Main Menu

Wednesday, May 13th, 2020

 

અમરેલી જિલ્લાના તમામ સેન્ટરોમાં શ્રેષ્ઠ કવોરન્ટાઇન હોમ એટલે વિદ્યાસભા હોસ્ટેલ

અમરેલી,કોરોનાના સંકટ સમયે અનેક સંસ્થાઓ સરકાર અને લોકો માટે ઉપયોગી સાબીત થઇ રહી છે આવી જ એક ડૉ. જિવરાજ મહેતાએ સ્થાપેલી સંસ્થા જિલ્લા વિદ્યાસભા કે જેમના પ્રમુખ શ્રી વસંતભાઇ ગજેરા છે તેમણે રંગ રાખ્યો છે.
બહારથી આવનારા લોકોને કવોરન્ટાઇન કરવા સરકાર દ્વારા ઉભા કરાયેલા કવોરન્ટાઇન સેન્ટરમાં તમામ સેન્ટરોમાં શ્રેષ્ઠ કવોરન્ટાઇન હોમ એટલે વિદ્યાસભા હોસ્ટેલ આજે ગણાય છે. અહી શ્રી વસંતભાઇ ગજેરાની સુચનાથી કેમ્પસ ડાયરેકટર શ્રી હસમુખ પટેલની ટીમ ખડેપગે છે. વિદ્યાસભા કેમ્પસમાં 102 રૂમમાં મેનેજમેન્ટે પલંગ, ગાદલા સહીત 800 બેડની વ્યવસ્થા કરી છે અને 700 બેડની ત્રીજી બીલ્ડીંગ પણ સ્ટેન્ડ બાય રખાય છે અહી કલેકટરશ્રી તથા ડીડીઓશ્રીએ મુલાકાત લઇ અને વ્યવસ્થાઓ જોઇએ સંતોષ વ્યકત કર્યો હતો કારણ કે અહી ભોજનમાં પીરસાતી રોટલી પણ ચુલાની બને છે અને ખુલ્લુ કુદરતી વાતાવરણ, પક્ષીઓનો કલરવ અને શ્રેષ્ઠ મેનેજમેન્ટથી આવનારા લોકો લોકડાઉન ભુલી પ્રકૃતિમય થઇ જાય છે.


જેમ આઝાદીની લડાઇ વખતે લોકકવિઓએ શુરાતન ચડાવ્યુ હતુ તેમ અમરેલીના કોરોના વોરીયર્સને બિરદાવી રહેલ પ્રબુધ્ધ લોકો

અમરેલી,
કોરોનાને કારણે વિશ્ર્વ આખુ મુશ્કેલીમાં મુકાયુ છે ત્યારે લોકોની કદરદાન ભાવના પણ બિરદાવવા લાયક છે સ્વાતંત્ર્ય સંગ્રામ વખતે અમરેલીના કવિ હંસ અને રાષ્ટ્રીય શાયર ઝવેરચંદ મેઘાણી સહિતે પોતાની કૃતિઓ દ્વારા જન જાગૃતીનો પ્રયાસ કર્યો હતો. એ જ રીતે અમરેલી જિલ્લામાં કોરોનાનો પ્રતિકાર થઇ રહયો છે. એટલુ જ નહી અમરેલી પોસ્ટલ સુપ્રિટેન્ડ દ્વારા ડોકટરો પોલીસ પોસ્ટલ વર્કરોને બિરદાવતા પત્રો પાઠવી નવો જોમ અને જુસ્સો પુરો પાડયો છે. અમરેલીના પોસ્ટલ સુપ્રિટેન્ડ આર.એ.ગોસ્વામીએ એક પત્ર અમરેલી સિવીલ હોસ્પિટલના ફીજીશ્યન અને કોવીડ 19 આઇસોલેશન વોર્ડના રીયલ હીરો ડો. વિજય વાળાને પત્ર પાઠવી જણાવ્યુ કે,
અમે લેખીતમાં તમોને સ્વીકૃત કરીએ છીએ તમે અમારા આરોગ્ય સંભાળની તકેદારી હદયપુર્વક ધ્યાને રાખી આરોગ્યની સલામતી માટે ઘરના બારણા સુધી આરોગ્યલક્ષી જરૂરીયાત પુરી પાડી છે અને સાચા અર્થમાં જરૂરીયાતના સમયે અમારા સુધી પહોંચી લોકસેવાના માધ્યમરૂપે અમોને માર્ગદર્શીત બની કાયમી હદયમાં સ્થાન મેળવ્યુ છે તે સ્મૃતી કાયમી રહેશે તમારી અંગત પ્રતિક્રિયા અમારામાં રસ લેવાની ઉમદા ભાવના ક્યાારેય વિસરાસે નહી તમે બારો બારથી પણ અનહદ રીતે મદદરૂપ બની સાચા અર્થમાં રાહબર બન્યા છો તે બદલ મારો પરિવાર અને આપ સર્વેને ફોલો કરનાર તમામ લોકો આદર ભાવથી જુએ છે અમે પણ તમારા પરિવારને જરૂર પડયે મદદરૂપ થવાની ભાવના સાથે લાગણી વ્યક્ત કરીએ છીએ.
તેમ પત્રમાં જણાવી સહયોગની ભાવના સાથે દીલગીરી દર્શાવતા સુપ્રિટેન્ડેડ ઓફ પોસ્ટ ઓફીસીસ અમરેલી ડીવીઝનના શ્રી આર.એ.ગોસ્વામીના પત્રથી ડોકટરો, પોલીસ અને પોસ્ટલ વર્કરો ભારે જોમ અને જુસ્સા સાથે કોરોનાની લડાઇ લડી રહયા છે. તે પણ એક બિરદાવવા લાયક ઘટના છે.


