Main Menu

Thursday, May 14th, 2020

 

અમરેલીમાં બુધવારે દાખલ કરાયેલ તમામ દર્દીઓના રિર્પોટ નેગેટીવ આવ્યાં

અમરેલી,
કોરોનાના કહેર પછી અમરેલીમાં કોરોનાના શંકાસ્પદ વોર્ડમાં દાખલ કરાયેલા 150 ઉપરાંતના તમામ દર્દીઓના ગામ અને વિસ્તાર સાથે સરકારી ગાઇડલાઇન તથા અખબારની જવાબદારી જાળવી અવધ ટાઇમ્સે રેકોર્ડ બ્રેક રીતે લોકોને આજ સુધી માહિતી આપી છે અને લોકોને સાવચેત રાખ્યા છે પણ હવે કોરોનાનો પ્રથમ પોઝીટીવ કેસ આવતા અને સાથે સાથે જે તે ગામના દર્દીઓને શંકાસ્પદ વોર્ડમાં દાખલ કરાયાના સમાચારો અવધ ટાઇમ્સમાં પ્રસિધ્ધ થતા કોરોનાના શંકાસ્પદ વોર્ડમાં દાખલ કરાયેલ અમારા કોન્ટેકટમાં તો નથી આવ્યો ને ? અમારા ગામનો દર્દી કોણ છે ? ની સતત પૃચ્છા ચાલી હતી જો કે આ તમામ વચ્ચે વધ્ાુ એક રાતહના સમાચાર એ પણ મળ્યા છે કે અમરેલીમાં બુધવારે દાખલ કરાયેલ તમામ દર્દીઓના રિર્પોટ નેગેટીવ આવ્યાં છે.
કોરોનાને અત્યાર સુધી એક પણ કેસ ન આવવાને કારણે હળવાશથી લઇ રહેલા લોકોને અમરેલીમાં કેસ આવતાકોરોનાની ગંભીરતા સમજાઇ છે અને લોકો ભયને કારણે સાવચેતી રાખી રહયા છે અમરેલીના વરૂડી, નાના રાજકોટ, ચિતલ, ફાચરીયા, બોરડી, દુધાળાના તથા ભાવનગર અને રાજકોટ હોસ્પિટલમાં સીધા દાખલ કરાયેલ કોરોનાના શંકાસ્પદ દર્દીના રિર્પોટ નેગેટીવ આવ્યા હોવાનું જાણવા મળેલ છે.


અમરેલીમાં 72 કલાકથી સંક્રમિત અને કોરોના પિડીત 70 વર્ષના માજીની કોરોના સામે ફાઇટ

અમરેલી,એક એવી કહેવત છે કે જેના મૃત્યુની ખોટી વાત ઉડે તેની આવરદા વધી જાય છે આને સાયન્ટીફીક રીતે કોઇ સાબિત નથી કરી શકયુ પણ આમા તથ્ય છે તે વાત અમરેલીના કોરોના વોર્ડમાં દાખલ કરાયેલા પ્રથમ દર્દી એવા 70 વર્ષના ટીંબલા ગામના માજીએ સાબિત કર્યુ છે આ માજીની તબીયત સુધારા ઉપર હોવાનું જાણવા મળેલ છે.
સોમવારે સુરતથી નીકળી મંગળવારે અમરેલીની શાંતાબા ગજેરા હોસ્પિટલના કોરોનાના શંકાસ્પદ વોર્ડમાં દાખલ કરાયેલા ટીંબલા ગામના માજીની હાલત મંગળવારે રાત્રે તેનો કોરોના રિર્પોટ આવ્યો તે પહેલા બગડી હતી તેને ઓક્સીજન અપાયો હતો અને બુધવારે સવારે તેનો રિર્પોટ પોઝીટીવ આવતા તેને શંકાસ્પદમાંથી કોરોનાના વોર્ડમાં ખસેડાયા હતા પણ બુધવારે સવારથી ગુરૂવારે સવાર સુધી આ માજીની હાલત ખરાબ હોય અને તેનું મૃત્યુ થયુ છે તેવી અફવાઓ ઉડી હતી પણ આ અફવામાં એક તથ્ય એ જ સાચુ હતુ કે આ માજીની તબીયત નાજુક છે બીજી ઘણી બિમારીઓ છતા પોતાના મનોબળથી આ માજી ઘાતક કોરોનાને ફાઇટ આપી રહયા છે અને મંગળવારની જેમ બુધવારે રાત્રે પણ તેમની હાલત વધ્ાુ નાજુક થઇ ગઇ હતી તેમનું બ્લડપ્રેશર સાવ લો થઇ ગયુ હતુ પરંતુ અનેક લોકોની પ્રાર્થના અને અમરેલીની ધરતીના પ્રભાવ તથા આ માજીના મક્કમ મનોબળથી આજે ગુરૂવારે સવારે તેમની હાલત સુધરી છે અને તે જાતે બેસી અને સુઇ શકે છે અને તેમની તબીયત સુધરી અને સ્થિર થઇ છે.


