Main Menu

Saturday, February 1st, 2020

 

02-02-2020


ખાંભા નજીક રાયડી ગામે ચાર બાળ સિંહ મકાનમાં ઘુસી ગયા

ખાંભા,ખાંભા તાલુકાના ના રાયડી પાટી ગામે જૂની અને જર્જરિત થયેલ સ્કુલ મા સિંહ ના 4 બચ્ચાં આવી ચડતા આરએફઓ ખાંભા અને ફિલ્ડ સ્ટાફે તાત્કાલિક સ્થળ પર પહોંચી રેસ્કયું હાથ ધરી તમામ 4 સિંહ બચ્ચાંઓ ને સહી સલામત રેસ્કયુ કરવામાં આવેલ. સ્ટાફ દ્વારા આસપાસ નો વિસ્તાર સ્કેન કરતા માતા સિંહણ પણ નજીક ના વિસ્તાર માં હોવાનું માલૂમ પડેલ. આથી નજીક ના જ સલામત વિસ્તાર મા આ 4 સિંહ બચ્ચાંઓ નું માતા સિંહણ સાથે મિલન કરવી ને રિલીઝ કામગીરી પૂર્ણ કરવામાં આવી હતી.આ સમગ્ર કાર્યવાહીમા કે. કે. મેમકિયા ઇન્ચાર્જ ઇર્ખં ખાંભા, રબારીકા ફોરેસ્ટર યાસીન જુનેજા, ફો. ગાર્ડ દીપક સોંદર્વા, ફો. ગાર્ડ દિલીપસિંહ ઝનકત, ટ્રેકર , રજનીભાઈ, નિર્મળભાઈ વાળા, જીણાભાઇ, જીતુભાઈ, સુરેશભાઈએ આ રેસ્કયું અને રિલીઝમા નોંધનીય કામગીરી બજાવી.


અમરેલી જેસીંગપરામાં સ્વૈચ્છીક દબાણો દુર કરાયા

અમરેલી,શહેરનો વિકાસ દિન પ્રતીદિન ચારેય દિસામાં વિકાસ વધી રહયો છે.સાથો સાથ વર્ષો જુના બનેલા રસ્તાઓ પણ હવે વાહનોની સંખ્યા વધતા મુખ્ય માર્ગો પર ટ્રાફીકની સમસ્યા દિનપ્રતિદીન ગંભીર બનતી જતી જતી હોય નગરપાલિકા દ્વારા મુખ્ય રસ્તાપરના દબાણો દુર કરવા માટે દબાણ કરતાઓને નોટીસો ફટકારવાનું શરૂ કર્યુ છે જેમા આજથી ત્રણ દિવસ પહેલા જેસીંગપરા વિસ્તારમાં રસ્તાાને નડતર રૂપ રહેલા 23 જેટલા દબાણો દુર કરવા માટે નોટીસો ફટકારવામાં આવી હતી જેના ભાગ રૂપે આ નોટીસોની અસર થઈ હોય તેમ આજે ત્રીજા દિવસે દબાણ કરતાઓએ પોતાની જાતે દબાણો હટાવાની કામગીરી હાથ ધરી હતી તેમજ રસ્તાાની વચોવચ આવેલ 5 દસકા જુના હનુમાનજીની નડતર રૂપ રહેલી ડેરીનું બાંધકામ તોડી પાડવાની કામગીરી ચાલી રહી છે. અને નવુ મંદિર બનાવવા માટે પ્લીંથ સુધીનું કામ પણ પુર્ણ થઈ ગયુ છે આમ અમરેલી શહેરમાં પણ સતત બીજા દિવસે પણ દબાણ હટાવવાની કામગીરી હાથ ધરવામાં આવી છે.
આ અંગેની પ્રપ્ત વીગતો મુજબ અમરેલી શહેરનો વિકાસ દિન પ્રતિદિન જેટ ગતીએ વધી રહયો છે સાથો સાથ રસ્તાઓ પણ હવે સાકડા બનતા જતા હોય નગરપાલિકાના તંત્ર દ્વારા રસ્તાાઓ પહોળા કરવા માટે નોટીસો ફટકારવાનું શરૂ કરવામાં આવ્યુ છે. જેમાં આજથી 3 દિવસ પહેલા નગરપાલિકાની ટાઉન પ્લાાનીંગ શાખા દ્વારા જેસીંગપરામાં શીવાજી ચોકમાં રસ્તાને નડતર રૂપ રહેલ 23 જેટલી વર્ષોજુની કેબીનો હટાવી લેવા માટે 7 દિવસમાં દબાણ હટાવી લેવા માટે નોટીસો ફટકારવામાં આવી હતી જેના અનુંસંધાને આજે ત્રીજા દિવસે દબાણ કરતાઓએ પોતાની જાતેજ દબાણ હટાવી લીધુ હતુ આ ઉપરાંત રસ્તાની વચો વચ આવેલ 50 વર્ષ જુની હનુમાનજીની ડેરી પણ નડતર રૂપ હતી તે પણ ડેરી તોડવાની કામગીરી પણ નગરપાલિકાના તંત્ર દ્વારા હાથ ધરવામાં આવી હતી આ ડેરીને અન્ય જગ્યાએ સ્થળાંતર કરવા માટે બાજુમાજ પ્લીંથ સુુધીનું ચણતર કામ પુર્ણ કરી નાખવામાં આવ્યુ છે તેમજ હજુ પણ શહેરના જુદા જુદા વિસતારોમાં રસ્તા પરના દબાણો દુર કરવામાં આવશે આમ શહેરમાં સતત બીજા દિવસે પણ મોટુ ડીમોલેશન હાથ ધરવામાં આવ્યુ હતુ નગરપાલિકાના કર્મચારીઓ સંદિપભાઈ માંગરોળીયા, પ્રકાશભાઈ ભડકમ, શાંતિભાઈ સાવલીયા, ધર્મેશભાઈ અજાણી એ ઉપરોક્ત કામગીરી બજાવી હતી


