Main Menu

March, 2020

 

31-03-2020


જિલ્લાના તમામ પોલીસ સ્ટેશનના અધિકારીઓ સાથે રેન્જ આઇજીની વિડીયો કોન્ફરન્સ યોજાઇ

અમરેલી, સાવરકુંડલામાં પોલીસ દ્વારા ફલેગમાર્ચ યોજાઇ : પોલીસ અધિકારીઓને સુચનાઓ
અમરેલી,(ક્રાઇમ રિર્પોટર)તમામ અધિકારીઓને આધ્ાુનિક ટેકનોલોજીની મદદથી સુચનાઓ સાથે અમરેલી જિલ્લાના તમામ પોલીસ સ્ટેશનના અધિકારીઓ સાથે રેન્જ આઇજીએ વિડીયો કોન્ફરન્સ યોજી હતી પોલીસ અધિકારીઓને વિડીયો કોન્ફરન્સ દ્વારા હાલાત જાણી અને સુચનાઓ આપી હતી અને સાથે સાથે અમરેલી અને સાવરકુંડલામાં પોલીસ દ્વારા ફલેગમાર્ચ યોજાઇ હતી.


અમરેલીમાં સાંસદશ્રી નારણભાઇ કાછડીયા દ્વારા કીટ વિતરણ

કુંડલા શહેરના ગરીબ અને પછાત વિસ્તારમાં આજે કીટ વિતરણ કરાઇ : અવધ ટાઇમ્સના તંત્રી શ્રી ભરતભાઇ ચૌહાણની ઉપસ્થિતિમાં કીટ રવાના કરાઇ
અમરેલી,
કોરોના સામે લડવા માટે અગાઉ પોતાની સાંસદશ્રી ગ્રાન્ટમાંથી 51 લાખનો ચેક,પછી પોતાના પગારમાંથી એક લાખ અને હવે સંકટના સમયે લોકોને મદદરૂપ થવા માટે સાંસદશ્રી કાછડીયા દ્વારા ગરીબો માટે કીટ રવાના કરાઇ હતી.
અમરેલી જીલ્લાના સાંસદશ્રી નારણભાઇ કાછડીયા દ્વારા કીટ તૈયાર કરવા કાર્યકરોએ કેરીયા રોડ બાળા હનુમાન મંદિરે કીટ બનાવી હતી અને ગામડાઓમાં ઘંટીઓ માં જઇ અને લોટ દળાવી તૈયાર કર્યો હતો.
આ કીટ સાવરકુંડલા શહેરના ગરીબ અને પછાત વિસ્તારના લોકો માટે હાલ લોકડાઉનની પરિસ્થિતિમાં તેમના ઘરનો ચુલો ચાલુ રહે તે માટે મદદરૂપ બનવા લોટ, તેલ, ચોખા, બટેટા, ડુંગળી સહિતની કીટ તૈયાર કરવામાં આવી હતી જે 2000 કીટ તૈયાર કરીને તા.29 રવિવારના સવારે સાંસદશ્રી કાછડીયા તથા અવધ ટાઇમ્સના તંત્રી શ્રી ભરતભાઇ ચૌહાણ અને જિલ્લા ભાજપના યુવા આગેવાન શ્રી કૌશિક વેકરીયા ની ઉપસ્થિતિમાં અમરેલીથી રવાના થઇ સાવરકુંડલા શહેરમાં ગરીબ વિસ્તારોમાં આ કીટ વિતરણ કરવામાં આવી હતી.


