Main Menu

December, 2019

 

29-12-2019


28-12-2019


દાતરડીમાં બંધારા યોજના ફરી શરૂ ન થાય તો આંદોલન

દાતરડી, સરકારે દાતરડીમાં ક્ષાર અંકુશ નિયંત્રણ નીચે બંધારા યોજના બનાવી પંરતુ પાછળથી ફાઇલ કાંધીએ ચડાવી દેતા હાલ ખારા પાણીનો વિસ્તાર વધ્યો છે. હવે જો બંધાયા યોજના શરૂ ન થાય તો સમસ્ત ગ્રામજનોએ આંદોલનની ચિમકી આપી છે. દાતરડી ગામ ના પ્રજાજનો જણાવવી એ છીએ કે દાતરડી ગામે 1994 માં ક્ષાર અંકુશ નીયન્ત્ર્ણ નીચે બંધારા યોજના મંજુર થયેલ હતી. જે અગરવાળા તથા જિંગાફાર્મ વાળા ના રાજકીય કાવા દાવા ના હિસાબો રદ થયેલ છે. તેના થી જમીન માં ક્ષાર નું પ્રમાણ બોહુંજ વધી ગયેલ છે. તેમજ દસ કિલોમીટર સુધી તળમાં ખારાશ આવી ગયેલ છે. તો આ બાબતે બંધારો થાય તો આ વિસ્તાર ના 10 જેટલા ગામોને ખુબ જ ફાયદો થાય એમ છે. તેમજ તળમાં મીઠા પાણી થાય એમ છે તો આપને નમ્ર અરજ છે કે, ઉપર પ્રમાણે બંધારો મંજુર કરાવી યોગ્ય કાર્યવાહી કરવા સમસ્ત ગ્રામ જનો અપીલ કરીએ છીએ. ઉપરોકત પ્રમાણે કાર્યવાહી નહી કરવા માં આવે તો દાતરડી ગ્રામ રક્ષક સમિતિ તેમજ સમસ્ત ગ્રામજનો ના છુટકે ઉપવાસ આંદોલન કરવા મજબુર રહેશે અને ત્યારબાદ સમગ્ર જવાબદારી તંત્રની રહેશે.


