Main Menu

Wednesday, January 1st, 2020

 

અમરેલીની પ્રજાને દવામાં ભાવ વધારાનો આકરો ડોઝ અપાશે

અમરેલી,સામાન્ય રીતે ગરીબ તેમજ કરોડો રૂપીયાના મહેલમાં રહેતા લોકોને માંદગીના સમયે ડોકટરો દવા લખી આપતા હોય છે. ત્યારે અગાઉ એટલે કે આજથી એકાદ મહિના પહેલા જે દવાઓ જેમ કે હાર્ટ, ડાયાબીટીશ સહિતની દવાઓમાં કેન્દ્ર સરકાર દ્વારા એક સપ્તાહ પહેલા એન્ટીબાયોટીક એન્ટી વાયરલ દવાઓમાં 30 ટકા સુધીનો ભાવ વધારો કરવાની કેન્દ્ર સરકારે મંજુર કરતા જેનો અમલ નવા નાણાકીય વર્ષથી એટલે કે 1 એપ્રિલથી થવાની શક્યતા છે. ત્યારે અમરેલી શહેરમાં 80 થી વધ્ાુ દવાનું વેચાણ કરતા મેડીકલ સ્ટોર શહેરના વિવિધ વિસ્તારોમાં આવેલા છે. મેડીકલ સ્ટોરના વેપારીઓને પુછતા તેઓએ જણાવ્યુ હતુ કે આ ભાવ વધારાથી અમરેલી શહેરની પ્રજા પર કરોડો રૂપીયાનો દવાનો બોજ દર વર્ષે દર્દીઓએ વેઠવો પડશે. દવાના વેપારીઓનો સંપર્ક સાધતા તેઓના જણાવ્યા પ્રમાણે દેશમાં આવેલી હજારો જેટલી દવાની કંપનીઓએ છેલ્લા કેટલાય વર્ષોથી અમુક રોગોની દવાના ભાવમાં કોઇપણ જાતનો આ વધારો કર્યો ન હતો. જો દવા બનાવતી કંપનીઓએ ભાવ વધારો કરવો હોય તો કેન્દ્ર સરકારની ફુડ એન્ડ ડ્રગ વિભાગની કંટ્રોલ ઓથોરીટી દ્વારા જો માન્યતા આપવામાં આવે તો જ દવા બનાવતી કંપનીઓ પોતાની પ્રોડકટની કિંમતમાં સરકાર દ્વારા સુચવવામાં આવેલ ભાવ વધારો કરી કશે છે. પરંતુ જો કંપની દ્વારા દવાની કિંમતમાં ભાવ વધારો કરવામાં ન આવે તો કેટલીક દવાઓને બનાવી પોષાય તેમ ન હોય. કંટ્રોલ કેટેગરીમાં આવતી અમુક પ્રકારના દર્દો જેવા કે હાર્ટ, ડાયાબીટીશ સહિતની વિવિધ દવાઓમાં કેન્દ્ર સરકાર દ્વારા 30 ટકા ભાવ વધારો કરવાની છુટ આપવામાં આવી છે. દવાના હોલસેલ વેપારીના જણાવ્યા પ્રમાણે અમરેલી જીલ્લામાં વર્ષે કરોડો રૂપીયાની દવાનું ટન ઓવર થાય છે. અને સરકાર દ્વારા ભાવ વધારો મંજુર કરવામાં આવતા તે રકમમાં મામુલી વધારો થશે. દવાનો વેપાર કરતા મેડીકલ સ્ટોરના સંચાલકોના જણાવ્યા પ્રમાણે અગાઉ 4 રૂપીયા 85 પૈસામાં 5 ગોળી ડિસ્પીરીનની આવતી હતી તે હવે નવો ભાવ વધારો થતા આ ગોળીની કિંમત અંદાજે 11 રૂપીયાની આસપાસ થશે. દવાનો નવો ભાવ વધારો ચાલુ નાણાકીય વર્ષ એટલે કે એપ્રિલ મહિનાથી અમલમાં આવશે તેમ દવાઓના વેપારીઓનું કહેવુ છે. અમરેલી જીલ્લા કેમીસ્ટ એન્ડ ડ્રગ્સ એસોસીએશનના ચેરમેન હરેશભાઇ વેકરીયાના જણાવ્યા પ્રમાણે સરકાર દ્વારા 30 ટકા ભાવ વધારો કરવાની જે મંજુરી આપવામાં આવી છે તેનાથી દર્દીઓને કોઇ ખાસ ફેર પડે તેમ નથી.