અમરેલી પોલીસની કામગીરી બેસ્ટ : રેન્જ આઇજી શ્રી અશોક યાદવ

સમાજના દરેક લોકો સાથે સંકલન : અમરેલી પોલીસ દ્વારા અસરકારક કામગીરી જો લોકડાઉનનો ભંગ કર્યો તો કારકિર્દી મુકાશે જોખમમાં : સરકારી નોકરી અને પાસપોર્ટથી હાથ ધોઈ નાખવા પડશે, અમરેલી,ભાવનગર,બોટાદમાં લોકડાઉનનો ભંગ કરતા 1027 શખ્સો સામે 894 ફરિયાદો,2600 વાહનો ડિટેઇન : લોકડાઉનના ભંગ બદલ કડક કાર્યવાહી કરશે : લોકોને બચાવવા આકરા પગલા
અમરેલી,
અમરેલીમાં સોમવારે ભાવનગર રેન્જ આઈજી શ્રી અશોકકુમાર યાદવે પ્રેસ કોન્ફરન્સ યોજી હતી અમરેલીના એસપી શ્રી નિર્લિપ્ત રાય તથા આઇપીએસ શ્રી સુશીલ અગ્રવાલ તથા રેન્જ કચેરીના પીઆઇ શ્રી પીવી જાડેજા તથા અમરેલી એલસીબીના શ્રી આરકે કરમટા,શ્રી જાડેજા,શ્રી મહેશ મોરી સહિતના પોલીસ અધિકારીઓની ઉપસ્થિતિમાં યોજાયેલ આ બત્રકાર પરિષદમાં ભાવનગર રેન્જ આઇજી શ્રી અશોકકુમાર યાદવે વર્તમાન સમયમાં સુંદર કામગીરી બદલ અમરેલી પોલીસને અભિનંદન આપતા જણાવેલ કે, કડકાઇ સાથે માનવતાસભર અભિગમ અને સમાજના દરેક લોકો સાથે સંકલન રાખીને અમરેલી પોલીસ દ્વારા અસરકારક કામગીરી કરાઇ છે.ભાવનગર રેન્જ આઇજી શ્રી અશોકકુમાર યાદવે વિગતો આપતા જણાવેલ કે, અમરેલી ભાવનગર બોટાદ માં લોકડાઉનનો ભંગ કરતા 1027 શખ્સો સામે 894 ફરિયાદો નોંધી અઢી હજાર વાહનો ડિટેઇન કરાયા છે. અને જો લોકડાઉનનો ભંગ કર્યો તો કારકિર્દી જોખમમાં મુકાશે લોકડાઉનનો ભંગ કરનારે તમામ સરકારી નોકરી અને પાસપોર્ટ થી હાથ ધોઈ નાખવા પડશે લોકોને સંક્રમીત થતા અટકાવવા માટે ગમે તે સંજોગોમાં પોલીસ લોક ડાઉનના ભંગ બદલ કડક કાર્યવાહી કરશે તેમ જણાવ્યું હતુ.


અમરેલી-કુંડલામાં પોલીસની ફલેગ માર્ચ : કીટ વિતરણ કરાઇ

એસપીશ્રી નિર્લિપ્ત રાય સાથે અમરેલીમાં ફલેગમાર્ચ,ડ્રોનની કામગીરી નિહાળી જરુરીયાતમંદ લોકોને મદદરૂપ બનતી પોલીસ :જેસીંગપરામાં કીટ અપાઇ , અમરેલી જિલ્લામાં પોલીસ તંત્ર દ્વારા ગોઠવાયેલી વ્યવસ્થાઓનું નિરીક્ષણ કરી લોકડાઉનને સંપુર્ણ બનાવવા જરુરી સુચનાઓ આપતા રેન્જ આઇજી શ્રી અશોકકુમાર યાદવ
અમરેલી,
ભાવનગરના રેન્જ આઇજી શ્રી અશોકકુમાર યાદવે અમરેલીમાં કેમ્પ કર્યો છે આજે તેમની ઉપસ્થિતિમાં અમરેલી અને સાવરકુંડલામાં પોલીસની ફલેગ માર્ચ યોજાઇ હતી અને અમરેલીમાં ફલેગમાર્ચની સાથે ડ્રોનની કામગીરી નિહાળી હતી : તથા અમરેલીના એસપીશ્રી નિર્લિપ્ત રાય સાથે જરુરીયાતમંદ લોકોને મદદરૂપ બનવા માટે રેન્જ આઇજી શ્રી અશોકકુમાર યાદવના હસ્તે તથા એસપીશ્રી નિર્લિપ્ત રાયના વરદ હસ્તે અમરેલી શહેરના જેસીંગપરા વિસ્તારમાં ગરીબ લોકોને રાશનની કીટ અપાઇ હતી.
આ સમયે આઇપીએસ શ્રી સુશીલ અગ્રવાલ તથા રેન્જ કચેરીના રીડર પીઆઇ શ્રી પી.વી જાડેજા તથા અમરેલી સીટી પીઆઇ શ્રી વી.આર. ખેર તથા અમરેલી એલસીબીના શ્રી આર.કે કરમટા,એસઓજીના શ્રી જાડેજા,શ્રી મહેશ મોરી સહિતના પોલીસ અધિકારીઓ જોડાયા હતા.