અમરેલી શહેરની પ્રજા માથે 10 ટકાથી વધ્ાુ તોળાતો પાણી વેરાનો વધારો

અમરેલી, અમરેલી નગરપાલીકા દ્વારા શહેરની પ્રજાને જુદા જુદા પાણીના સ્ત્રોતમાંથી પીવાનું પાણી પુરૂ પાડવામાં આવી રહયુ છે. જેમાં ઠેબી ડેમ, તેમજ મહીપરીયેજ યોજના અંતર્ગત શહેરીજનોને પાણી વિતરણ દર 3 દિવસે કરવામાં આવી રહયુ છે. પાલીકા દ્વારા શહેરીજનો પાસેથી દર વર્ષે પાણી વેરા પેટે રૂા. 600 જેવો ચાર્જ વસુલ કરવામાં આવતો હતો. પરંતુ નગરપાલીકાને રાજ્યના પાણી પુરવઠા બોર્ડ તેમજ સિંચાઇ વિભાગને પાણી વેચાતુ લેવા માટેના નાણા ચુકવવાના હોય છે. પરંતુ પાણી વેરા પેટે જોઇએ તેટલી દર વર્ષે આવક થતી ન હોય. નગરપાલીકા દ્વારા પાણી વેરો બમણો કરવા માટે અગાઉ એક જાહેર નોટીસ પણ પ્રસિધ્ધ કરી હતી. જેના સંદર્ભમાં 28 જેટલા અરજદારોએ પાણી વેરો નહી વધારવા માટે વાંધા સુચનો રજુ કર્યા હતા. આ તમામ વાંધા સુચનોને સાંભળ્યા બાદ અમરેલી પાલીકા દ્વારા પાણી વેરો વધારવાની દરખાસ્ત ભાવનગર ખાતે આવેલી નગરપાલીકા નિયામકની કચેરીને પાણી વેરો બમણો કરવાની દરખાસ્ત મોકલી આપવામાં આવશેે. પાલીકાના સુત્રોના જણાવ્યા પ્રમાણે સંભવત 10 ટકાથી વધ્ાુ પાણી વેરો વધવાની શક્યતા રહેલી છે.
આ અંગેની પ્રાપ્ત વિગતો મુજબ અમરેલી શહેરની પ્રજાને હાલમાં ઠેબી ડેમ,મહીપરીયેજ તથા તારવાડી તથા કોમલીપાટ કુવામાંથી પાણી ઉલેચીને શહેરની પ્રજાને હાલમાં દર 3 દિવસે પાણી વિતરણ કરવામાં આવી રહયુ છે. જેમાં ઠેબી ડેમ તથા મહીપરીયેજ યોજનામાંથી નર્મદાનું પાણી વેચાતુ લેવુ પડતુ હોય છે. જે ખુબજ ખર્ચાળ છે સાથો સાથ નગરપાલીકાની વોટર શાખામાં કામ કરતા કર્મચારીઓ તથા પાણીના વાલ ખોલતા વાલમેનોના પગાર પણ માંડ માંડ નીકળે તેટલો ઘર દીઠ વર્ષે રૂા. 600 જેવો પાણી વેરો વસુલ કરવામાં આવી રહયો છે.
આમ પાલીકા દ્વારા હાલમાં કરાતું પાણી વિતરણ ખુબજ ખર્ચાળ હોવાના લીધ્ો રૂા. 600 ના બદલે રૂા. 1200 પાણી વેરો કરવા માટે તાજેતરમાં પાલીકા દ્વારા જાહેર નોટીસ પણ પ્રસિધ્ધ કરવામાં આવી હતી. જેના સંદર્ભે 28 જેટલા જાગૃત નાગરીકો દ્વારા પાણી વેરો નહી વધારવા માટે પોતાના વાંધા સુચનો રજુ કર્યા હતા. આ તમામ અરજદારોના વાંધા સુચનો સાંભળ્યા બાદ અમરેલી નગરપાલીકા દ્વારા પાણી વેરો વધારવાની દરખાસ્ત ભાવનગર ખાતે આવેલી પ્રાદેશીક નગરપાલીકા નિયામકના કમિશ્નરને મોકલી આપવામાં આવશે. આમ આ દરખાસ્ત ઉપર નગરપાલીકાના નિયામક દ્વારા સંભવત 10 ટકાથી વધ્ાુ પાણી વેરો વધારવાની મોહોર લગાવશે. તેમ નગરપાલીકાના ઉચ્ચ સુત્રો માની રહયા છે.


