Main Menu

Monday, May 4th, 2020

 

યુવાને અજાણતા આખા ધારીને ધંધે લગાડયું : આખા જિલ્લાનો જીવ અધ્ધર

અમરેલી,કેન્દ્ર સરકાર દ્વારા કોરોનાની તકેદારી માટે બહાર પડાયેલી આરોગ્ય સેતુ એપ અમરેલી જિલ્લામાં 1 લાખ જેટલી સંખ્યામાં લોકોએ ડાઉનલોડ કરી હોય આજે ધારીમાં આ એપ ધરાવતા મોટા ભાગના લોકોના મોબાઇલ ઉપર નજીકમાં કોરોનાનો દર્દી હોવાના સંકેત આપતુ સીગ્નલ સંભળાતા કોરોના મુક્ત અમરેલી જિલ્લામાં આવેલા ધારીના લોકો ભડકી ગયા હતા અને કલેકટર તથા આરોગ્ય તંત્રને જાણ કરાતા સૌ ધંધ્ો લાગ્યા હતા સૌ પ્રથમ તો એ નક્કી કરવામાં મુશ્કેલી ઉભી થઇ હતી કે પોઝીટીવ દર્દી કોણ છે આના માટે ભારત સરકારના સર્વરની મદદથી આ પોઝીટીવનો મોબાઇલ નંબર શોધી આરોગ્ય તંત્ર ધારીના ગામડામાં પહોંચ્યુ હતુ અને આ 20 વર્ષના યુવાનને તપાસતા તે સ્વસ્થ હતો પણ આરોગ્ય સેતુ એપમાં ઉપર લાલ કલરના ત્રિકોણમાં ભુલથી તેણે પોઝીટીવ ઉપર ટીક કરતા તેની ગણતરી પોઝીટીવ દર્દીમાં થઇ ગઇ હતી. આ વિગતો જાણી આરોગ્ય તંત્ર અને ધારી તથા આખા જિલ્લાએ રાહતનો દમ લીધો હતો.


અમરેલીમાં કોરોનાનો એક પણ કેસ આવ્યો તો ગ્રીન ઝોન નહી રહે

અમરેલી,અત્યાર સુધી આવેલા લોકડાઉનથી જનજીવન થાકી ગયું હતું અને હવે ગ્રીન ઝોનને કારણે અમરેલી જિલ્લાને છુટ મળી રહી છે ત્યારે લોકોએ અત્યાર સુધી રાખી તેવી જ તકેદારી રાખવી પડશે કારણ કે, જો અમરેલીમાં કોરોનાનો એક પણ કેસ આવ્યો તો ગ્રીન ઝોન નહી રહે.સોમવારથી જિલ્લા પ્રસાશનના નિર્દેશ અનુસાર અમુકને બાદ કરતા તમામ ધંધાર્થીઓને શરતો સાથે છુટ મળવાની છે જોકે તેમાં અપાયેલી શરતોનું પાલન નહી થાય તો કડક પગલા પણ ભરાશે તેવો તંત્ર દ્વારા નિર્દેશ અપાયો છે અને સુરત-અમદાવાદ કે બહારના જિલ્લામાંથી લોકોને અમરેલી જિલ્લામાં પ્રવેશ આપવો કે નહી તેનો મામલો હજુ અધ્ધરતાલ છે ત્યારે આજે રવીવારે રાજય સરકારની ગાઇડ લાઇન મુજબ આજે કલેકટરશ્રી નવુ જાહેરનામુ બહાર પાડશે અને તે જાહેરનામુ વેપારી મંડળોને પહોંચાડાય ત્યારે તે મુજબ જ તમામે ધંધા રોજગાર શરૂ કરવા તેમકલેકટરશ્રી અમરેલીએ જણાવેલ છે.


કુંડલામાં નિર્લિપ્ત રાય ત્રાટકયા : વોન્ટેડ ઉપર અંધાધૂન ફાયરીંગ

અમરેલી,અમરેલી જિલ્લામાં નોંધાયેેલા આંતકવાદ વિરોધી ધારા ગુજસીટોકના ગુનામાં ફરાર ત્રણ આરોપીઓ પૈકીનો અશોક જયતાભાઇ બોરીચા પોતાના ગામ લુવારામાં ઝળકતા અમરેલીથી એસપીશ્રી નિર્લિપ્ત રાય ખુદ લુવારા ત્રાટકયા હતા અને પીસ્તોલ તથા ફુટેલા કાર્ટીસ સાથે બે શખ્સોને દબોચી લેવામાં આવ્યા હતા જો કે એવી પણ ચર્ચા ચાલી હતી કે પોલીસે નાશી રહેલા આરોપી અશોક જયતા ઉપર ફાયરીંગ કર્યુ હતુ પણ પોલીસ તંત્રએ આ વાતને સમર્થન આપેલ નહી
આ અંગેની પ્રાથમિક વિગત એવા પ્રકારની છે કે સાવરકુંડલાના લુવારા ગામના અશોક બોરીચા નામનો શખ્સ તથા નાની ધારીનો વનરાજ અને દોલતીનો શૈલેષ ગુજસીટોક ધારા હેઠળના ગુનામાં ફરાર છે ત્યારે ગઇ કાલે રાત્રીના લુવારા ગામે આવેલા અશોકે નશામાં દારૂની બોટલ ઉપર ફાયરીંગ કરતા અશોકના વાવડ અમરેલી પહોંચી ગયા હતા અને અમરેલીથી એસપીશ્રી નિર્લિપ્ત રાય, લોકલ ક્રાઇમ બ્રાન્ચના શ્રી કરમટા તથા એસઓજીના શ્રી મહેશ મોરી સહિતનો કાફલો લુવારા ત્રાટકયો હતો અને અશોક ત્યાંથી નાશી છુટયો હતો જ્યારે પોલીસે બે શખ્સોને દબોચી લીધા હતા અને તેની પાસેથી પીસ્તોલ તથા ફુટેલો કાર્ટીસ સહિતની વસ્તુઓ કબ્જે કરી હતી દરમિયાન ચર્ચાતી વિગત અનુસાર અશોકને પકડવા માટે પોલીસે ધાણીફુટ ગોળીબાર કર્યો હોવાનું પણ મનાય છે જો કે પોલીસ તંત્રએ ગોળીબારની વિગતોને નકારી અને ગઇ કાલ રાતથી લુવારા તથા આસપાસના તમામ વિસ્તારોમાં જોરદાર કોમ્બીંગ કરાઇ રહયુ હોવાનું જણાવ્યુ હતુ અને બે શખ્સોને હથિયાર સાથે દબોચી લેવામાં આવ્યા હોવાનુ જણાવ્યુ હતુ.પકડાયેલામાં મહેશ ઉર્ફે લાલો રફૈયા જાતે રાવળ રહે. બરવાળા ધંધ્ાુકા તથા મહેશ રાખૈયા રહે. નિંગાળા તાલુકો ગઢડાનો સમાવેશ થાય છે આ બંને પણ દારૂના ધંધા સાથે સંકળાયેલા હોવાનું પ્રાથમિક અહેવાલમાં બહાર આવી રહયુ છે.


error: Content is protected !!