Main Menu

Wednesday, May 6th, 2020

 

અમરેલી શહેરમાં ડબલ સવારીમાં આંટા મારતા 10ની સામે ગુના દાખલ કરાયા

અમરેલી,અમરેલી શહેરમાં ટુ-વ્હિલ મોટર સાયકલમાં કોઇ કારણ વગરના ડબલ સવારીમાં આંટા મારતા 10 શખ્સો અને પોતાની દુકાને 2 નંબરનું સ્ટીકર મારેલ હોય અને પોતે બેકી તારીખે દુકાન ખોલવાની હોવા છતા પોતે એકી તારીખે દુકાન ખોલતા બે શખ્સો તથા કમાન્ડ કંટ્રોલ સેન્ટરની મદદથી સોશ્યલ ડીસ્ટન્સ ન જાળવતા 2 શખ્સો સામે સીટી પોલીસ દ્વારા 9 ગુનાઓ દાખલ કરાયા છે.
આ અંગેની વિગત એવાપ્રકારની છે કે એસપીશ્રી નિર્લિપ્ત રાય તથા ડીવાયએસપીશ્રી મહાવીરસિંહ રાણાના આદેશથી સીટીપીઆઇ શ્રી વિરેન્દ્રસિંહ ખેરની રાહબરી હેઠળ સીટી પોલીસને હેડ કોન્સટેબલ બી.એમ.વાળા અને લોક રક્ષક હિરેનસિંહ ખેર સહિતના સ્ટાફ દ્વારા અમરેલી શહેરમાં ટુ-વ્હિલ મો.સા. માં ડબલ સવારીમાં બીન જરૂરી આંટા મારતા 10 શખ્સો તથા વારો ન હોવા છતા દુકાન ખોલનાર અને પોતાની દુકાને ગ્રાહકોનું સોશ્યલ ડીસ્ટન્સીંગ ન જાળવતા 2 વેપારીઓ (1) ઘનશ્યામભાઇ ખીમજીભાઇ મકવાણા તથા (2) ગોપાલભાઇ અરવિંદભાઇ રંગપરા રહે.બન્ને વરૂડી તા.જી.અમરેલી (3) વિજયભાઇ રમેશભાઇ વનપરીયા (4) મીતભાઇ રાજેશભાઇ મહેતા (5) જયદીપભાઇ ધીરૂભાઇ ભંડેરી (6) જીગ્નેશભાઇ ગોરધનભાઇ મકવાણા (7) જયેશભાઇ ચંદુભાઇ મોરજરીયા (8) વસીમભાઇ બાબુભાઇ પરમાર (9) કુલદિપભાઇ રાજેશભાઇ ચનીયાર (10) સંજયભાઇ ચંદુભાઇ ચનીયાર (11) ચતુરભાઇ નાગજીભાઇ અકબરી (12) કશ્યપભાઇ જયેશભાઇ સુતરીયા (13) બ્રીજેશભાઇ મુકેશભાઇ ધાનાણી સામે ગુના દાખલ કરવામાં આવ્યા છે.