પાસપોર્ટ,લાયસન્સ માટે માત્ર બેથીસાત દિવસમાં પોલીસ દાખલા અપાશે

અમરેલી,એક સમયે રાજયભરમાં મોરલ ગુમાવી ચુકેલી અમરેલી પોલીસનો પાછો સુવર્ણ યુગ આવ્યો હોય તેમ અત્યારે એસપીશ્રી નિર્લિપ્ત રાયની કામગીરીને કારણે અમરેલી પોલીસે લોકોનો વિશ્ર્વાસ જીત્યો છે ત્યારે પોલીસ દ્વારા કરાઇ રહેલી કામગીરીની સમીક્ષા કરવા માટે અમરેલીે આવેલ ભાવનગર રેન્જના આઇજી શ્રી અશોકકુમાર યાદવે આમ લોકોને સુરક્ષા આપવામાં સફળ થયેલ પોલીસ તંત્ર દ્વારા લોકોની સેવા કરવાના વધ્ાુ ઉમદા નિર્ણયો લીધા છે જેમા પોલીસના દાખલા માટે માત્ર બે જ દિવસમાં અને પાસપોર્ટ ની વિધિ માત્ર સાત દિવસમાં જ પુર્ણ કરાનાર હોવાનું જણાવીને આજે પત્રકારોને સંબોધતા જણાવેલ કે, અકાગામી જાન્યુઆરીમાં જિલ્લાના વ્યાજખોરો, ખંડણીખોરો અને ભુમાફીયાઓ સામે વિશેષ ઝુંબેશ શરૂ કરાશે અને તેના માટે પોલીસને માહીતી આપવા તથા ફરિયાદ કરવા લોકોને અનુરોધ કર્યો હતો.
અમરેલીના એસપીશ્રી નિર્લિપ્ત રાય તથા એએસપીશ્રી પ્રેમસુખ ડેલુ તથા શ્રી સુશીલ અગ્રવાલ તથા એલસીબીના શ્રી આરકે કરમટા સહિતના પોલીસ અધિકાારીઓની ઉપસ્થિતિમાં યોજાયેલ પત્રકાર પરિષદમાં શ્રી અશોકકુમાર યાદવે પત્રકારોને જણાવેલ કે, સૌશ્યલ મીડિયામાં ખોટા વિડીયો કે કોમેન્ટ ફેલાવનારા સામે પણ પોલીસ આઇટી એકટ હેઠળ કડક પગલાઓ ભરશે આખા રાજયમાં સર્વ પ્રથમ અમરેલી પોલીસે તપાસ કરતા બેનામી સંપતી મળી હોય તેવુ બન્યુ છે અને કુખ્યાત મહીલા દ્વારા પોલીસને ધમકકી અપાતા માત્ર 48 કલાકમાં તેને પકડી તેની સામે કાર્યવાહી કરવામાં આવી છે. અને પોલીેસ તંત્ર જેલમાં પણ ગુનેગારો ઉપર નજર રાખીે રહયુ છે અને ઘણા ગુનેગારોને જેલમાંથી પણ સાબરમતી કે ભુજ સહિત રાજયભરની જુદી જુદી જેલોમાં મોકલી કાયદાનો અહેસાસ કરાવાઇ રહયો છે.