અમરેલીથી નર્મદા ગયેલ તબીબને કોરોના પોઝીટીવ આવ્યો : અમરેલીથી લાગ્યો કે નર્મદામાં લાગ્યો ?

અમરેલી,અમરેલી જિલ્લાના વતની અને નર્મદામાં ફરજ બજાવતા ડોકટરને ગઇ કાલે કોરોના પોઝીટીવ આવતા અને તેમની મેડીકલ હિસ્ટ્રીમાં તેમણે 27મી એ અમરેલી શહેરના ખ્યાતનામ ઇએનટી સર્જન પાસે સારવાર લીધી હોવાનું ખુલતા ફફડાટ ફેલાયો છે અને આ અહેવાલના પગલે અમરેલીના ડોકટરને પણ આઇસોલેટ કરી તેમના સેમ્પલ લેવાની પ્રક્રિયા હાથ ધરાઇ છે.
આ અંગેની વિગત એવા પ્રકારની છે કે અમરેલી જિલ્લાના વતની અને નર્મદા જિલ્લામાં ફરજ બજાવતા તબીબે ગઇ 27 એપ્રિલે અમરેલીમાં શહેરના ઇએનટી તબીબ પાસે સારવાર લીધી હતી અને તા.3 મે ના તે નર્મદા જઇ ડયુટી ઉપર ચડી ગયા હતા ત્યાર બાદ ગઇ કાલે તેને કોરોના પોઝીટીવનો રિર્પોટ આવ્યો હતો.
અમરેલીમાં તેમણે સારવાર લીધી તેને 15મો દિવસ થઇ ગયો છે અને કોરોના સામાન્યવત 8 થી 10 દિવસે પોતાના લક્ષણો દેખાડે છે ત્યારે 3 તારીખે આ ડોકટર ગયા હોય તેને આજે 9 દિવસ થતા હોય તો કોરોના તે અમરેલીથી જ લઇ ગયા છે? અમરેલીમાં કોરોનાના દર્દી છે ? કે પછી નર્મદામાં ફરજ દરમિયાન દર્દીઓની સારવારમાં તેમને ચેપ લાગ્યો છે ? આવા અનેક સવાલોએ ફફડાટ ફેલાવ્યો છે અને બીજી તરફ અમરેલી જિલ્લાના આરોગ્ય તંત્રએ સર્તક બની અને આ તબીબને અમરેલીમાં સારવાર આપનાર ઇએનટી ડોકટરને કવોરન્ટાઇન અને આઇસોલેટ કરી તેમનું સેમ્પલ લેવાની પ્રક્રિયા હાથ ધરી છે.બીજી એક શક્યતા આરોગ્ય તંત્રએ એ પણ દર્શાવી હતી કે નર્મદા જિલ્લામાં ફરજ દરમિયાન તેમને ચેપ લાગ્યો હોય અને બે દિવસમાં પણ કોરોના લક્ષણ બતાવી શકે છે જેનાથી એ નક્કી ન કરી શકાય કે તેને ચેપ ક્યાંથી લાગ્યો છે આમ છતા અમરેલીમાં તકેદારીના પગલા લેવાયા છે અને તેમણે જેમની પાસેથી સારવાર લીધી હતી તે ઇએનટી સર્જનને આજે 15મો દિવસ થઇ ગયો છે અને સ્વસ્થ છે. જેનાથી અમરેલીમાં કોરોનાની શક્યતા ઓછી રહેલી છે.