અમરેલીમાં ભાવનગર રેન્જ આઈજી શ્રી અશોકકુમાર યાદવ ની પ્રેસ કોન્ફરન્સ યોજાઈ

અમરેલી ભાવનગર બોટાદમાં લોકડાઉન નો ભંગ કરતા 1027 શખ્સો સામે 894 ફરિયાદો દાખલ અઢી હજાર વાહનો પણ ડિટેઇન
 લોક ડાઉન નો ભંગ કર્યો તો કારકિર્દી મુકાશે જોખમમાં સરકારી નોકરી અને પાસપોર્ટ થી હાથ ધોઈ નાખવા પડશે
પોલીસ લોક ડાઉન ના ભંગ બદલ કડક કાર્યવાહી કરશે

29-03-2020


કોરોના સંકટ: 1.70 લાખ કરોડનું જંગી રાહત પેકેજ

ન્યુ દિલ્હી,
નાણાંમંત્રી નિર્મલા સીતારમણે કોરોનાવાયરસ સામેની લડાઇમાં રાહત માટે ૧.૭૦ લાખ કરોડના રાહત પેકેજની જાહેરાત કરી છે. તેમણે કોરોના સામે લડાઇમાં મદૃદૃ કરી રહેલા સ્વાસ્થ્ય કર્મચારીઓનો આભાર વ્યક્ત કર્યો હતો. તેમના માટે ૫૦ લાખ રૂપિયાના મેડિકલ વીમાની જાહેરાત કરી છે. તેમાં આશા વર્કર, પેરામેડિકલ સ્ટાફ, ટેક્નિકલ સ્ટાફ, ડોક્ટર સહિતના કર્મચારીઓનો સમાવેશ થાય છે. તેનાથી ૨૦ લાખ જેટલા કર્મચારીઓને લાભ મળશે.
૧. ગરીબોને મફત અનાજ
અત્યાર સુધી દરેક ગરીબને દૃર મહિને ૫ કિલો ઘઉં અથવા ચોખા મળતા હતા. આગામી ત્રણ મહિના સુધી દરેક ગરીબને હવે ૫ કિલો વધારાના ઘઉં અને ચોખા મળશે. મતલબ કુલ ૧૦ કિલો ઘઉં અને ચોખા મળશે. તે સાથે ૧ કિલો દૃાળ પણ મળશે.
પ્રધાનમંત્રી ગરીબ કલ્યાણ અન્ન યોજના અંતર્ગત આ રાહતનો ફાયદૃો ૮૦ કરોડ ગરીબ લોકોને મળશે. મતલબ કે દેશની બે તૃતિયાંશ વસતિ.
૨. હેલ્થ વર્કર્સને મેડિકલ ઇન્સ્યોરન્સ કવર
કોરોના વાયરસ સામે લડવામાં દેશના હેલ્થ વર્કર્સની ભૂમિકાનું મહત્વ સમજતા સરકારે તેમને આગામી ત્રણ મહિના માટે ૫૦ લાખ રૂપિયાનું મેડિકલ ઇન્સ્યોરન્સ કવર આપવાની જાહેરાત કરી છે. દૃેશભરમાં ૨૨ લાખ હેલ્થ વર્કર્સ છે. ૧૨ લાખ ડોક્ટર્સ છે.
૩. ખેડૂતો, મહિલાઓના ખાતામાં સીધા પૈસા
ડાયરેક્ટ કેશ ટ્રાન્સફર અંતર્ગત ૮.૬૯ કરોડ રૂપિયાની મદૃદૃ કરવામાં આવશે. ખેડૂતોને તેનો પહેલો હપ્તો એપ્રિલના પહેલા અઠવાડિયામાં મળી જશે. તેનો ફાયદૃો ૮.૬૯ કરોડ ખેડૂતોને મળશે.
મહિલાઓ- મહિલા જનધન ખાતાધારકોને આગામી ત્રણ મહિના સુધી ૫૦૦ રૂપિયા પ્રતિ મહિનો આપવામાં આવશે. તેનો ફાયદૃો ૨૦ કરોડ મહિલાઓને થશે. વૃદ્ધ, દિૃવ્યાંગ અને વિધવા- આગામી ત્રણ મહિના માટે બે હપ્તામાં ૧૦૦૦ રૂપિયાની મદૃદૃ કરવામાં આવશે. ત્રણ કરોડ લોકોને તેનો ફાયદૃો થશે. મનરેગા- મજૂરીને ૧૮૨ રૂપિયાથી વધારીને ૨૦૨ રૂપિયા કરવામાં આવી છે. ૪. ઇપીએફમાં સરકાર યોગદૃાન કરશે, ૭૫ ટકા ફન્ડ ઉપાડી શકાશે. સરકાર ત્રણ મહિના સુધી પ્રોવિડન્ટ ફન્ડમાં કર્મચારીઓ અને કંપની બન્નેનું યોગદૃાન સ્વયં કરશે. મતલબ ઇપીએફમાં ૨૪ ટકા યોગદૃાન સરકાર આપશે. પીએફ ફન્ડ રેગ્યુલેશનમાં સંશોધન કરવામાં આવશે. જમા રકમના ૭૫ ટકા અથવા ત્રણ મહિનાના પગારમાંથી જે કંઇ પણ ઓછું હશે તે ઉપાડી શકાશે. ૧૦૦થી ઓછા કર્મચારીઓ વાળા સંસ્થાન અને ૧૫ હજારથી ઓછો પગાર મેળવતા કર્મચારીઓને આને લાભ મળશે. દૃેશભરમાં ૮૦ લાખથી વધુ કર્મચારીઓ અને ૪ લાખથી વધુ સંસ્થાનોને. ૫.મહિલાઓને મફત સિલિન્ડર જે ગરીબ મહિલાઓને ઉજ્જવલા યોજના અંતર્ગત મફત ગેસ કનેક્શન મળ્યા છે, તેમને આગામી ત્રણ મહિના સુધી મફતમાં ગેસ સિલિન્ડર મળશે. ગરીબી રેખા નીચે આવતા ૮.૩૯ કરોડ પરિવારોને જેમના ઘરની મહિલાઓને ઉજ્જવલા યોજના અંતર્ગત ગેસ કનેક્શન મળ્યું છે. નિર્માણ ક્ષેત્ર સાથે સંકડાયેલા ૩.૫ કરોડ રજીસ્ટર્ડ વર્કર જેઓ લોકડાઉનના કારણે આર્થિક પરેશાનીઓને સામનો કરી રહૃાા છે તેમને મદૃદૃ કરવામાં આવશે. તેમના માટે ૩૧ હજાર કરોડ રૂપિયાનું ફન્ડ રાખવામાં આવ્યું છે. મહિલા સહાયતા સમુહ (સેલ્ફ હેલ્પ ગ્રુપ્સ)ને પહેલા ૧૦ લાખ રૂપિયાની લોન મળતી હતી. હવે ૨૦ લાખ રૂપિયાની લોન મળશે. તેનાથી ૭ કરોડ પરિવારને ફાયદૃો થશે.


