Main Menu

Tuesday, January 7th, 2020

 

07-01-2020


મોટા મુંજીયાસર ગામે દિપડાએ ખેડૂતને મોતને ઘાટ ઉતાર્યા પછી દિવસે વિજળી આપી અને 15 દિવસમાં બંધ કરી દીધી

બગસરા,અમરેલી જિલ્લાના બગસરા પંથકમાં માનવભક્ષી દીપડાએ હાહાકાર મચાવી દેતા બેને મોતને ઘાટ ઉતર્યા પછી ખેડૂતો ભયભીત થયા હોય તેવા સમયે બગસરાના મોટા મુંજીયાસર ગામના ખેડૂતને મોતને ઘાટ ઉતર્યા પછી ખેડૂતોની માંગણીને અનુસંધાને વીજપુરવઠો દિવસે આવ્યો પરંતુ આ માંગણી માત્ર ટૂંક સમય માટે જ હોય તેવું સાબિત થયું અને ખેડૂતોને ફરી રાત્રી નો પાવર આપવા ખેડૂતો રોષે ભરાયા અને બગસરા મામલતદારને આવેદનપત્ર આપીને દિવસે વિજળી આપવા માંગણી કરેલ અને પૂરતો આઠ કલાક વિજ પાવર આપે તેવી માગણી કરે છે
તેમજ તાલુકાની અંદર કેટલા દીપડાઓ વસવાટ કરે છે તે અત્યાર સુધીમાં કેટલા પકડાયા છે કે નહીં તેની વિગત આપો તેમજ વનવિભાગની ટીમ હાલ બગસરા તાલુકાની હદમાં દીપડાને પકડવા માટેની કાર્યરત છે કે કેમ તેવી અનેક જાતના મુદ્દાઓ સાથે બગસરા મામલતદારને આવેદનપત્ર આપીને જણાવ્યું હતું અને અંતમાં તેમણે જણાવ્યું હતું કે જો ઉપર મુજબના મુદ્દાઓને અમારું કોઈ નિકાલ નહી કરવામાં આવે તો નાછુટકે ગાંધીચિંધ્યા માર્ગે આંદોલન કરવાની ફરજ પડશે તેવું તે ખેડૂત આગેવાન પારસભાઇ સોજીત્રાએ જણાવ્યું હતું.


અમરેલીમાં લોટી ઉત્સવ :માળાપહેરામણી મનોરથ યોજાયો

અમરેલી,અમરેલી મોઢ મહાજન અને મોઢ વણીક યુવક મંડળ આયોજીત તા. 5/1/2020 રવિવાર પોષ સુદ 10 ના રોજ યમુના મહારાણીજીનો લોટી ઉત્સવ તથા સમુહ માળાપહેરામણી મનોરથ કાર્યક્રમનું આયોજન કરવામાં આવ્યું હતું. જેના મુખ્ય મનોરથી પ.ભ.પરીખ નટવરલાલ વલ્લભદાસ પરિવાર તેમજ પ.ભ.ગં.સ્વ. મંજુલાબેન નટવરલાલ પરીખ, દિનેશભાઇ વલ્લભદાસ પરીખ, ગો.વા. ચંદુબેન ગીરધરલાલ પારેખ, અ.સૌ. ભારતીબેન ધીરેેન્દ્રકુમાર પારેખ, અ.સૌ. હંસાબેન સુરેશભાઇ મહેતા, હ.શ્રી. સુનીલભાઇ, હીતેષભાઇ પરીખ અમરેલી હાલ ભાવનગર દ્વારા આયોજન કરેલ હતું. છાકનો ભવ્ય મનોરથ દ્વારકાધીશ હવેલીમાં સવારે 11:30 કલાકે યોજાયો હતો. તેમજ યમુના મહારાણીજીના સામૈયા દ્વારકાધીશ હવેલીથી કપોળ મહાજન વાડીએ સાંજે 4 કલાકેનિકળી.
સાંજના 5 કલાકે પહોચેલ ત્યારબાદ વચનામૃત, યમુના પાન, માળાપહેરામણી અને અમરેલી તથા ભાડેરની કીર્તન મંડળી દ્વારા યમુનાપાન, આપશ્રીના વચનામૃત, માળાપહેરામણી સાંજે 5 કલાકે મહાપ્રસાદ, સાંજે 8:30 કલાકે અમરેલી કપોળ મહાજન વાડીમાં રાખેલ. આ કાર્યક્રમમાં પુ.પા.ગો. 108 શ્રી પુરૂષોતમલાલજી મહારાજ (રાજુબાવા) ના સાનીધ્યમાં રાખવામાં આવેલ.
આ પ્રસંગે અમરેલી ટાવર ચોક વેપારી મંડળના પોપટલાલ કાશ્મીરા, રણજીતભાઇ ડેર, વેપારી અગ્રણી કાળુભાઇ રૈયાણી, દિલીપભાઇ પરીખ સહિત વેપારી અગ્રણીઓ ઉપસ્થિત રહયા હતા.
આ પ્રસંગે કુલ 51 જેટલા લોકોની સમુહ માળાપહેરામણી કરવામાં આવી હતી. મુખ્ય મનોરર્થી અને અન્ય મનોરર્થી સાથે યમુનામહારાણીજીની સમુહમાં આરતી ઉતારવામાં આવી હતી. ત્યારબાદ માળાપહેરામણી અને પુ.પા.ગો. 108 શ્રી પુરૂષોતમલાલજી મહારાજ (રાજુબાવા) દ્વારા વચનામૃત સાથે આર્શીવચન પાઠવ્યા હતા.