અમરેલીમાં ખાળે ડુચા અને દરવાજા મોકળા : ડો.કાનાબાર

અમરેલી,ટવીટર ઉપર જેમના ફોલોઅર્સ નરેન્દ્રભાઇ મોદી જેવા મહાનુભાવો છે તેવા અમરેલી જિલ્લાના પ્રબુધ આગેવાન ડો.ભરતભાઇ કાનાબારે કરેલા ટવીટે ખળભળાટ મચાવ્યો છે તેમણે એક ટવીટ એવુ કર્યુ છે કે જુનાગઢ ગ્રીન ઝોનમાંથી આઉટ અને તમામ બેટસમેનો આઉટ થયા પછી છેલ્લો બેટસમેન નોટઆઉટ રહયાનું ગૌરવ લઇ શકે પણ નવા રન ન બનાવી શકે તેવી સ્થિતિ અમરેલીના કલેકટર અને એસપીની છે જે રીતે લોકોનો પ્રવાહ આવી રહયો છે તે જોતા અમરેલીને ગ્રીન ઝોનમાંથી બાકાત થવામાં કદાચ કલાકોની જ વાર છે.
આ ઉપરાંત ડો. કાનાબારે એવુ પણ ટવીટ કર્યુ છે કે જિલ્લાના લોકો લોકડાઉનમાં છે પણ અમરેલી જિલ્લામાં પ્રવેશ બેરોકટોક અને આને જ કહેવાય ખાળે ડુચા અને દરવાજા મોકળા કોરોના જેવા ઘાતક રોગના જંગમાં નિર્ણયો લાગણી કે માંગણીને આધારે નહી પણ વૈજ્ઞાનીક તથ્યોને આધારે લેવાવા જોઇએ. આવનારાઓના રેપીડ ટેસ્ટ કરો અથવા 14 દિવસ કવોરન્ટાઇન હોમમાં રાખો અને અમરેલી બચાવો. ડો. કાનાબારે વધ્ાુમાં જણાવ્યુ છે કે કોરોના અંગેના ચોકાવનારા તથ્યોમાં ઇન્ડિયન મેડીકલ કાઉન્સીલ ઓફ રીસર્ચના અહેવાલ પ્રમાણે કોરોનાના 60 થી 70 ટકા દર્દીઓમાં કોઇ લક્ષણો દેખાતા નથી કોરોનાનો ટેસ્ટ કર્યા વગર આવા દર્દીઓમાં નિદાન અશક્ય છે સામાન્ય પ્રકારની મેડીકલ તપાસણીથી કોઇ માહિતી મળે નહી તેમાં સમય અને મેઇન પાવરનો બગાડ સિવાય કશુ નથી. દેશી ભાષામાં આને ડીંડક કહેવાય કોરોનાનો એક વણ ઓળખાયેલ દર્દી સરેરાશ 2.5 દર્દીમાં ઇન્ફેકશન ફેલાવે છે આ આંકડા વિદેશના છે ભારત જેવા ગીચ વસ્તી વાળા દેશમાં આ પ્રમાણ અતિશય મોટુ રહેશે.
સૌથી સારો સહેલો રસ્તો અમરેલીમાં પ્રવેશતા તમામ લોકોનું કોરોના ટેસ્ટ કરવાનો છે રેપીડ ટેસ્ટમાં રીજલ્ટ 3 થી 4 કલાકમાં જ મળી જાય છે. વિકલ્પે બધાને 14 દિવસ કવોરન્ટાઇન કરવા જોઇએ તે પણ તેના ઘરમાં નહી પણ સંસ્થાગત કવોરન્ટાઇન એટલે કે કવોરન્ટાઇન હોમમાં.


લોકડાઉન ભંગની વોટસએપ નંબર 96875 66565 માં માહિતી મોકલવા શ્રી નિર્લિપ્ત રાયનું આહવાન

અમરેલી,અમરેલી જીલ્લા પોલીસ દ્વારા લોકડાઉનનો ચુસ્ત પણે અમલ કરાવવા 9687566565 વોટસએપ નંબર જાહેર કરવામાં આવેલ છે.આ વોટસએપ નંબર ઉપર અમરેલી જિલ્લાના કોઈ પણ સ્થળે જાહેર સ્થળો પર સોશ્યિલ ડિસ્ટનસિંગના નિયમનો ભંગ થતો હોય, થાય તો તેવા ફોટોગ્રાફસ મોકલી આપવા પાંચ કે તેથી વધ્ાુ વ્યકિતઓ જાહેરમાં ભેગાં થાય,તો તેવા ફોટોગ્રાફસ મોકલી આપવા. હોમ કોરોન્ટાઈન કરવામાં આવેલ વ્યકિત જો બહાર ફરતાં દેખાય તો તેવા ફોટોગ્રાફસ મોકલી આપવા અને મોકલી આપનાર નાગરીકોની ઓળખ ગુપ્ત રાખવામાં આવશે તેમ અમરેલીના એસપીશ્રી નિર્લિપ્ત રાયે અમરેલી જિલ્લાની જનતા જોગ અપીલ કરતા જણાવ્યુ છે.


