Main Menu

Tuesday, February 18th, 2020

 

અમરેલીની નદીમાં ઠલવાતા માંસના કચરાથી ધાર્મિક લાગણીને ઠેસ

અમરેલી,અમરેલીમાં દરેક જગ્યાનું કોઇને કોઇ ધણી છે પણ અમરેલીની વડી અને ઠેબી તથા ખારો જયાં ભેગા થાય છે તે ત્રિવેણી સ્થાન ધરાવતી નદીનું કોઇ ધણી ધોરી છે કે નહી ? તેવો સવાલ ઉઠયો છે.
અમરેલીના કામનાથ મહાદેવ મંદિરની સામેની પવિત્ર ત્રિવેણી સંગમના સામા કાંઠા સામે સ્મશાનની પાછળ જ લોહી-માંસના કચરાના ઢગઅને અમરેલીની આ નદીમાં ઠલવાતા માંસના કચરાથી ધાર્મિક લાગણીને ઠેસ પહોંચી છે.
શહેરમાંથી ઉઘરાવાતા ડોર ટુ ડોર કચરામાં માંસાહારીઓના કચરાનો નિકાલ ન થતો હોય તેવી રીતે મરઘાઓના પીછા અને માછલાઓ તથા માંસના ટુકડાઓ આ નદીમાં બેરોકટોક નાખી દેવામાં આવે છે અને તેને કોઇ રોકવાવાળું પણ નથી.
અમરેલીના ગાયત્રી મોક્ષધામની બરાબર પાછળ કોઇ કાયદા કે કાનુનની બીક વગર બેરોકટોક રોગચાળો ફાટી નિકળે તેવો લોહી માસનો કચરો નાખવામાં આવે છે અને નવાઇની બાબત એ પણ છે કે કયાંય જો સામાન્ય એવો મેડીકલ વેસ્ટેજ દેખાય ત્યા દેકારો મચાવનારા શુરવીરો અહી સાવ મૌનધારી સાધ્ાુની જેમ ચુપ છે .
કામનાથ મંદિર તથા મેલડી માના મંદિરની વચ્ચે આવેલા પવિત્ર ત્રિવેણી સંગમના આથમણા કાંઠે લોકો પિતૃઓનું તપર્ણ કરે છે અને તેની સામે જ ઉગમણા કાંઠે માંસનો કચરો નખાય છે કારણ કે સરકારી જવાબદાર તંત્ર સુતુ છે. અહીના સ્થાનિક કોળીવાડના લોકોએ અનેક વખત રજુઆતો કરી છે પણ અભણ અને ઓછુ જ્ઞાન ધરાવતા આ કોળીવાડના સ્થાનિક લોકોને કોઇ જવાબ સુધ્ધા નથી અપાયો.
અહી લોકોની ધાર્મિક લાગણીને તો ઠેસ પહોંચી રહી છે પણ તે સીવાય એક ગંભીર બાબત એ પણ છે કે, આ નદીમાં નખાતા માંસ-મટનના કચરાને કારણે અહી સેકડોની સંખ્યામાં લોહીતરસ્યા કુતરાઓ વસે છે અને તાજેતરમાં કુતરાઓએ સામા કાંઠાના વિસ્તારમાં એક બાળકને ફાડી ખાધ્ાુ હતું.


અમરેલીમાં ટ્રાફીકની વિચીત્ર સમસ્યા : નંબર વગરના વાહનોને મોજ !

અમરેલી, છેલ્લા બે દિવસથી અમરેલીમાં કેમેરામાં દેખાતા ટ્રાફીકના નિયમોનો ભંગ કરનારાઓને ઇ-મેમો મોકલી દંડ કરવામાં આવી રહયો છે તેમા એક નવી સમસ્યા સામે આવી છે અમરેલીમાં ટ્રાફીકની વિચીત્ર સમસ્યા એ ઉભી થઇ છે કે, નવી કાર્યવાહીમાં નંબર વગરના વાહનોને મોજ પડી ગઇ છે જે ગાડીના નંબર દેખાય છે તેને મેમો મોકલાય છે પણ જેને નંબર પ્લેટ જ નથી તેવા વાહનો ટ્રાફીકના નિયમોનો ભંગ કરે તો મેમો મોકલવો કયાં ? આવા કેમેરામાં દેખાતા ત્રીપલ સવારી, મોબાઇલ, સીટબેલ્ટના ફોલ્ટમાં મેમો મોકલાય છે પણ નંબર પ્લેેટ વગરનાને મેમો કેમ અને કયાં મોકલવો ?તેનો પોલીસ તંત્રએ પણ વિચાર કરવો રહયો આવા નંબર પ્લેટ વગરના વાહનોની ઉપર તવાઇ ઉતારવી જરુરી છે જો આમ થશે તો અનેક વાહનો ચોરીઓના ભેદ પણ ઉકેલાશે.


18-02-2020


error: Content is protected !!