અમરેલીના પ્રતાપપરામાં ધડાકા ભેર ગેસ સીલીન્ડર ફાટ્યું

અમરેલી,અમરેલીના પ્રતાપપરામાં મુળજીભાઇ લાલજીભાઇ કાથરોટીયા અને તેમના પત્નિ કાંતાબેન બંને રહી ખેતીકામ કરે છે. તેમના ઘેર રવિવારે ગેસનો બાટલો ફાટતા એક કિ.મી. સુધી અવાજ સંભળાયા ઉપરાંત બાટલાને કારણે આખુ ઘર ઉડી ગયાનું બનાવ બનેલ છે. મકાન આખુ વેરવીખેર થયા ઉપરાંત ભારે નુક્શાન થયું છે. બનાવની જાણ થતા અમર ડેરીના ચેરમેન અશ્ર્વિનભાઇ સાવલીયા સહિત દોડી ગયા હતા. અને જરૂરી મદદ કરી હતી.


અમરેલી જિલ્લામાં 20 હજાર હેક્ટરમાં ઘઉંનું વાવેતર

અમરેલી, અમરેલી જિલ્લાનાં કુલ 11 તાલુકાઓમાં એક પણ મોટો ઉદ્યોગ નથી તેમજ આ જિલ્લોમાં મોટા ભાગે લોકો ખેતી ઉપર નિર્ભર છે અને જ્યારે ચોમાસુ નબળુ જાય ત્યારે આ જિલ્લામાં ઘઉંનું, ચણાનું તેમજ અન્ય વાવેતર થઇ શકતુ નથી જ્યારે ચાલુ વર્ષે સારો એવો વરસાદ પડવાનાં કારણે કુલ 71 હજાર હેક્ટર જમીનમાંથી 20 હજાર હેક્ટર જમીન ઉપર ઘઉંનું વાવેતર કરવામાં આવ્યું છે. જ્યારે 17 હજાર 348 હેક્ટર જમીન ઉપર ચણાનું વાવેતર સાથો સાથ 16 હજાર 337 હેક્ટર જમીન ઉપર ઘાસ ચારાનું વાવેતર કરવામાં આવ્યં છે. જ્યારે આ વર્ષે રાઇ તેમજ તેલીબીયા જેવા પાકોનું વાવેતર કરવામાં આવ્યું નથી. આ વર્ષે સૌથી વધ્ાુ વાવેતર જો કરવામાં આવ્યું હોય તો ધારી તાલુકામાં 2603 હેક્ટર જમીન ઉપર ઘઉંનું વાવેતર કરવામાં આવ્યું છે.
જ્યારે સૌથી ઓછું વાવેતર લીલીયા તાલુકામાં 619 હેક્ટર જમીન પર ઘઉંનું વાવેતર કરવામાં આવ્યું છે તેમ અમરેલી જિલ્લા ખેતીવાડી કચેરીનાં સુત્રોએ જણાવ્યું હતું.