ધન્ય છે અમરેલી : 24 કલાકમાં 10 લાખનો લોકફાળો એકત્ર

અમરેલી,
21 દિવસના લોકડાઉન દરમિયાન રોજનું રોજ રળી ખાતા મજુર અને ગરીબ વર્ગના લોકોની હાલત ખુબ જ કફોડી બનશે. અમરેલી શહેરની 1 લાખની વસ્તીમાં ઓછામાં ઓછા આવા 10 હજાર લોકો હશે. 4 વ્યક્તિને 10-12 દિવસ ચાલે તેટલી 1 કીટ બનાવી 1000 કુટુંબોને કીટ વહેંચવાનો વિકલ્પ વિચાર્યો છે. 1 કીટનો અંદાજીત ખર્ચ રૂા. પ00/- નો આવે છે. 1 કીટના રૂા. પ00 થી લઈ, પોતાની અનુકુળતા મુજબ અનુદાન આપી શકો છો. તેમ જણાવી આર્થિક મદદ માટે ડો. ભરભાઇ કાનાબારે હાંકલ કરી છે.અને જણાવ્યુ છે કે સમય અને સંજોગો પ્રમાણે કાચી ભોજન સામગ્રી – લોટ4 શાકભાજી4 તેલ4 ની કીટ બનાવી વહેંચવાની વ્યવસ્થાનો વિકલ્પ વિચાર્યો છે. વધારે અનુદાન મળે વધારે લોકો માટે આ વ્યવસ્થા ઉભી કરીશુંઁ આપત્તિના આ સમયમાં આ વ્યસ્થા માટે આપણા ઉદાર આર્થિક સહયોગની અપેક્ષા છે.તેમ ડો. ભરતભાઇ કાનાબારે જણાવ્યુ છે. મદદ કરવા ઇચ્છુકોએ 94269 14677 અથવા 93282 56445 નો સંપર્ક કરવા અને આ મેસેજ મિત્રો સબંધીઓ પરિચિતોમાં મોકલી આંગળી ચિંધ્યાનું પુણ્ય મેળવવા પણ જણાવ્યુ છે.આ અપીલને માન આપી દાતાઓએ ઉદાર હાથે આર્થિક સહયોગ આપ્યો છે.
જેમાં ગઇ કાલે 2 લાખ 28 હજાર એકત્ર થયા બાદ માત્ર એક કલાકમાં જ વધ્ાુ 1 લાખ 57 હજાર 911નું અનુદાન મળ્યુ હતુ. અને ત્યાર પછી અવિરત લોકો આ અન્નયજ્ઞમાં જોડાતા ગયા અને ગુરૂવારે સાંજ સુધીમાં 24 કલાકમાં જ રૂા,10 લાખ પુરાની રકમનો લોકફાળો એકત્ર થઇ ગયો હતો.
ડો. ભરતભાઇ કાનાબાર,શ્રી સોજીત્રા, શ્રી ભુવા, અને કેતનભાઇ બાદ અવધ ટાઇમ્સે પણ સામાજીક રીતે પણ પોતાનું યોગદાન નોંધાવ્યુ હતુ અવધ ટાઇમ્સના માલીક અને તંત્રી શ્રી ભરતભાઇ ચૌહાણે પણ 25 હજાર આ યજ્ઞ માટે નોંધાવ્યા હતા.
ત્યાર બાદ અવિરત પ્રવાહ વહ્યો હતો જેમાં 51 હજાર અરવિંદભાઇ કુણાલ કંટ્રકશન, ધીરૂભાઇ ઉકાણી હાલ સુરત 75 હજાર વિમલભાઇ કથીરીય તથા 51 હજાર જીવણલાલ ભાણજી પરીખ જવેલર્સ હસ્તક શૈલેષભાઇ, 31 હજાર હસુભાઇ સતાણી તથા 25 હજાર ડો. દિલીપભાઇ ઉનડકટ, કાળુભાઇ તન્ના શુભ મીલન, જીતુભાઇ ગોળવાળા 21 હજાર રમેશભાઇ ગોજારીયા, એ વન વોટર ટેંક, ડી.