સમજયા વગર બંધ પાડનારનો આર્થિક બહિષ્કાર પણ કમનસીબ:ડો.કાનાબાર

અમરેલી,સીએએના વિરોધમાં બંધ પળાયો તે કમનસીબી ગણાવી ભાજપ અગ્રણી ડો. ભરતભાઇ કાનાબારે જણાવ્યુ કે બંધમાં જોડાયેલા મોટાભાગના કાયદાને સમજ્યા નથી પણ એટલા માટે તેમનો આર્થિક બહિસ્કાર કરવાની વાત પણ એટલી જ કમનસીબ છે. નાના ધંધાર્થીઓના પેટ પર પાટુ મારવાની વાત અમાનવીય છે જે આ કાયદો લાવ્યા છે તે શ્રી મોદી પણ આ વિચાર સાથે ક્યારેય સંમત ના હોઇ હશે તેમ ડો. ભરતભાઇ કાનાબારે ટવીટ કરી જણાવ્યુ હતુ.


કોડીનાર – ગીરગઢડા પંથકમાથી 18 લાખની વિજ ચોરી ઝડપાઈ

અમરેલી ,અમરેલી તેમજ કોડીનાર, ગીરગઢડા તાલુકામા વધારે વિજલોસ ધરાવતા ફીડરોમાથી વિજ ચોરી ઝડપી લેવા છેલ્લા 3 દિવસ થી ગુજરાત ઉર્જા વિકાસ નીગમની વિજીલન્સની ટીમ દ્વારા ચેકીંગ હાથ ધરવામાં આવ્યુ હતુ.
જેમા આજ સવારથી કોડીનાર તથા ગીરગઢડા તાલુકાના ગામોમાં ચેકીંગ હાથ ધરી રૂપીયા 18. 50 લાખની વિજ ચોરી ઝડપાય હતી.અમરેલી વિજ વરતુળ કચેરી હેઠળના વધારે વિજલોસ ધરાવતા ફીડરોમાંથી વિજ ચોરી ઝડપીલેવા આજ સવારથી કોડીનાર, ગીરગઢડા તાલુકામાં વિજ ચેકીંગ હાથ ધર્યુ હતુ જેમાં 784 કનેકશન ચેક કરવામાં આવ્યા હતા જેમાથી 121 કેસમાં ગેર રીતી ઝડપાતા રૂપીયા 18.50 લાખના બીલ બનાવવામાં આવ્યા હયા.