આ અંગેની પ્રાપ્ત વિગત અનુસાર અમરેલી જિલ્લો માત્રને માત્ર ખેતી પર આધારિત છે. સાથોસાથ આ જિલ્લામાં રાજુલા તાલુકાને બાદ કરતા એક પણ તાલુકામાં મોટા ઉદ્યોગો સ્થપાયા ન હોવાનાં કારણે આ જિલ્લાનાં લોકો મોટાભાગે ખેતી ઉપર નિર્ભર છે. ત્યારે ચાલુ વર્ષે એટલે કે, 2019-20માં કુલ 71 હજાર 562 હેક્ટર જમીનમાંથી 20 હજાર 979 હેક્ટર જમીન પર ઘઉંનું વાવેતર કરવામાં આવ્યું છે. તાલુકામાં જોઇએ તો અમરેલી તાલુકામાં 1805 હેક્ટર, લાઠી 1914, બાબરા 2602, કુંકાવાવ 1886, બગસરા 1575, ધારી 2603, ખાંભા 2512, રાજુલા 1988, જાફરાબાદ 805, સાવરકુંડલા 2670 હેક્ટર જમીન ઉપર ઘઉંનું વાવેતર કરવામાં આવ્યું છે. જ્યારે ઘાસચારાનું 1637 હેક્ટર જમીન પર ઘાસચારાનું વાવેતર કરવામાં આવ્યું છે. જેમાં સૌથી વધ્ાુ ખાંભા તાલુકામાં 3945, બાબરા તાલુકામાં 3500 હેક્ટર જમીન પર ઘાસચારાનું વાવેતર કરવામાં આવ્યું છે. જ્યારે સૌથી ઓછુ ઘાસચારાનું વાવેતર લીલીયા તાલુકામાં 356 હેક્ટર જમીન પર ઘાસચારાનું વાવેતર કરવામાં આવ્યું છે. આવી જ રીતે સૌથી વધ્ાુ ચણાનું વાવેતર ધારી તાલુકામાં 5553 હેક્ટર જમીન, સાવરકુંડલા તાલુકામાં 2877, અમરેલી તાલુકો 842, કુંકાવાવ 1400, બાબરા 1796, બગસરા તાલુકો 1030 હેક્ટર જમીન પર ચણાનું વાવેતર કરવામાં આવ્યું છે. જ્યારે જીરાનું વાવેતર સૌથી વધ્ાુ બાબરા તાલુકામાં 2402 અને સૌથી ઓછુ લીલીયા તાલુકામાં 20 હેક્ટર જમીન પર જીરાનું વાવેતર કરવામાં આવ્યું છે. આમ જોએ તો અમરેલી જિલ્લામાં ચાલુ વર્ષે રાઇ, તેલીબીયા તેમજ તમાકુંના પાકનું વાવેતર કરવામાં આવતું નથી. અત્રે ઉલ્લેખનીય છે કે ચાલુ વર્ષે સારો એવો વરસાદ પડવાના કારણે આ વર્ષે ઘઉંનું વાવેતર મોટા પ્રમાણમાં કરવામાં આવ્યું છે.