અમરેલીમાં સહકારી તાલીમાર્થીઓને પ્રમાણપત્રો અપાયા

અમરેલી,ગુજરાત રાજ્ય સહકારી સંઘ અમદાવાદની સહકારી શિક્ષણ તાલીમની યોજના અન્વયે. અમરેલી જીલ્લા સહકારી સંઘ દ્વારા આઠ જેટલા તાલીમ કાર્યક્રમોના 450 જેટલા તાલીમી કર્મચારીઓ અને વિદ્યાર્થીઓને પ્રમાણપત્રો એનાયત કરવાનો કાર્યક્રમ અમરેલી ગજેરાપરા બાલમુકુંદ હોલમાં યોજાયો હતો.
જેમાં રાષ્ટ્રીય સહકારી આગેવાન અને ખેડુત નેતા શ્રી દિલીપભાઇ સંઘાણી તેમજ સાંસદશ્રી નારણભાઇ કાછડીયા ઉપસ્થિત રહયા હતા. સૌપ્રથમ ઉપસ્થિત મહાનુભાવોનું પુષ્પગુચ્છ અને શાલ ઓઢાડી સ્વાગત કરવામાં આવ્યુ હતુ. આ કાર્યક્રમમાં દિલીપભાઇ સંઘાણી, નારણભાઇ કાછડીયા, બાવકુભાઇ ઉધાડ, અશ્ર્વિનભાઇ સાવલીયા, મનીષભાઇ સંઘાણી, જયંતીભાઇ પાનસુરીયા, ભરતભાઇ ચકરાણી, બાલુભાઇ તંતી, મનસુખભાઇ સુખડીયા, બી.એસ.કોઠીયા, જીલ્લાની ચારેય ટોચની સહકારી સંસ્થાઓના ડિરેકટરો ઉપસ્થિત રહયા હતા.
આ પ્રસંગે જીલ્લા સહકારી સંઘના ચેરમેન મનીષભાઇ સંઘાણીએ ઉપસ્થિત સૌ મહાનુભાવો, કર્મચારીઓ, યુવાનો, મહિલાઓને આવકાર્યા હતા. અને જણાવેલ કે ટુંકા ગાળામાં જીલ્લા સંઘના અધ્યક્ષ તરીકે કાર્યભાર સંભાળ્યા બાદ કાર્યક્રમોની વિગત આપતા જણાવેલ કે ક્રેડીટ કો.ઓપ.સોસાયટીના કર્મચારીઓનો તાલીમ વર્ગ બગસરા ખાતે, સેવા સહકારી મંડળીઓના કર્મચારીઓનો તાલીમ વર્ગ અમરેલી, એમ.વી.પટેલ કન્યા વિદ્યાલયની વિદ્યાર્થીનીઓ માટે યુવક સહકારી શિક્ષણ વર્ગ, કે.કે.પારેખ કોમર્સ કોલેજ અમરેલીના વિદ્યાર્થીઓ માટેનો યુવક સહકારી શિક્ષણ વર્ગ, યોગીજી મહારાજ મહાવિદ્યાલય ધારીના વિદ્યાર્થીઓનો યુવક સહકારી શિક્ષણ વર્ગ, અમરેલી પ્રતાપરાય આર્ટસ એન્ડ સાયસન્સ કોલેજ અમરેલીની વિદ્યાર્થીઓ માટે યુવક સહકારી શિક્ષણ વર્ગ, શ્રીમતી શાંતાબેન હરીભાઇ ગજેરા શૈક્ષણિક સંકુલના વિદ્યાર્થીનીઓનો યુવક સહકારી શિક્ષણ વર્ગ યોજાયો હતો. આ પ્રસંગે તાલીમ કાર્યક્રમોના 470 જેટલા તાલીમી કર્મચારીઓ અને વિદ્યાર્થીઓને શ્રી દિલીપભાઇ સંઘાણી અને નારણભાઇ કાછડીયાની ઉપસ્થિતિમાં પ્રમાણપત્રો એનાયત કરવામાં આવ્યા હતા.


