથમ તપાસ કરાનાર હોવાનું શ્રી આલે જણાવેલ છે. બીજી તરફ આ તમામ આઇ કાર્ડ વેસ્ટેજ હોવાનું તારણ નિકળી રહયું છે કાર્ડ બનાવનાર એજન્સીએ વેસ્ટેજ કાર્ડનો મામલતદારની સુચના પ્રમાણે કટીંગ કરી નાશ કરવાનો હોય છે પણ તેમાં ગફલત રહીે ગઇ છે કે કૌભાંડ છે તેની તપાસ ચાલી રહી છે સાંજે ચૂંટણી અધિકારીશ્રી રાજેશ આલ તથા મામલતદારશ્રી અને સીટી પોલીસ સ્ટેશનના ઇન્ચાર્જ પીઆઇ શ્રી મહેશ મોરી દ્વારા બેઠકો અને તપાસનો દોર શરૂ થયો છે.


error: Content is protected !!