અમરેલીમાં વેરો ભરવામાં ડાંડાઇ કરતા મોબાઇલ ટાવરનાં સંચાલકોને તેડું

અમરેલી, અમરેલી નગરપાલીકાની વેરા વસુલાત શાખા દ્વારા બાકી વેરાની રકમ વસુલવા માટે તમામ વોર્ડમાં ટીમો બનાવી અને બાકી રકમ વસુલવા આકરા પાણીએ પઠાણી ઉઘરાણી કરી રહી છે. ત્યારે શહેરમાં જુદા જુદા વિસ્તારોમાં ઉભા કરાયેલા મોબાઇલ ટાવરનાં સંચાલકોને આવતી કાલે બાકી વેરાની રકમ ભરપાઇ કરી જવા માટે બોલાવવામાં આવ્યા છે. આવી જ રીતે બીએસએનએલ પાસે બાકી વસુલવાની નીકળતી રૂા. 9 લાખ જેવી રકમ,તેમજ જીલ્લા પંચાયત હસ્તકના પથીકાશ્રમ (જુબેલી ધર્મશાળા) પાસે રૂા. 8 લાખ જેવી રકમ લાંબા સમયથી વસુલવાની બાકી થતી હોય આવા તમામ અરજદારોને બાકી વેરાની રકમ ભરપાઇ કરી જવા માટે આખરી માંગણા નોટીસ ફટકારવામાં આવી છે. અને જો આવી રકમ નહી ભરપાઇ કરવામાં આવે તો મિલ્કત જપ્તી અને સીલ મારી દેવા સુધીના આકરા પગલા લેવા માટે અમરેલી નગરપાલીકાની વેરા વસુલાત શાખાએ કમર કસી છે. આ અંગેની પ્રાપ્ત વિગતો મુજબ અમરેલી શહેરમાં લાંબા સમયથી મકાન વેરાની ચડત રકમ ભરપાઇ નહી કરનાર આસામીઓ સામે મિલ્કત જપ્તીના આકરા પગલા લેવાની તૈયારી વહીવટી તંત્ર દ્વારા હાથ ધરી દેવામાં આવી છે. જેમાં શહેરનાં જુદા જુદા વિસ્તારોમાં ખાનગી કંપનીનાં મોબાઇલ ટાવરો ઠેક ઠેકાણે ઉભા કરી દેવામાં આવ્યા છે. આ તમામ મોબાઇલ ટાવરની કંપનીઓ દ્વારા લાંબા સમયથી વેરો ભરપાઇ કરવામાં ડાંડાઇ કરવામાં આવી રહી હોય આ તમામ મોબાઇલ ટાવરના સંચાલકોને આવતી કાલે નગરપાલીકાની કચેરી ખાતે બાકી વેરાની રકમ ભરપાઇ કરી દેવા માટે મૌખીક સુચનાઓ આપી દેવામાં આવશે. તેમ અમરેલી વેરા વસુલાત શાખાના ઉચ્ચ અધિકારીઓએ જણાવ્યુ હતુ.