ઇ-ગુજકોપમાં કરાતા કરાતી સમીક્ષામાં પણ ડીટેકશનમાં અમરેલી જિલ્લો ગુજરાતના ટોપ ત્રણ જિલ્લામાં છે.અમરેલી શહેરમાં થયેલા ગેંગરેપના કેસમાં પોલીસે અસરકારક કામગીરીકરી છે અને સરકારે તેના માટે સ્પેશ્યલ કોર્ટની રચના કરી છે જેમા આ કેસ ચાલવાનો છે.
અમરેલી પોલીસે કરેલી કામગીરીને બીરદાવીને આઇજી શ્રી અશોકકુમાર યાદવે સીરીયલ કીલર પકડી એક વષર્માં ગેંગકેસો કરી અમરેલી પોલીસે ગુનેગારોને જેલમાં મોકલી અને તે જામીન ઉપર પણ ન છુટે તેવી કામગીરી કરતા આજે આસપાસના જિલ્લા પણ સલામતી અનુભવી રહયા હોવાનું જણાવીને અમરેલી પોલીસને અભિનંદન આપ્યા હતા.અને દિલ્હી રાષ્ટ્રપતિ સમક્ષ પરેડનું પ્રતિનીધીત્વ કરી અને છવાઇ જનારા અમરેલીના પ્રામાણીક એએસપી શ્રી પ્રેમસુખ ડેલુનું રાજયના ડીજીપી દ્વારા સન્માન કરવામાં આવશે તેમ જણાવેલ ગુજરાત પોલીસ બેડામાં અમરેલીના અધિકારી શ્રી પ્રેમસુખ ડેલુએ ગૌરવ વધારેલ છે. જીલ્લામાં એક પીઆઇ તેમજ પાંચ પીએસઆઇ સહિત 16 પોલીસ કર્મચારીઓનું સન્માન કરાશે. સુંદર કામગીરી બદલ પોલીસ કર્મીઓનું સન્માન થતા જીલ્લાના પોલીસ બેડામાં આનંદની લાગણી છવાઇ છે. જાફરાબાદ પોલીસ સ્ટેશનના પીઆઇ ડો. એલ.કે.જેઠવા, પી.એસ.આઇ. જે.એમ.કડછા પોલીસ અધિક્ષક શ્રીની કચેરી અમરેલી, એન.સી.ઝાલા રી.પી.એસ.આઇ. પોલીસ હેડ ક્વાર્ટર અમરેલી, જી.ડી. આહીર પી.એસ.આઇ. દામનગર, એ.પી. ડોડીયા પી.એસ.આઇ. સાવરકુંડલા રૂરલ, પી.એન.મોરી પ.એસ.આઇ. એલસીબી. શાખા તેમજ એન.એ.વાઘેલા વંડા, શૈલેષ વિનોદરાય રાવલ અનાર્મ એ.એસ.આઇ. પોલીસ અધિક્ષકશ્રીની કચેરી અમરેલી, પરેશભાઇ સુરેશભાઇ ચૌહાણ ડ્રાઇવર લોક રક્ષક દામનગર, જાવેદભાઇ કાદરભાઇ ચૌહાણ હેડ કોન્સ રાજુલા, યુવરાજસિંહ જશવંતસિંહ રાજુલા, પ્રિયંકાબેન મનસુખભાઇ જાની રાજુલા, બીનાબેન બળવંતરાય માંડાણી રાજુલા, અવનીબેન વરજાંગભાઇ મકવાણા પોલીસ હેડ ક્વાર્ટર અમરેલી, મુકેશભાઇ શામજીભાઇ ચૌધરી પોલીસ હેડ ક્વાર્ટર અમરેલી, ઇલાબેન બાબુભાઇ રાધનપરા બગસરાનું સન્માન કરવામાં આવશે.તેમ જણાવેલ.