બાબરામાં પાલિકાનું વિજ જોડાણ કપાયું:અંધારપટ

બાબરા,અમરેલી વીજવર્તુળ કચેરી દ્રારા નગરપાલિકા પાસે સ્ટ્રીટલાઇટ તેમજ વોટર વર્કસના બાકી નાણાંની વસુલાત કરવા અવારનવાર પાલિકાના તંત્રએ નોટીસો ફટકારી રહી હોવા છતાં પણ તંત્ર દ્રારા આ નોટીસોને જાણે કે ગંભીરતાથી લીધી ન હોય તેમ નોટીસોને કચરા ટોપલીમાં નાખી દેવામાં આવી હોય તેવી રીતે આજદિન સુધી નાણાં ન ભરપાઇ ન કરતા બાબરા નગરપાલિકા સંચાલીત સ્ટ્રીટલાઇટો ના કરોડો રૂપિયા ની રકમમા બીલો બાકી હોવાથી આજે બાબરા પીજીવીસી એલ દ્વારા બાબરા શહેરના આશરાનગર, નિલવળા રોડ, ચમારડી રોડ વિસ્તાર ની સ્ટ્રીટલાઇટો ના જોડાણો કાપી નાખ્યા હતા કચેરી કમ્પાઉન્ડર મા થી મળતી માહિતી અનુસાર બાબરા નગરપાલિકા પાસે પીજીવીસી એલ ના લાઇટ બીલ ના અંદાજીત ત્રણ કરોડ ઉપરાંત પૈસા ભરવાના બાકી હોય અનેક વાર નોટીસો આપવા છતા બીલ નો ભરાતા આજે બપોર બાદ પીજીવીસી એલ ના કર્મચારીઓ દ્વારા શહેરના અનેક વિસ્તારો ના લાઈટ કનેક્શન કાપી નખાયા હતા આજે રાતથી સમગ્ર બાબરા શહેર મા અંધારપટ છવાઈ જશે તો નગરપાલિકા તંત્ર તારીખ 1 સુધીમાં બીલ નહી ચૂકવાય તો અન્ય પાણી પુરવઠા વિભાગ નુ પણ જોડાણ કાપી નાખવામા આવશે તેમ જાણવા મળ્યું છે.

 

સ્ટ્રીટ લાઈટનું જોડાણ કટ થતા અંધારપટ
બાબરા નગરપાલિકાએ લાંબા સમયથી સ્ટ્રીટ લાઈટના નાણા ભરપાઈ નહી કરતા અમરેલી વિજ વર્તુળ કચેરી દ્વારા વિજ જોડાણ કટ કરી નખાતા લોકોને પારાવાર મુશ્કેલીનો સામનો કરવો પડી રહયો છે જેના કારણે રસ્તાઓ પર પડેલા ખાડાના કારણે લોકો પડીજવાના બનાવો બનવા લાગ્યા છે આમ નગરપાલિકાના વાકે લોકો હેરાન પરેશાન થઈ રહયા છે

બાબરામાં અંધારામાં અથડાતા લોકો:કુતરાનો પણ ત્રાસ
બાબરા શહેરના વિવિધ વિસ્તારોમાં સ્ટ્રીટ લાઈટનું વિજ જોડાણ કટ થઈ જવાના કારણે શહેરમાં રખડતા કુતરાઓનો ભારે ત્રાસ હોવાના કારણે પ્રજા જનોને પારાવાર મુશ્કેેલીઓ વેઠવી પડી રહી છે શેરીઓમા સ્ટ્રીટ લાઈટ ન હોવાના કારણે રસ્તાની વચ્ચો વચ્ચ અથવાતો સાઈડમાં બેસેલા કુતરાઓ લોકોની પાછળ દોડતા હોવાના પણ બનાવો બનવા પામ્યા છે તેમ લોકોમાં ચર્ચાય રહયુ છે.