અમરેલીમાં એક વર્ષમાં 240 બાળ મૃત્યુનાં કેસ નોંધાયા

અમરેલી,
અમરેલી સહિત સમગ્ર રાજ્યમાં બાળ મૃત્યુ થવાના કિસ્સાઓ પ્રકાશમાં આવી રહ્યાં છે. જેનું મુખ્ય કારણ એ છે કે જન્મ સમયે માતાને પુરતુ પોષણ ન મળવું તેમજ બાળકનાં જન્મ વખતે ખોડ ખાપણ અથવા અન્ય બિમારી હોવાનું પણ મુખ્ય કારણ છે. ગત વર્ષે અમરેલી જિલ્લામાં 240 જેટલા બાળ મૃત્યુનાં કિસ્સાઓ બહાર આવ્યાં છે. તેમજ છેલ્લા 30 દિવસમાં 15 જેેટલા બાળકોનાં મૃત્યુ નિપજ્યાં છે. જેમાં સૌથી વધ્ાુ સાવરકુંડલા તાલુકામાં 44 બાળકોનાં મૃત્યુ નિપજ્યાં છે તેમ અમરેલી જિલ્લા આરોગ્ય શાખાની કચેરીનાં સુત્રોએ જણાવ્યું હતું.
આ અંગેની પ્રાપ્ત વિગતો મુજબ અમરેલી શહેર સહિત સમગ્ર રાજ્યમાં 0 થી 1 વર્ષનાં બાળકોનાં મૃત્યુ થવાના કિસ્સાઓ દિન ્પ્રતિદિન બહાર આવી રહ્યાં છે. આ બાળ મૃત્યુ થવાનું મુખ્ય કારણ જણાવતા અમરેલી જિલ્લા આરોગ્ય શાખાની કચેરીનાં સુત્રોનાં જણાવ્યા પ્રમાણે બાળકનો જન્મ થાય ત્યારે શ્ર્વાસ લેવામાં તકલીફ પડવી, જન્મ વખતે ઇજા હોવી, ખોડખાપણ વાળુ બાળક જનમવું, હદયની બિમાવી હોવી, વજન ઓછું હોવું તેમજ જન્મ સમયે રડ્યુ હોય અને બાળકનું મૃત્યુ થવું, ઇન્ફેક્શન લાગવા સહિતની વિવિધ બિમારીઓ આ બાળ મૃત્યુના કારણ પાછળ મહત્વની ભુમિકા ભજવે છે. અમરેલી જિલ્લામાં વર્ષ 2019-20ના વર્ષમાં 24 જેટલા બાળકોનાં મૃત્યુ નિપજ્યા છે. જે વર્ષ 2018-19ની સાલમાં 354 બાળકોનાં મૃત્યુ નિપજ્યા હતાં.
જે બે વર્ષની સરખામણીમાં એટલે કે ગત વર્ષે આ બાળ મૃત્યુનાં પ્રમાણમાં સારો એવો ઘટાડો થયો છે. આ ઉપરાંત અમરેલી જિલ્લામાં ગત મહિને એટલે કે ડિસેમ્બર મહિનામાં 15 બકળકો જેટલા બાળકોનાં મૃત્યુ નિપજ્યા હતાં. આમ અમરેલી જિલ્લામાં છેલ્લા એક વર્ષમાં બાળ મૃત્યુનું પ્રમાણ 240 જેવું થવા પામ્યું છે. અમરેલી તાલુકામાં 28 બાળકો, બાબરા તાલુકામાં 9, કુંકાવાવ તાલુકો 12, રાજુલા તાલુકો 26, બગસરા તાલુકો 13, લીલીયા તાલુકો 11, જાફરાબાદ તાલુકો 23, ખાંભા તાલુકો 17, સાવરકુંડલા તાલુકામાં 44, લાઠી તાલુકામાં 30, ધારી તાલુકામાં 27 મળીને કુલ 240 બાળ મૃત્યુનાં કેસો વર્ષ 2019-20નાં સમય ગાળામાં નોંધાયા છે. તેમજ 2018-19ની સાલમાં અમરેલી જિલ્લામાં 354 બાળ મૃત્યુનાં કેસો નોંધાયા હતાં.


