Main Menu

Monday, January 13th, 2020

 

મોટી કુંકાવાવ તાલુકામાં જન્મદર તથા લગ્ન નોંધણી સૌથી વધ્ાુ

અમરેલી, અમરેલી જિલ્લાનાં મોટી કુંકાવાવ તથા વડિયા તાલુકામાં છેલ્લાં ઘણા સમયથી બહારનાં નવ દંપતીઓ આવીને પોતાના લગ્નની નોંધણી કરાવતા હોવાનાં કિસ્સાઓ અવાર નવાર પ્રકાશમાં આવ્યાં છે. અને આ બાબતે એસીબી દ્વારા તપાસ પણ હાથ ધરવામાં આવી હતી. સાથોસાથ જિલ્લાં પંચાયતની ટીમ દ્વારા સતત દોઢ માસ સુધી તપાસ હાથ ધરવામાં આવી હતી. દરમિયાનમાં એક ચોકાવનારી વિગત પ્રમાણે મોટી કુંકાવાવ તાલુકામાં લગ્ન નોંધણીની સાથોસાથ જન્મ નોંધણીનાં પણ દાખલાઓ 400 થી વધ્ાુ નીકળતા હોવાનું મોટી કુંકાવાવના તલાટી મંત્રી જે.ડી.પટેલીયાએ જણાવ્યું હતું. આ અંગેની પ્રાપ્ત વિગતો મુજબ અમરેલી જિલ્લાનાં મોટી કુંકાવાવ તાલુકામાં છેલ્લા ઘણા વર્ષોથી અમરેલી ઉપરાંત બહાર ગામનાં જેમ કે, અંબાજી, રાજકોટ, નવસારી, સુરત, મોરબી, પાલનપુર સહિતના ગામોમાંથી નવયુગલો લગ્નની નોંધણી કરાવવા માટે ઠેઠ કુંકાવાવ સુધી આવતા હોવાનાં કિસ્સાઓ પ્રકાશમાં આવ્યાં છે. પરંતુ આ તમામ દંપતીઓ પાસે તમામ પ્રકારનાં કાગળો વ્યવસ્થિત હોવાનાં કારણે કાયદાકીય પગલા લઇ શકાતા નથી. દરમિયાનમાં મોટી કુંકાવાવ તાલુકાનાં વિવિધ ગામોમાં ખેત મજુરી તેમજ અન્ય મજુરી કામ માટે આવતા મધ્યપ્રદેશ, રાજસ્થાન તેમજ અન્ય રાજ્યનાં મજુરો પ્રમાણે વધારે પ્રમાણમાં હોવાનાં કારણે જન્મની નોંધણી કરાવાના દાખલા પણ વર્ષનાં અંતે 400થી 700 જેટલા નિકળતા હોવાનું તલાટી મંત્રીએ જણાવ્યું હતું. તલાટી મંત્રીનાં જણાવ્યા પ્રમાણે ખેત મજુરી તેમજ અન્ય મજુરી કામ માટે આવતા આ મજુરોનાં ઘરે જ્યારે દિકરા કે દિકરીનો જન્મ થાય ત્યારે તેનો જન્મનો દાખલો કઢાવો ફરજીયાત હોવાના કારણે આ મજુરો પોતાનાં ઘરે જન્મેલ સંતાનનો દાખલો મોટી કુંકાવાવ તાલુકા પંચાયતમાં કઢાવતા હોવાનાં કારણે અહીંયા લગ્નની નોંધણીીની સાથો સાથ જન્મની નોંધણીનાં દાખલાનું પ્રમાણ પણ વધારે પ્ર્માણમાં કહી શકાય. અત્રે ઉલ્લેખનીય છે કે, અગાઉ મોટી કુંકાવાવ તાલુકામાં લગ્ન નોંધણીના દાખલાઓ નીકળતા હોવાનાં કિસ્સાઓ અવાર નવાર પ્રકાશમાં આવ્યાં છે.


અમરેલી પાલીકા દ્વારા બંધાતા સેલ્ટર હાઉસનું કામ પુર્ણતાના આરે

અમરેલી, અમરેલી શહેરનાં મુખ્ય રસ્તાઓ તેમજ મંદીર, મસ્જીદ અને ફુટપાથ ઉપર ટાઢ, તડકો, વરસાદ જેવી સીઝનમાં પણ ભિક્ષુકો તેમજ અંધ, અપંગ, વૃધ્ધ, નિરાધારને રહેવા માટે કોઇ આશ્રય સ્થાન ન હોય રાજ્ય સરકારની ગુજરાત અરબર લાઇવલી વુડન મિશન અંતર્ગત અમરેલી નગરપાલીકા દ્વારા સાવરકુંડલા રોડ ઉપર બે હજાર ચોરસ મીટર જમીન ઉપર સેલ્ટર હાઉસ નામનું સંકુલ ઉભુ કરવામાં આવ્યું છે. આ સંકુલ બનાવવા પાછળ રાજ્ય સરકાર દ્વારા રૂા. બે કરોડ આપવામાં આવ્યાં છે. જ્યારે આ સેલ્ટર હાઉસમાં રહેનાર ભિક્ષુકોને રહેવા પાછળ દર વર્ષે થનાર ખર્ચ પેટે પાંચ વર્ષનાં રૂપીયા 30 લાખ જેવી સહાય પણ અમરેલી નગરપાલીકાને આપવામાં આવી છે. આ સેલ્ટર હાઉસમાં તમામ પ્રકારની સુવિધાઓ પુરી પાડવામાં આવનાર છે. જેમાં બે માળનાં બેડ તેમજ જમવા સહિતની તેમજ કબાટ સહિતની તમામ પ્રકારની સેવાઓ પુરી પાડવામાં આવનાર છે.
નગરપાલીકાનાં સુત્રોના જણાવ્યા પ્રમાણે અમરેલી શહેરમાં ફુટપાથ ઉપર તેમજ મંદિર પાસે સુતા રહેતા બાળકો, દિવ્યાંગ, મહિલા, પુરુષ અને ભિક્ષુકોને રહેવા માટેનું કોઇ આશ્રય સ્થાન ન હોવાનાં કારણે આવા લોકો ગમે ત્યાં પડ્યા પાથર્યા રહેતા હોય છે. જેના કારણે શહેરજનોને અવાર નવાર આવા લોકોને સામનો કરવો પણ પડતો હોય છે. આ સમસ્યા હલ કરવા માટે સરકાર દ્વારતા ગુજરાત અરબન લાઇવલી વુડ મિશન અંતર્ગત અમરેલી નગરપાલીકા દ્વારા સેલ્ટર હાઉસનું નિર્માણ કરવામાં આવ્યું છે. જે હવે પુર્ણતાનાં આરે છે અને ટુંક સમયમાં આવા ભિક્ષુકોને તેમજ અંધ, દિવ્યાંગ લોકોને રહેવા માટેનું ઉત્તમ સ્થળ મળી રહેશે.


error: Content is protected !!