અમરેલી શહેરમાં જિલ્લા પોલીસ તંત્ર દ્વારા સેરીમોનીયલ પરેડ યોજાઇ : સલામી અપાઇ

અમરેલીમાં હાલમાં પોલીસ તંત્રનો સુર્વણ યુગ ચાલી રહયો છે તેમ કહી શકાય છે આજે શુક્રવારે સવારે અમરેલીના પોલીસ હેડ કર્વાટરના પરેડ ગ્રાઉન્ડમાં ભાવનગર રેન્જ આઇજી શ્રી અશોકકુમાર યાદવે એસપીશ્રી નિર્લિપ્ત રાય તથા શ્રી પ્રેમસુખ ડેલુના માર્ગદર્શન હેઠળ યોજાયેલ સેરેમોનીયલ પરેડને સલામી આપી હતી તે નજરે પડે છે.


અધધ 35 કરોડનું લેણુ વસુલવા કુંડલા પાલિકાને વીજતંત્રની નોટીસ

અમરેલી,સાવરકુંડલા નગરપાલીકા દ્વારા કુલ રૂા. 35 કરોડ 45 લાખ જેવી રકમ છેલ્લા કેટલાય વર્ષોથી અમરેલી વિજ વર્તુળ કચેરીને ભરપાઇ નથી તેમજ આ બાકી લેણાની રકમ વસુલવા માટે દર મહિને નોટીસો ફટકારવામાં આવતી હોવા છતા પણ હજુ સુધી માત્ર આંગળીના વેઢે ગણી શકાય તેટલી જ રકમ માત્ર હપ્તા પેટે ચુકવવામાં આવે છે તેમ અમરેલી વિજ કંપનીના સુત્રોએ જણાવ્યુ હતુ.
આ અંગેની પ્રાપ્ત વિગતો મુજબ અમરેલી જીલ્લામાં કુલ 7 જેટલી નગરપાલીકાઓ આવેલી છે. જેમાં અમરેલી, બાબરા, દામનગર, ચલાલા, બગસરા, સાવરકુંડલા તથા રાજુલા નગરપાલીકા પાસે છેલ્લા કેટલાય વર્ષોથી પાણી પુરવઠા તેમજ સ્ટ્રીટ લાઇટ પેટેની કુલ 64 કરોડ 92 લાખ જેવી રકમ છેલ્લા કેટલાય વર્ષોથી બાકી નીકળે છે. આ તમામ નગરપાલીકાઓમાં જો સૌથી વધ્ાુ વધારે સ્ટ્રીટ લાઇટ તથા વોટર વર્કસના નાણા જો બાકી નીકળતા હોય તો તે માત્ર સાવરકુંડલા નગરપાલીકા પાસે સૌથી વધ્ાુ રૂા. 35 કરોડ 45 લાખ જેવી રકમ વસુલવાની બાકી નીકળે છે. આમ આ બાકી રકમના નાણા તાત્કાલીક ભરપાઇ કરી જવા માટે અમરેલી વિજ વર્તુળ કચેરી દ્વારા આ તમામ નગરપાલીકાઓને દર મહિને બાકી રકમના નાણા ભરપાઇ કરી જવા માટે નોટીસો ફટકારવામાં આવે છે. તેમ છતા પણ નગરપાલીકાનું વહીવટી તંત્ર આ નાણા ભરવામાં ઢીલાશ રાખી રહયુ છે. અમરેલી વિજ વર્તુળ કચેરી દ્વારા સાવરકુંડલા નગરપાલીકા પાસે વોટર વર્કસની લાઇટ પેટેના રૂા. 35.42 કરોડ અને સ્ટ્રીટ લાઇટના બીલના માત્ર રૂા. 3 લાખ જેવી રકમ છેલ્લા કેટલાય વર્ષોથી ભરવાની બાકી છે. આવી જ રીતે જો સૌથી સારો અને સુંદર વહીવટ કરતી નગરપાલીકાની ગણના કરવામાં આવે તો તેમાં દામનગર નગરપાલીકાનો નંબર પ્રથમ આવે છે. કારણકે દામનગર પાલીકાને વોટર વર્કસના લાઇટ પેટેના રૂા. 23 લાખ તથા સ્ટ્રીટ લાઇટના બીલ પેટેની રકમ માત્ર રૂા. 5 લાખ જેવી જ નજીવી અને મામુલી કહી શકાય તેવી રકમ ભરવાની બાકી છે. આમ સાવરકુંડલા નગરપાલીકાના વહીવટી તંત્ર કરતા દામનગર નગરપાલીકાનું વહીવટી તંત્ર નંબર અવ્વલ ગણી શકાય તેમ છે. અમરેલી વિજ વર્તુળ કચેરીના સુત્રોના જણાવ્યા પ્રમાણે સાવરકુંડલા નગરપાલીકાને વિજ બીલ પેટેની રકમ ભરી જવા માટે દર મહિને નોટીસો આપવામાં આવતી હોવા છતા પણ પાલીકાના તંત્ર દ્વારા માત્ર હપ્તાની રકમ ભરી શકાય તેટલી જ રકમનું ચુકવણુ કરી દે છે. પણ હવે આ નહી ચાલે અને કડક પગલા લેવાશે કારણ કે તંત્રએ બીએસએનએલના કનેકશનો પણ કાપી નાખ્યા હતા.