મૂર્તિ ખંડનની ખોટી જાણ શા માટે કરાઇ ?:તપાસનો ધમધમાટ

અમરેલી, અમરેલી અને સુરતમાં ખળભળાટ મચાવતી લાઠીની ઘટનાનો પર્દાફાશ કરવામાં શ્રી નિર્લિપ્ત રાયની દિર્ધદ્રષ્ટી કામ કરી ગઇ છે અને ગાંધીજીની મૂર્તિ તોડાયાની ઘટના ઉપજાવી કાઢેલ હોવાનુ સામે આવ્યું છે અને પોલીસ દ્વારા કરાયેલી સુક્ષ્મ તપાસમાં આ ભાંડો ફુટી ગયા બાદ પોલીસ તંત્ર દ્વારા આ જગ્યા અને તેની કાયદેસરતાથી આખા ઘટનાક્રમની તપાસ શરૂ કરાનાર હોવાનું તપાસનિશ અધિકારી શ્રી યશવંતસિંહ ગોહીલે જણાવ્યું હતુ.
જાણવા મળતી માહીતી અનુસાર બે દિવસ પહેલા લાઠીના હરીકૃષ્ણ સરોવર પાસે મહાત્માની ગાંધીની મૂર્તિર્ને અસામાજીકોએ ખંડીત કર્યાની જાણ કરી આવેદનપત્ર પાઠવાયું હતુ. જયા રાજકીય આગેવાનો અને ટોચના ઉદ્યોગપતિઓ સંકળાયેલ છે તેવા આ સ્થળનો વિકાસ લાઠીના દુધાળા ગામના વતની અને સુરતના ઉદ્યોગપતિ સવજીભાઇ ધોળકીયાના ટ્રસ્ટ દ્વારા કરાયો હતો.
દેશ આખો મહાત્માજીની 150મી જન્મ જયંતી ઉજવી રહયો છે તેવા સમયે મહાત્માજીની પ્રતિમાને ખંડીત કરાતા અમરેલીના એસ પી શ્રી નિર્લિપ્ત રાય ચોકી ઉઠયા હતા અને આઇપીએસ એએસપી શ્રી પ્રેમસુખ ડેલુ તથા એલસીબીના શ્રી કરમટા,શ્રી મોરી એસઓજીના શ્રી મહેશ મોરીતથા લાઠીના શ્રી યશવંતસિંહ ગોહીલ સહિતની ટીમને કામે લગાડી અને તપાસ કરાવતા શ્રી નિર્લિપ્ત રાયના માર્ગ દશર્ન હેઠળ થયેલી તપાસમાં પ્રાથમિક દ્રષ્ટીએ જ આ મુર્તિ તોડવામાં ન આવી હોવાનુ અને અકસ્માતે તુટી હોવાનુ જણાતા એસએસએલની મદદ લેવાઇ હતી આ દરમિયાન સૌશ્યલ મીડીયામાં સવજીભાઇ ધોળકીયા અંગત કનક નામના માણસ અને સ્થાનિક માણસ વચ્ચેની વાતચીતના વાયરલ થયેલા ઓડીયોએ વાત ચોખી કરી નાખી હતી કે, તોડી પાડવાની વાત ઉપજાવી કાઢેલ છે.
પણ અહી લાખ રૂપિયાનો સવાલ એ ઉભો થયો હતો કે, આવી ખોટી ફરિયાદ કરી અને મીડીયા તથા પોલીસને ગેરમાર્ગે દોરવાનું કારણ શુ ?જેના જવાબ માટે એસપી શ્રી નિર્લિપ્ત રાયના માર્ગદર્શન હેઠળ લાઠીના પીએસઆઇ શ્રી યશવંતસિંહ પી. ગોહીલે જીણવટભરી તપાસ શરૂ કરી છે. અવધ ટાઇમ્સને શ્રી ગોહીલે જણાવ્યું હતુ કે આ જગ્યામાં થયેલા બનાવના સંદર્ભ માં પોલીસ દ્વારા સવજીભાઇ ધોળકીયાને સમન્સ મોકલવાની કાર્યવાહી હાથ ધરાઇ છે અને વૈજ્ઞાનિક ઢબે તપાસ શરૂ કરાઇ છે સૌ પ્રથમ તો આ જગ્યા અને તે જગ્યામાં આ મૂર્તિ મુકવાની મંજુરી લેવાઇ છે કે કેમથી તપાસ શરૂ કરાઇ છે.
અને શા માટે આવો સ્ટંટ કરાયો તેના ઉંડાણ સુધી પોલીસ પહોંચી સત્ય બહાર લાવશે.એક તરફથી પોલીસ દ્વારા તપાસનો ધમધમાટ શરૂ થયો છે અને લાઠીના દાનવીરની છાપ ધરાવતા ઉદ્યોગપતિ શ્રી સવજીભાઇ ધોળકીયા ચર્ચાના ચગડોળે ચડયા છે.
અકસ્માતે તુટી ગયેલ મૂર્તિ તોડી પાડવામાં આવી છે તેવુ સાબીત શા માટે કરવા માંગતા હતા ? તેવો સવાલ સૌ કોઇને મનમાં ઉઠયો છે.બીજી તરફ કોઇની પણ શેહ શરમ ન રાખી કાયદાનું પાલન કરાવનાર એસપી શ્રી નિર્લિપ્ત રાયે આવા સમાચારો પ્રસિધ્ધ કરતા પહેલા તેની સત્યતા જોવા અને સબંધીત સુત્રોની સંપર્ક કરવા જણાવીને જણાવેલ કે મને દુખ થાય છે કે આપણે વ્યકતીગત લાભ, અને સસ્તી લોકપ્રિયતા માટે મહાત્માના નામના ે ઉપયોગ કરી રહયા છીએ.


error: Content is protected !!