2020 નું વર્ષનું બજેટ સર્જીકલ સ્ટ્રાઇક જેવું હશે : ભારતીય અર્થતંત્રના હવે સોનેરી દિવસો આવી રહયા છે : શ્રી નરેન્દ્રભાઇ ઝીંઝુવાડીયા

અમરેલી,દેશની બજાર અને વાણીજય પ્રવાહોના અને રોકાણ ક્ષેત્રના અભ્યાસુ એવા અમરેલીના અગ્રણી વેપારી અને એન. જે. સિકયુરીટીવાળા શ્રી નરેન્દ્રભાઇ ઝીંઝુવાડીયાએ અવધ ટાઇમ્સને જણાવ્યું હતું કે, નવા વરસનું આર્થિક બજેટ તા. 1 ફેબ્રુઆરી 2020 માં આપણા નાણા મંત્રી શ્રી સીતારમન રજુ કરશે. આજ દિવસે રેલ્વે બજેટ પણ રજુ થશે 2020 નું વરસ ભારતીય અર્થતંત્ર માટે સારા આર્થિક વિકાસની ભરપુર તક આપશે. નવુ બજેટ ખુબજ ઉદારતાવાદી રહેશે. નાના મધ્યમવર્ગ માટે ઇન્કમટેક્સ સ્લેબમાં રાહત મળશે. નાના ખેડુતો મજુરવર્ગ તેમજ સીનીયર માટે નવી યોજનાઓની પ્રસ્તુતી થશે.
ભારતીય રેલ્વે આ વરસે અકસ્માતનું પ્રમાણ ખુબજ ઓછુ થયેલ છે. રેલ્વેના આજ સુધીના ઇતિહાસમાં આ વરસમાં રેલ્વે અકસ્માતમાં એક પણ પ્રવાહી મૃત્યુ પામેલ નથી. જે ગૌરવપ્રદ ગણી શકાય છે.
રેલ્વેના વિકાસ માટે નવું મેનેજમેન્ટ બોર્ડ ઓફ ટ્રસ્ટીસ નિમણુક થશે. જેમાં ચેરમેન, વાઇસચેરમેન તથા 4 ટ્રસ્ટીની નિમણુક કરવામાં આવશે. ભારતીય રેલ્વેનો સર્વાગી વિકાસ જલ્દી થાય તે માટે મેનેજમેન્ટ યોગ્ય દિશામાં કરશે.રેલ્વેના 50 વરસથી મોટી ઉમરના કર્મચારીને સ્વૈચ્છીક નિવૃતી આપી નવા યંગસ્ટારની ભરતી કરવામાં આવશે.
ભારત વર્લ્ડ લીડર બનશે એશિયામાં ભારત એક શાંતિપુર્ણ અને પ્રગતિકારક રાષ્ટ્ર તરીકે ઉભરી આવશે. અમેરીકા અને ચીન વચ્ચે ટ્રેડવોરના હિસાબે અમેરીકા ભારત તરફ વધવા આગળ આવશે.જે ભારત માટે મોટી તક સાબીત થશે.યુરોપની વિખરાતી એકતાનો લાભ ભારત ઉઠાવી શકશે. બ્રેકઝીટ પછી યુરોપમાં જે એશોસીયન્સ અને ડિયોસીએશન્સ આકાર લેશે, જે ભારતના અર્થતંત્ર માટે વિકાસની નવી તક પુરી પાડશે.
પાંચ ટ્રીલીયન ડોલર ઇકોનોમી એટલે કે 350 લાખ કરોડ રૂપીયાની અર્થતંત્ર વ્યવસ્થા આવતા વર્ષોમાં ઉભી કરવાનો લક્ષ્યાંક આપણા વડાપ્રધાન શ્રી નરેન્દ્ર મોદીએ આપેલ છે. જે લક્ષ્યાંક સિધ્ધ કરવા હવેના બજેટ પ્રસ્તુત થશે તે ભારતીય અર્થવ્યવસ્થા ગ્રૌથ એંજીન તરીકે રજુ થશે અને શેરબજાર માટે ખુબજ પ્રોત્સાહક રહેશે. આવનારા બજેટમાં સ્ટીલ, ફાર્મા, સીમેન્ટ તથા સર્વીસ સેકટરને ખુબ લાભ થશે. તેમ અંતમાં શ્રી ઝીંઝુવાડીયાએ જણાવેલ હતુ.