એમ.ત્રિવેદી, હીમાંશુભાઇ ભાયાણી 11 હજાર તાપસભાઇ તળાવીયા, 1 લાખ 11 હજાર 111 લાલજીદાદાનો વડલો ગોવિંદભાઇ ધોળકીયા તથા 11 હજાર ડો. પીયુશભાઇ ગોસાઇ, કે.પી. ભડકોલીયા, જીતભાઇ દેસાઇ, કેરીપેકર નેટવર્ક ડો. વિપુલભાઇ અને વંદનાબેન મહેતા, પ્રકાશભાઇ પરીખ, 10 હજાર અજયભાઇ અગ્રાવત, 5100 ડો. ભાવેશભાઇ મહેતા, ડો. હિતેષભાઇ શાહ, અલ્પેશભાઇ વાજા, કાળુભાઇ તારપરા, પ્રફુલભાઇ ઉના, ધર્મેશભાઇ ગાંધી, હરેશભાઇ વેગડ લુણીધાર, બકુલભાઇ પંડયા, ડો. સ્નેહલ પંડયા,21 હજાર વનરાજભાઇ પટેલ આર્કીટેક 5100 રાહુલભાઇ ભુવા, ડો. કચ્છી સાહેબ ચેતનભાઇ ચૌહાણ અને 5000 રાજુભાઇ મીલન, તેજસભાઇ દેસાઇ તથા 2500, ડો. અમીશ્રી યાજ્ઞીક, ડો. ગોસ્વામી,2100 ચેતનભાઇ રાવળ, વિપુલભાઇ વોરા, નીલેશભાઇ જોષી, હરેશભાઇ ભાયાણી, મોટાભાઇ સંવટ, મુકેશભાઇ ખોખરીયા, વિક્રમભાઇ આહિર, અશ્ર્વિનભાઇ કામદાર, રોહીતભાઇ જીવાણી, હિતેશભાઇ કારીયા, રાજુભાઇ ભુતૈયા, અમીતભાઇ શીંગાળા, અમીતભાઇ કાકડીયા તથા 1100 મનીષભાઇ સીધ્ધપુરા, કિશોરભાઇ જાની, લીલાવતીબેન ભટ્ટી, મોહનભાઇ વરીયા, વિપુલભાઇ કાનાબાર, કપીલભાઇ જાની, મુકેશભાઇ ભટ્ટ, ચેતનભાઇ લીલીયા, તરૂણભાઇ પંડયા, રાજુભાઇ રાયપુર, સીકંદરખાન પઠાણ, ટોમભાઇ અગ્રાવત, ડી.જી. મહેતા, સંજયભાઇ પંડયા, રાજુભાઇ સોઢા, પ્રદિપભાઇ મહેતા, હિરેનભાઇ વીરળીયા, જાવેદખાન પઠાણ અને શૈલેષભાઇ નાંઢાનો સમાવેશ થાય છે. જયારે જેશીંપગરાનાં કર્મયોગી એવા યુવાનો સર્વશ્રી ભુપત સાવિલયા,પરેશ પોકળ,સંદીપ માગરોળિયા, સંજય પોકળ,જતીન સુખડીયા,ભરત કાબરીયા, વિમલભાઈ પંડયા,સીવલાલ હપાણી, રાજુ જાલાવાડિયા,મયુર કોઠારી,મહેશ સોહલીયા, સની માલાવીયા, ભાવિન આકોળિયા ડી. વિપુલ પટોળીયા,મહેશ નાકરાણી,રાજુ સુખડીયા,નિકુંજ માગરોળિયા,કૌશિક હપાણી, મનસુખભાઇ સુખડીયા,લાલો રાદિડયા, જીગ્નેશ કાથીરિયા, તૃપેશ લાખાણી, હાદિક દુઘાત,કલ્પેશ પોકળ, મધુભાઈ પદમાંણી, દકા ભાઈ સાવિલયા,ગિરીશ ત્રાપિસયા,કપેશ ધાનાણી,વિજય જોગાણી,ચેતન સાવિલયા, ભુપત ધાનાણી, સંજય સાવિલયાએ પણ આખી રાત શ્રમયજ્ઞ કરી પોતાનું યગોગદાન આપ્યું હતું.


અમરેલીમાં અતિ આવશ્યક ચીજવસ્તુઓ જરૂરી સારવાર માટે હેલ્પલાઈન સેવા શરૂ

અમરેલી,
અમરેલીમાં આવશ્યક ચીજવસ્તુ તેમજ અતિ જરૂરી સારવાર માટે વહીવટી તંત્ર દ્વારા હેલ્પલાઇન સેવા શરૂ કરવામાં આવી છે.
જેનો જરૂરીયાત મંદોએ લાભ લેવા કલેકટરશ્રી આયુષ ઓક દ્વારા જણાવાયુ છે.
અમરેલી જિલ્લામાં આવશ્યક ચીજવસ્તુઓનો બિનજરૂરી સંગ્રહ ટાળવા તેમજ અતિ આવશ્યક ચીજવસ્તુઓની જરૂરિયાત માટે કોઈ મુશ્કેલી સર્જાય અથવા જે લોકોને અતિ જરૂરી સારવાર માટે બહાર જવામાં મુશ્કેલી જણાય તો હેલ્પ લાઇનના ટોલ ફ્રી નંબર 02792-1077 અથવા ટેલિફોન નંબર 02792-230735 ઉપર સંપર્ક કરવા જિલ્લા કલેકટરશ્રી આયુષ ઓક દ્વારા અનુરોધ કરવામાં આવ્યો છે.તેમ યાદીમાં જણાવાયુ છે.


error: Content is protected !!