લોકડાઉન દરમિયાન અમરેલી જિલ્લામાં દુધની નદીઓ વહી

અમરેલી,જેમ સરદાર વલ્લભભાઇ પટેલ નર્મદાના પાણીનું વ્યવસ્થાપન અગાઉ સુજી ગયુ હતુ અને તેના કારણે આજે ગુજરાતમાં ઘેર ઘેર નર્મદાના પાણી પહોંચતા થયા છે તે સરદારની દીર્ધદ્રષ્ટિ હતી તે જ પ્રકારે તેમના સુચનથી શ્રી ત્રિભોવન કાકાએ અમુલની સ્થાપના કરી અને આજે આ અમુલરૂપી વટવૃક્ષ વિદેશમાં પણ પ્રસર્યુ છે ત્યારે અમરેલી જિલ્લામાં પણ શ્રી દિલીપ સંઘાણી અને શ્રી પરષોતમ રૂપાલાએ સ્થાપેલ અમરેલી દુધ સંઘ કોરોનાની કટોકટીમાં જિલ્લાની 10 ટકા વસ્તી માટે આશિર્વાદરૂપ સાબિત થયો છે.અમર ડેરીના ચેરમેન શ્રી અશ્ર્વિન સાવલીયાએ એક મુલાકાતમાં જણાવ્યુ હતુ કે લોકડાઉનના કારણે મીઠાઇની બનાવટો અને જાહેર મેળાવડા તથા ચાની કીટલીઓ, હોટલ રેસ્ટોરન્ટો બંધ રહેવાના કારણે દુધની માંગણી ઓછી થઇ છે આવા સમયે સ્વભાવીક જ જેમ શાકભાજી પાણીને પાડ વેચાય છે તેમ દુધની પણ હાલત થાય તેવા સંજોગો હતા તેમાં અમરેલીની અમર ડેરીએ રંગ રાખ્યો છે અમર ડેરી પાસે દૈનિક 1.40 લાખ લીટર દુધ આવતુ હતુ પણ લોકડાઉનમાં બીજી ડેરીઓ બંધ થતા અને બીજી મોટી ડેરીએ ખરીદી એકાત્રા કરતા અમર ડેરી આવા સમયે મુશ્કેલીમાં મુકાયેલા પશુપાલકોની વહારે આવી હતી અને તેમની એ દુધની પણ ખરીદી શરૂ કરતા હાલમાં અમર ડેરી 1.90 લાખ લીટર દુધ ખરીદી રહી છે બીજી તરફ અમર ડેરીમાં અમુલનો પેકેજીંગ પ્લાન હોય ત્યાંથી દૈનિક 1.05 લાખ લીટર દુધની ખપત હતી તેના બદલે તે ખપત ઘટી 85 હજારે પહોંચી ગઇ હતી આવા સમયે અમુલ સાથેનુ જોડાણ અમર ડેરીને કામ લાગ્યું અને 2 લાખ લીટર જેવા દુધની અવિરત ખરીદી કરી અમર ડેરી પોતાના 37 હજાર પશુપાલક સભાસદો ઉપરાંત બીજાને પણ કામમાં લાગી હતી અને ખરા અર્થમાં આશિર્વાદ રૂપ બની હતી