27-12-2019


26-12-2019


અમરેલીમાં શ્રી ગુર્જર ક્ષત્રિય કડીયા સમાજનો જ્ઞાતિગૌરવ દિવસ ઉજવાયો

અમરેલી, અમરેલી તુલસી પાર્ટી પ્લોટમાં ગુર્જર ક્ષત્રિય કડિયા સમાજ જ્ઞાતિના ભગીરથ મહાસંમેલનને એક વર્ષ પૂર્ણ થતાં કુ. પ્રેક્ષા ઉર્વીબેન ભરતભાઇ ટાંક દ્વારા જ્ઞાતિ ગૌરવ દિવસની ઉજવણી કરવામાં આવી હતી. આ પ્રસંગે અમરેલી શહેર, જીલ્લો તેમજ સૌરાષ્ટ્ર , ગુજરાત તેમજ અન્ય રાજયોમાંથી જ્ઞાતિના આગેવાનો અને લોકો બહોળી સંખ્યામાં ઉપસ્થિત રહયા હતા. આ પ્રસંગે સંતો મહંતોમાં બગસરા આપાગીગાની જગ્યાના મહંત પૂ. જેરામબાપુ, ચલાલા દાનબાપુની જગ્યાના લઘુમહંત મહાવિરબાપુ, ખોડિયાર મંદિરના લવજીબાપુ તેમજ વાપીના સ્વામીનારાયણ સંતો અને મહા મંડલેશ્ર્વર લક્ષ્મીનારાયણ ત્રિપાઠીજી, સાંસદ નારણભાઇ કાછડિયા, ધારાસભ્ય અંબરીશભાઇ ડેર, અમર ડેરીના ચેરમેન અશ્ર્વિનભાઇ સાવલીયા, પૂર્વ મંત્રી બાબુભાઇ મેઘજીભાઇ શાહ, ગુજરાત કડિયા સમાજના પ્રમુખ અશોકભાઇ રાઠોડ, જુનાગઢના મેયર ધીરૂભાઇ ગોહિલ, મીનાબેન ગોહિલ, નારણબાપા, નાથાબાપા, મહુવાના લાલજીભાઇ મકવાણા, મુંબઇથી દિલીપભાઇ કાચા, અમદાવાદના વિનુભાઇ ચૌહાણ, સાવરકુંડલાના ગોવિંદભાઇ પરમાર, રાજકોટ જ્ઞાતિ મહિલા મંડળના ઇંદુબેન ગોહિલ, અમરેલી જ્ઞાતિના ઉપપ્રમુખ હરજીવનભાઇ ટાંક, મનસુખભાઇ ગેડીયા, ગોરઘનભાઇ ચોટલીયા, મહેશભાઇ જાદવ, સુરતના જયસુખભાઇ, રાજકોટ ચંદુભાઇ ગરનારા, અમરેલી જયેશભાઇ ટાંક, પ્રકાશભાઇ ટાંક, પ્રકાશભાઇ મોરી, જગદીશભાઇ પોરીયા, દિનેશભાઇ પોરીયા, ગોંડલના અવિંદભાઇ ટાંક, કાતરના દાદબાપુ કાઠી ક્ષત્રિય અગ્રણી, હસમુખભાઇ કાચા, વેરાવળથી ધીરૂભાઇ, રાજકોટથી જીતુભાઇ સોલંકી, વડોદરાથી દિપકભાઇ ગોહિલ, સુરતથી લક્ષ્મણભાઇ ગોહિલ, પીઠુભાઇ બોરીચા, ભાવનાબેન કાચા, મહેશભાઇ કાચા, પ્રવિણભાઇ રાઠોડ, બાબુભાઇ ભાલીયા સહિત સૌરાષ્ટ્ર , ગુજરાત અને બિજા રાજયો માંથી જ્ઞાતિના આગેવાનો અન્ય સમાજના આગેવાનો ઉપસ્થિત રહયા હતા. આ પ્રસંગે ઉર્વીબેન ભરતભાઇ ટાંકે સતાધારના આપાગીગા, શામજીબાપુ, જીવરાજબાપુ, વિજયબાપુના આર્શીવાદ લઇ ને સૌને આવકાર્યા હતા. સેવા – સમર્પણ – સંગઠનનું બીજ આપણે રોપેલ છે. અમરેલીના યજમાન પદે આપણે જ્ઞાતિજનો વચ્ચે વિચારોની આપલે કરી. સમાજના યુવાધનને આગળ વધારવા તેમજ નારી શકિત સંગઠનને મજબુત બનાવવા હાંકલ કરી હતી. જ્ઞાતિએ પ્રગતિ કરવી હોય તો સમાજે આગળ આવવું જરૂરી છે. આ પ્રસંગે સુરતના નાથાબાપાએ જણાવેલ કે અમરેલીમાં ભરતભાઇ ટાંક દ્વારા જ્ઞાતિ સંમેલનને એક વર્ષ પૂર્ણ થતાં આપણે જ્ઞાતિ ગૌરવ દિવસ તરીકે ઉજવી રહયા છીએ. ગુર્જર ક્ષત્રિય કડિયા સમાજ ભકિતને વરેલો સમાજ છે. આપણા સમાજને અલખના ઓટલાની ભેટ મળી છે. આ પ્રસંગે અમરેલી જ્ઞાતિના ઉપપ્રમુખ હરજીવનભાઇ ટાંકે જણાવેલ કે, જ્ઞાતિના ભગીરથ સંમેલનમાં 1લાખ માણસો ભેગા થયા હતા. બીજા સમાજ કરતા આપણે આગળ આવું હોય તો સંગઠન જરૂરી છે. જુનાગઢના મેયર ધીરૂભાઇ ગોહિલે જણાવેલ કે , મુંબઇ માં મળેલ જ્ઞાતિ સંમેલનમાં પૂ. જીવરાજબાપુને હાથીની અંબાડી પર બેસાડીને સન્માન કર્યુ હતું. ભરત ટાંક નામના વિરલાએ ન ભુતો ન ભવિષ્યતી જ્ઞાતિ સંમેલન બોલાવેલ. જેને વર્ષ પૂર્ણ થતાં આજે ગૌરવ દિવસ તરીકે ઉજવેલ છે. બક્ષીપંચના કારણે આપણી જ્ઞાતિના વિદ્યાર્થીઓ એન્જીનિયર અને ડોકટર બની શકયા છે. આપણી જ્ઞાતિના વિદ્યાર્થીઓને કલાસવન અધિકારી બનાવવા માટે જી.પી.એસ.સી. અને આઇ.એ.એસ. ના કલાસ ચલાવવાના છે. તેમજ જ્ઞાતિ માટે આરોગ્ય અંગે પણ કામ કરવાનું છે. રાજકીય રીતે આગળ આવવા ભાજપની સભ્ય જુંબેશમાં સમાજના લોકોને જોડાવા આહવાન કર્યુ હતુ. રાજકારણ માં હશુતો જ્ઞાતિનો વિકાસ થશે સમાજને સાચી દિશા તરફ લઇ જવા માટે એકત્ર થયા છીએ. આપણા સમાજની આસ્થાનું કેન્દ્ર સતાધાર આપાગીગાની જગ્યા છે. ભરત ટાંક દ્વારા યુવાનોમાં જોશ રેડી રહયા છે. આપણા સમાજમાં છુટાછેડા એક કલક રૂપ છે. જેના માટે ગુર્જર ક્ષત્રિય કડિયા સમાજ દ્વારા જુદી – જુદી સમિતીઓની રચના કરવામાં આવી હતી.
લાલજીભાઇ મકવાણાએ જ્ઞાતિ સંગઠન અને શિક્ષણ પર ભાર મુકયો હતો. ભરતભાઇ ટાંક દ્વારા અમરેલી શહેરમાં 75 હજાર વૃક્ષોવાવવા સંકલ્પ કરીને અમરેલી શહેર ને લીલીછમ વેલી બનાવવા સંકલ્પ કરેલ છે. આ કાર્યક્રમમાં કોફી ટેબલ બુક ગેલોપીંગ ગુજરાત 2018 ભગીરથ મહાસંમેલન બુકનું વિમોચન કરવામાં આવ્યું હતું. આજે દેશની દિશા બદલાઇ રહી છે. ત્યારે સમાજના ઉત્થાન માટે યુવાનોને આગળ આવવા ભરતભાઇ ટાંકે અપીલ કરી હતી. રાષ્ટ્રધ્વજ સાથે સન્માન પુર્વક જ્ઞાતિના લોકો , આગેવાનો, મંચસ્થ મહાનુભાઓએ રાષ્ટ્રધ્વજ લહેરાવી ગૌરવ દિવસ ઉજવ્યો હતો. ગેલોપીંગ ગુજરાતનો વિડીયો બતાવવામાં આવેલ.