રાજકોટની કુખ્યાત લેડી ડોન સોનું ડાંગરને અસામાજીક પ્રવૃતિ બદલ પાસા હેઠળ ભુજ (પાલરા)ની જેલમાં ધકેેલાઇ

અમરેલી,અમરેલી જીલ્લાના સાવરકુંડલા રૂરલ પોલીસ સ્ટેશનમાં શીવરાજ ઉર્ફે મુન્નો રામકુભાઇ વિંછીયા રહે. રબારીકા વિરૂધ્ધ ગુન્હો રજીસ્ટર થયેલ હોય જેની તપાસ મહિલા પી.એસ.આઇ. એ.પી.ડોડીયા કરતા હોય તે તપાસમા વિલંબ કરાવવાના ઉદેશ સાથે પી.એસ.આઇ. ડોડીયાની કાર્યવાહીમા ઇરાદા પુર્વક વિક્ષેપ કરવાના તથા મહિલા પોલીસ અધિકારીની માનહાનિ થાય તેવા ઇરાદાથી આરોપી શીવરાજની મિત્ર અને રાજકોટની કુખ્યાત લેડી ડોન સોનુ ડાંગરએ બિભત્સ શબ્દોના ઉચ્ચારણ સાથે અન્ય સમાજની ધાર્મિક લાગણી દુભાય તેવા ઉશ્કેરણીજનક શબ્દોનો ઉપયોગ કરી જાહેર સુલેહ શાંતીનો ભંગ થાય તેવો વિડીયો બનાવી અલગ- અલગ સોશ્યલ મિડીયાના માધ્યમથી વાયરલ કરેલ હતો. જે અંગે પી.એસ.આઇ. શ્રી ડોડીયાએ સાવરકુંડલા રૂરલ પોલીસ સ્ટેશનમાં ગુન્હો દાખલ કરાવેલ હતો. અને આ વિડીયો વાયરલ કર્યાના 48 કલાક જેટલા સમયમાં જ અમરેલી પોલીસ અધિક્ષકશ્રી.નિર્લિપ્ત રાયના માર્ગદર્શન તળે અમરેલી એલ.સી.બી. દ્વારા સોનુ ડાંગરને રાજસ્થાનના ઉદયપુરથી શોધી કાઢવામા આવેલ અને ગુન્હા માં ધરપકડ કરી કોર્ટમાં રજુ કરાતાં કોર્ટ દ્વારા સોનુ ડાંગરને જ્યુડિશ્યલ કસ્ટોડીમાં મોકલી આપવામાં આવેલ હતી. અમરેલી પોલીસ અધિક્ષકશ્રી. નિર્લિપ્તં રાય સાહેબ દ્વારા કાયદો અને વ્યવસ્થા જાળવવામાં બાધારૂપ બનતા શખ્સોે સામે કડક હાથે કાર્યવાહી કરવા અને ગુન્હેસગારોને કાયદાનું ભાન થાય તે માટે તેમના વિરૂધ્ધ પાસા-તડીપારના પ્રવર્તમાન કાયદાઓ હેઠળ કાર્યવાહી કરવા સુચના અને માર્ગદર્શન આપેલ હોય જે અન્વાયે અમરેલી એલ.સી.બી ઈન્ચાર્જ પો.ઇન્સા. આર.કે.કરમટા દ્વારા સોનલ ઉર્ફે સોનુ ઉર્ફે ઉષા ચંદુભાઇ ડાંગર રહે. અક્ષરનગર-4, ગાંધીગ્રામ, બાલમુકુંદ ડેરી પાસે, રાજકોટ શહેર વિરૂધ્ધ પુરાવાઓ એકઠાં કરી, પાસા દરખાસ્તઉ તૈયાર કરી, પોલીસ અધિક્ષકશ્રી અમરેલીનાઓ મારફતે જીલ્લાટ મેજીસ્ટ્રે ટશ્રી અમરેલીનાઓ તરફ મોકલી આપેલ.આવા તકરારી સ્વ ભાવના અને અસામાજીક પ્રવૃતિ કરતા વ્યક્તિની સમાજ વિરોધી અસામાજીક પ્રવૃતિ પર અંકુશ લાવવાનું જરૂરી જણાતાં અમરેલી જીલ્લાી મેજીસ્ટ્રેટશ્રી આયુષ ઓક સોનુ ડાંગર વિરૂધ્ધ પાસાનું વોરંટ ઇસ્યુન કરતાં પોલીસ અધિક્ષકશ્રીની સુચના મુજબ અમરેલી એલ.સી.બી. ઇન્ચાર્જ પો.ઇન્સવ.આર.કે.કરમટા તથા પો.સ.ઇ. પી.એન.મોરીેએ સોનુ ડાંગરને અમરેલી જીલ્લા જેલમાં પાસા વોરંટની બજવણી કરી, પાલરા (ભુજ) ખાસ જેલ ખાતે અટકાયતમાં રહેવા મોકલી આપવા તજવીજ કરેલ છે. ગુન્હાહિત ઇતિહાસ :- સોનુ ડાંગર વિરૂધ્ધમાં અગાઉ રાજકોટ શહેર, ગીર સોમનાથ, જુનાગઢ, અમદાવાદ, અમરેલી વિગેરે જગ્યાએ મળી અલગ- અલગ પોલીસ સ્ટેશનનોમાં આશરે – 20 જેટલા ગંભીર ગુન્હાઓ દાખલ થયેલ છે. જેમાં ખુન, ખુનની કોશીષ, ગેરકાયદેસરના હથિયારના, મારામારીના, ધમકી આપવાના, અપહરણ, ખંડણી ઉઘરાવવાના, ધાર્મિક લાગણી દુભાવવાના, નશાબંધી ધારા ભંગના ગુન્હાઓનો સમાવેશ થાય છે. આમ, કાયદો અને વ્યવસ્થાની જાળવણીમાં બાધારૂપ બનતા અને અસામાજીક પ્રવૃતિ કરનાર સામે પાસા તળે કાર્યવાહી કરી જેલ હવાલે કરી, આવી અસામાજીક પ્રવૃતિ કરતાં શખ્સો સામે ચેતવણીરૂપ કામગીરી કરેલ છે.