કોરોના સામે અમરેલી નોટઆઉટ : હવે જીત લોકોના હાથમાં

અમરેલી, દોઢ મહિના દરમિયાન ગુજરાતના રેડ ઝોન એવા સુરત અને અમદાવાદમાંથી 80 હજાર કરતા વધારે લોકો અમરેલી જિલ્લામાં આવી ગયા છતા આજ સુધી અમરેલીના કલેકટર શ્રી આયુષ કુમાર ઓક તથા એસપીશ્રી નિર્લિપ્ત રાય તથા ડીડીઓ શ્રી તેજસ પરમાર સહિતના અધિકારીઓની મહેનતથી આજ સુધી આખા ગુજરાતમાં એક માત્ર અમરેલી જિલ્લો કોરોના સામે અભેદ કિલ્લો સાબીત થયો છે પણ હવે રેડ ઝોનમાંથી એકી સાથે અને ત્યાં પરિસ્થિતી કાબુ બહાર છે તેવા સંજોગોમાંથી ત્યાંથી અમરેલી જિલ્લામાં લાવવાની ચાલી રહેલી તજવીજ વચ્ચે અમરેલી કોરોના સામે અણનમ રહેશે કે કેમ તેનુ પરિણામ હવે લોકોના હાથમાં છે.
આજ સુધી ગ્રીન ઝોનમાં રહેલા અમરેલી જિલ્લામાં બજારો ખલી ગઇ છે અને ખુલતી બજારોમાં થનારા કામકાજ દરમિયાન લોકોએ જુની માનસીકતા અને ટેવને સુધારી સાવચેતીની નવી સંસ્કૃતી સાથે કોરોનાને મહાત કરવા માટે સાવચેતી રાખવી પડશે.સુરતથી આવનારા વતનીઓ અને અમદાવાદથી અને વડોદરાથી આવનાર લોકો સરકારના નિયમુ પાલન કરે તે જોવાની જવાબદારી જિલ્લાના લોકોએ જાતે જ ઉઠાવી જાગૃતી દાખવે તો અમરેલી બચી શકશે. બીજી તરફ આજે અમરેલીના વેપારીઓએ તકેદારી સાથે એકી સંખ્યામાં દુકાનો ખોલી હતી અને ભીડ ન થાય તે પ્રકારે સુંદર વ્યવસ્થા સાથે 46 દિવસે વ્યાપરાના ધંધાના શ્રીગણેશ કર્યા હતા.


સુરતથી આવનાર લાખો લોકો માટે અમરેલી જિલ્લાનું તંત્ર સજજ

અમરેલી,સુરતથી આવનારા લાખાો લોકો માટે અમરેલી જિલ્લાનું તંત્ર સજ્જ બન્યું છે. સુરતથી રત્નલાકારોને એમ્બ્રોઇડરીના કારીગરો તથા મુળ અમરેલીના વતનીઓને પરત આવવાની મંજુરી મળતા આ સંખ્યા કુલ 2 લાખ સુધી પહોંચી જાય તેવી શક્યતા હોય સરકારી તંત્ર દ્વારા આગોતરૂ આયોજન કરી અને તેમને પ્રવેશ આપવાની તૈયારીઓ શરૂ કરી દેવામાં આવી છે.
અમરેલી જિલ્લામાં સંભવત આજે રાત કે કાલે સવારથી લકઝરી બસોમાં અમરેલી જિલ્લાના વતનીઓને પરત લાવવાની શરૂઆત થશે અને તેમના વ્યવસ્થાપન માટે અમરેલી જિલ્લા કલેકટરશ્રી આયુષ કુમાર ઓકએ ગઇ કાલે જ એક આદેશ દ્વારા ગામડાઓમાં કમિટિની રચના કરી છે.
ગામડામાં મોકલાયેલા અને હોમ કવોરન્ટાઇન કરાયેલા લોકો ઉપર આ કમિટિ ધ્યાન રાખશે અને તેની જવાબદારી પણ આ કમિટિની રહેશે જ્યારે સુરત અમદાવાદના કન્ટેઇન્ટમેન્ટ વિસ્તારોમાંથી આવેલા લોકોને સરકારી ક્વોરન્ટાઇન સેન્ટરમાં દાખલ કરાશે હાલમાં અમરેલીના જિલ્લાના સરકારી કવોરન્ટાઇન સેન્ટરની ક્ષમતા 4 હજારની છે તેમાં રાખવામાં આવશે જ્યારે બિમારીના લક્ષણો વાળા દર્દીઓને સીધ્ધા સારવારમાં ખસેડાશે આના માટે ચાવંડ ચેકપોસ્ટ ઉપર એક એમ્બ્યુલન્સની પણ વ્યવસ્થા કરવામાં આવી છે.


06-05-2020


error: Content is protected !!