અમરેલીમાં મધરાત્રે લોકોના ઘરના દરવાજા ખટખટાવતા યુવક-યુવતીથી ભારે નવાઇ

અમરેલી,રાત્રે અગિયારેક વાગ્યાના અરસામાં લોકોના ઘેર “સાહેબ ટારગેટ પુરો નથી થયો થોડી વસ્તુ ખરીદોને…’ કહીને દરવાજા ખટખટાવતા સેલ્સમેન યુવક-યુવતીને કારણે લોકો પરેશાન થઇ ગયા છે અને આ ખરેખર સેલ્સમેન જ છે કે પછી બીજુ કોઇ છે તેની ચર્ચા જાગી છે કારણ કે સેલ્સમેનને નોકરીના કલાકો હોય છે અને સાંજથી જ સેલ્સમેનશીપ બંધ થઇ જતી હોય છે ત્યારે મોડીરાત્રે સેલ્સમેન કેમ હોઇ શકે તે સવાલે સૌને વિચારતા કરી મુકયા છે અમરેલી શહેરના ચિતલ રોડ ઉપર આવેલી સોસાયટીઓમાં છેલ્લા બે દિવસથી મોડીરાત્રે યુવક અને યુવતી ગમે તેના દરવાજા ખટખટાવે છે પણ હકીકતમાં આટલી મોડીરાત્રે કંપનીઓના સેલ્સમેન ન હોય તેવી શકયતા હોય જો લોકોના ઘેર મોડીરાત્રે આવે તો તેનું ગમે તે પરિણામ આવી શકે તેમ હોય આવા અજાણ્યા લોકો તમારો દરવાજો ખખડાવે તો પોલીસને જાણ કરવી હીતાવહ છે.


અમરેલીમાં બેન્ક હડતાલથી રોજીંદુ 500 કરોડનું કલીરીયન્સ ઠપ્પ

અમરેલી,પગાર વધારા સાથે ની માગણીઓ નહી સ્વીકારાતા અમરેલી શહેર સહીત જીલ્લા ભરની રાષ્ટ્રીય કૃત બેંકોના કર્મચારીઆએ આજથી 3 સિવસની હડતાલ ઉપર ઉતરી જતા અમરેલી શહેરમાં અંદાજે રોજનુ 500 કરોડનું કલીયરીંગ અટકી ગયુ છે સાથો સાથ રોજની 15 થી 20 કરોડની કેશની કામગીરી અટકી જવા પામી છે તેમ બેંક કર્મ ચારી યુનીયના અગ્રણીઓએ જણાવ્યુ હતુ.
આ અંગેની પ્રાપ્ત વિગતી પગાર વધારાાની માંગણી અંગેની વાટાકાટો પડી ભાંગતા દેશ ભરની રાષ્ટ્રીય કૃત બેંકો ના કર્મચારીઓ અને અધિકાારીઓ ના યુનીયનો દ્વારા 3 દિવસની હડતાલ પાડવાનો એલાન આપવામાન આવ્યુ હતુ જેના અંતરગત આ રોજ અમરેલી શહેર સહીત જીલ્લા ભરની રાષ્ટ્રીય કૃત બેંકોના 1200 જેટલા કર્મચારીઓ આજથી હડતાલ ઉપર ઉતરી ગયા છે જેના કારણે રોજનુ 500 કરોડનુ કલીયરીંગ ઠપ્પ થઈ જવા પામ્યુ છે આમ 3 દિવસમાં 1500 કરોડનુ કલીયરીંગ ઠપ્પ થઈ જશે તેમજ અમરેલી શહેરમાં રોજનુ 15 થી 20 કરોડની કેશનો વહીવટ પણ અટકી જશે.આ ઉપરાંત બેંક કર્મચારી આગેવાનો હિતેશભાઈ ખખર, ડી.વી.સરવૈયા, શીંગાળાભાઈ, પીયુષભાઈ શાહ, પી.પી.પલસાણા સહીતના કર્મચારી આગેવાનો ના જણાવ્યા પ્રમાણે દેશ ભરની રાષ્ટ્રીય કૃત બેંકોનુ ખાનગી કરણ કરવામા આવનાર હોય આવનાર છે સાથો સાથ એન.પી.એ. રીકવરીમા સરકારની ઢીલીનીતી તેમજ 2017 માં કર્મચારીના પગાર વધારાની માગણીઓનો અમલ આજ દિન સુધી કરવામાં આવ્યો નથી તેમજ અન્ય માંગણીઓ નહી સ્વીીકારવામાં અમરેલી શહેર સહીત જીલ્લા ભરના બેંક કર્મચારીઓ હડતાલ ઉપર ઉતરી જતા બેંક ગ્રાહકોને પારાવાર મુશ્કેેલીનો સામનો કરવો પડયો હતો.


01-02-2020


error: Content is protected !!