ચોથુ લોકડાઉન આવે છે : 20 લાખ કરોડનું પેકેજ જાહેર

અમરેલી, કોરોનાની વૈશ્ર્વિક મહામારી દરમિયાન લોકડાઉનનો ત્રીજો તબ્બકો પુર્ણ થવામાં છે અને આગામી 17મીએ ચોથો તબ્બકો શરૂ થનાર છે. તે પુર્વે વડાપ્રધાનશ્રી નરેન્દ્રભાઇ મોદીએ રાષ્ટ્રિય સંબોધનમાં જણાવ્યું હતું કે આપણે થાકવાનું પણ નથી અને હારવાનું પણ નથી. એક એવો જંગ નિયમો પાળીને લડવાનો છે. દુનિયા આખી જ્યારે સંકટમાં છે ત્યારે આપણે પણ આગળ વધવાનું છે. તે માટે આપણો સંકલ્પ મજબુત બનાવવાનો છે. 21મી સદી હિન્દુસ્તાનની છે. કોરોનાં સંકટ વચ્ચે પણ 21મી સદી ભારતની હોય તે આપણું સ્વપ્નુ નહી પણ જવાબદારી છે. તેનો માર્ગ શું છે? વિશ્ર્વની સ્થિતિ બતાવે છે કે, આત્મનિર્ભર ભારત શા માટે બનાવવું છે. આપણે એક એવા મોડ ઉપર ઉભા છીએ કે, આપત્તીને અવસરમાં બદલીશું જ્યારે કોરોના સંકટ શરૂ થયું ત્યારે ભારતમાં એક પણ પીપીઇ કીટ કે એન95 માસ્ક બનતા ન હતાં. આજે ભારતમાં બે લાખ કીટ અને બે લાખ માસ્ક પણ બને છે. ભારતમાં આફતને અવસરમાં બદલી ભારતની સ્થિતિ આત્મનિર્ભર સંકલ્પને પ્રભાવિત બનાવી જરૂરી છે. ગ્લોબલ વોર્મમાં ડીફીનેશન બદલાય છે. ભારતનું મુળભુત ચિંતન આશાનું કિરણ નજરે પડે છે. વિશ્ર્વ એક પરિવાર છે. ભારત આત્મ કેન્દ્રીત વકીલાત નથી કરતો સંસ્થાનાં સુખ, સહયોગ, શાંતિ માટે ચિંતા કરે છે એ આપણી ભુમિ છે. ભારત ધારે તો દુનિયામાં બધ્ાુ જ કરી શકે. સોલાર, ઇન્ટરનેશનલ યોગએ આપણે આપેલી વિશ્ર્વને મોટી સોગાદ છે. તે ભારતની ઉપલબ્ધી છે. 130 કરોડ દેશવાસીઓને આત્મનિર્ભર ભારતનાં સંકલ્પ આપણો ગૌરવ પુર્ણ ઇતિહાસ રહ્યો છે. તે આપણી પાસે સાધનો, સામર્થ્ય છે અને બહેતરીન ટેલેન્ટ છે. આપણે બેસ્ટ પ્રોડક્ટ બનાવીશું તે આપણે કરી શકીએ છીએ અને કરીશું તેમ જણાવી શ્રી મોદીને કચ્છનાં ભુકંપને યાદ કરી જણાવ્યું કે, કચ્છ ભુકંપ બાદ બધ્ાુ જ ધ્વસ્ત થયું અને મોતની ચાદર ઓઢી સુઇ ગયેલું. કોઇ વિચારી પણ શકતુ ન હતુ કે કચ્છ બેઠુ થશે પણ તે બેઠુ થયું એ ભારતની સંકલ્પ શક્તિ છે. આપણે ધારીએ તો કશું જ મુશ્કેલ નથી. ભારતને આત્મનિર્ભર બનાવવું છે. તેમ જણાવી મધ્યમ વર્ગને ધ્યાને રાખી 20 લાખ કરોડનાં પેકેજ અંગે હાઇલાઇટ આપી હતી. આ પેકેજ ભારતની આજીવીકા છે અને દરેક વર્ગને સહયોગી બનશે. 2020માં દેશની વિકાસયાત્રાને ટ્વેન્ટી લાખ ટ્વેન્ટી ટ્વેન્ટીમાં નવી ગતી આપશે. આ પેકેજમાં લેબર, લીક્વીડીટી સહિતનો સમાવિષ્ટ હશે. આ આર્થિક પેકેજ દેશનાં શ્રમિક ખેડુત માટે છે. ખાસ કરીને મધ્યમ વર્ગને પણ ફાયદો કરશે. આવતા દિવસોમાં પેકેજ અંગે વિગતે માહિતી અપાશે. આગામી ચોથા તબ્બકાનું લોકડાઉન નવા રૂપ રંગ સાથે આવશે તેનું પણ પાલન કરીશું અને આગળ પણ વધીશું21મી સદી માં આત્મનિર્ભર, સશક્ત ભારત બનશે. આપણે નવી સંકલ્પ શક્તિથી આગળ વધવાનું છે. ચોથા તબક્કાનું લોકડાઉન માટે દરેક રાજ્યોનાં સુજાવ ઉપર નવા રૂપરંગ સાથે ચોથો તબક્કો આવશે તેમ પ્રજાજોગ સંદેશામાં શ્રી મોદીએ જણાવ્યું હતું.


13-05-2020


error: Content is protected !!