01-01-2020


રેન્જ આઇજી શ્રી યાદવ અચાનક અમરેલી જિલ્લાના કોસ્ટલ બેલ્ટની મુલાકાતે

અમરેલી, બે દિવસ પહેલા જ અમરેલી જિલ્લા પોલીસ બેડાની વાર્ષિક સમીક્ષા કર્યા બાદ ભાવનગર રેન્જ આઇજી શ્રી અશોકકુમાર યાદવ અચાનક અમરેલી જિલ્લાના કોસ્ટલ બેલ્ટની મુલાકાતે આવ્યા હોવાનું જાણવા મળેલ છે શ્રી યાદવ દ્વારા કોસ્ટલ બેલ્ટની મુલાકાત બાદ તેમનો કેમ્પ અમરેલી જિલ્લામાં જ રહયો છે અને આજ દિવસે સૌરાષ્ટ્રની લેડી ડોન સોનુ ડાંગરને ભુજ જેલ હવાલે કરાઇ છે.ભાવનગર રેન્જ આઇજીએ નવા વર્ષને લઇને દરિયાઇ સુરક્ષા વ્યવસ્થાની સુદ્ઢતા ચકાસી અને વિવિધ મહેકમોની મુલાકાત લીધી હોવાનું જાણવા મળેલ છે.તો બીજી તરફ 31 ડીસેમ્બરને લઇને જિલ્લાભરમાં પોલીસ તંત્ર સતર્ક છે ખુદ શ્રી નિર્લિપ્ત રાય શ્રી પ્રેમસુખ ડેલુ તથા શ્રી સુશીલ અગ્રવાલ એમ ત્રણ આઇપીએસ અધિકારીઓ દ્વારા જિલ્લામાં રાઉન્ડ ધ કલોક મોનીટરીંગ કરાઇ રહયું છે. અને સાથે સાથે નશાબાજો અને ગુનાહીત કામો કરનારાઓનીે પકડવા અમરેલી જિલ્લામાં ઠેર ઠેર રોડ ઉપર પોલીસ તંત્ર ગોઠવાઇ ગયું હોય જિલ્લાભરમાં વ્યાપક ચેકીંગ હાથ ધરાયું છે.


error: Content is protected !!