ધારાસભ્ય અંબરીશભાઇ ડેરે જણાવેલ કે , જન્મ આપનાર માતા અને માતૃ ભૂમિના આપણે રૂણી છીએ. હું ટાંક પરિવારને અભિનંદન પાઠવુ છું કે આજના સમયમાં કોઇ વંચીત કે પીંડીત ન રહે તે માટે સમાજને આગળ ધપાવવાનો સરાહનીય પ્રયાસ છે. આજના સમયમાં બાહુબળ , ધનબળ અને સંગઠન જરૂરી છે.
સાંસદ નારણભાઇ કાછડીયાએ જણાવેલ કે 23/12/2018 ના ભગીરથ મહાસંમેલન બાદ જ્ઞાતિ ગૌરવ દિવસ ઉજવી રહયા છીએ. 25 હજાર કરતા વધારે લોકોને અમરેલી અમરડેરી દ્વારા રોજગારી પુરી પાડે છે. સંતો , રાષ્ટ્રરક્ષા, ધર્મરક્ષા, સમાજરક્ષા હશે તો જ બધ્ાુ બરોબર ચાલશે. મારા 32 વર્ષના કાર્યક્ષેત્રમાં ગુર્જર ક્ષત્રિય કડિયા સમાજ દ્વારા કયાંય પણ ફરિયાદ નથી આવી. આજે સમાજને ટેકાની જરૂર છે માટે ગોવાળીયા બની ભરતભાઇ અને ઉર્વીબેનને સમાજ ટેકો કરે. શિક્ષણ એક એવી ચીંજ છે જેમાં કોઇનો ભાગ લાગતો નથી. જે કન્યાદાન કરતા પણ વિદ્યાદાન મહાન છે.
મહામંડલેશ્ર્વર લક્ષ્મીનારાયણ ત્રિપાઠીજીએ જણાવેલ કે આ ગુજરાત મારૂ પિયર છે. અને માં બહુચર ને હુ વંદન કરુ છું. સમાજ માટે ટાંક પરિવારે મોટો ભગીરથ પ્રયાસ કર્યો છે. પૂ. મોરારીબાપુએ કિન્નર સમાજ માટે કથા યોજીને બહુ મોટું કામ કરેલ. હુ વિશ્ર્વ એડવાઇઝરી માં રહી છું. માતાનું ૠણ ચુકવવા કંઇક કરી છુટવાની ભાવના રાખો. સમાજે પોતાના હકકો માટે અવાજ ઉઠાવવો જરૂરી છે.
આ પ્રસંગે ભરતભાઇ ટાંકે જણાવેલ કે ભગીરથ મહાસંમેલન સુવર્ણ અક્ષરોમાં લખાય ગયેલ હોય. અમરેલીની ધરતી પર જ્ઞાતિ ગૌરવ દિવસ ઉજવી રહયા છીએ. ગુજરાત ભરમાં 15 થી 17 લાખ ગુર્જર ક્ષત્રિય કડિયા સમાજ છે. ભગીરથ મહાસંમેલન યોજાયેલ ત્યારે પૂ. વિજયબાપુએ જણાવેલ કે, આવા સંમેલનો દર ત્રણ વર્ષ થવા જોઇએ. યુવાનોને એક પ્લેટફોર્મ પુરુ પાડવા આજે જ્ઞાતિ ગૌરવ દિવસ ઉજવેલ છે. અને ભવિષ્યમાં એક નામ અને એક ઓળખ સાથે આપણો સમાજ આગળ વધ્ો ઓલ ઇન્ડિયા માટે કમિટી બનાવાઇ રહી છે.
પૂર્વ મંત્રી બાબુભાઇ શાહે જણાવેલ કે, મહેનત વગર કંઇ મળતું નથી. ભરતભાઇ ટાંકને ગુરુકૃપાથી સમાજનો આવકાર મળ્યો છે. જ્ઞાતિએ ગંગા છે જેનું આચમન પણ પર્વીત્ર છે. ઉર્વીબેનને પાયાના સંસ્કાર મળ્યા છે.


error: Content is protected !!