અમરેલીમાં ઘાતક કોરોનાની એન્ટ્રી છતા ગ્રીનઝોન યથાવત

અમરેલી, અમરેલી જિલ્લામાં લોકડાઉનના અંદાજે 50 દિવસ બાદ આજે સૌપ્રથમ કોરોનાનો એક પોઝિટિવ કેસ નોંધાયો હતો. આ અંગે વધુ વાત કરતા જિલ્લા કલેકટરશ્રી આયુષ ઓકએ જણાવ્યું હતું કે ગઈકાલે સવારના 11 વાગ્યા આસપાસ સુરતથી આવેલી એસ.ટી. બસમાં 27 જેટલા મુસાફરો પૈકી સુરતના સના રોડ વિસ્તારના 67 વર્ષીય વૃદ્ધાને ચાવંડ ચેકપોસ્ટ ખાતે ચેક કરવામાં આવતા તાવ-શરદી જેવા લક્ષણો જણાયા તાત્કાલિક અમરેલી તાલુકા કોરન્ટાઇન ફેસિલિટી ખેડૂત તાલીમ કેન્દ્ર ખાતે ખસેડવામાં આવ્યા. ત્યાં એમની સઘન તપાસ કર્યા બાદ વધુ સારવાર માટે સિવિલ હોસ્પિટલમાં દાખલ કરી બપોરે 1.30 કલાકથી જ શંકાસ્પદ કેસ તરીકે માની સારવાર કરી દેવામાં આવી હતી. ગઈ કાલે રાત્રે જ એમને ઓક્સિજન પર રાખવામાં આવ્યા છે અને એમના સેમ્પલ્સ ભાવનગર ખાતે મોકલવામાં આવ્યા હતા. આજે સવારે 11 કલાકે એમનો રિપોર્ટ પોઝિટિવ આવેલો છે.
આ વૃદ્ધાના 26 જેટલા કોન્ટેક્ટમાં આવેલા વ્યક્તિઓ છે જેમને કોરન્ટાઇન કરવાની કામગીરી હાથ ધરવામાં આવી છે. અમરેલીમાં સેમ્પલના રીઝલ્ટની રાહ જોયા વગર જ કાલે સાંજથી જ કોન્ટેક્ટ ટ્રેસીંગ ચાલુ કરવામાં આવ્યું હતું. સદનસીબે આ કેસની વહેલા જાણ થતા આપણે દર્દીને કોરન્ટાઇન કે સિવિલ હોસ્પિટલની બહાર કોઈ ગામમાં જવા દેવામાં આવ્યા નથી. અને આના કારણે આપણા જિલ્લામાં કોઈ કંટેઇન્મેન્ટ એરિયા પણ નથી. જેના થકી અત્યારે જે દુકાનો કે રાબેતા મુજબનું જનજીવન યથાવત ચાલુ રહેશે. પરંતુ પોઝિટિવ કેસને લઈને રાજ્ય કે કેન્દ્ર સરકારની ગાઈડ લાઇન્સ મુજબ સારવાર ચાલુ કરી દેવામાં આવી છે. વૃદ્ધાના પોઝિટિવ કેસની જાણ આપણે સુરત ખાતે પણ કરવામાં આવી છે. એટલે સુરત પ્રશાસન દ્વારા કોન્ટેન્ટ ટ્રેસીંગ કરી કોરન્ટાઇન કરવાની કામગીરી હાથ ધરવામાં આવશે.
અત્રે ઉલ્લેખનીય છે કે જયારે પણ અમરેલી જિલ્લામાં શંકાસ્પદ કેસો સિવિલ હોસ્પિટલ ખાતે દાખલ થાય છે ત્યારથી જ આગોતરા પગલાં લઈને એમનું કોન્ટેન્ટ ટ્રેસીંગ અને કોરન્ટાઇનની કાર્યવાહી તંત્ર દ્વારા કરવામાં આવે છે. આ ઉપરાંત ગ્રીન ઝોન અમરેલીમાં જિલ્લાની અંદરથી વાયરસ ફેલાવાની કોઈ ઘટના બની નથી જેથી અમરેલી હજુ ગ્રીન ઝોનમાં જ યથાવત રહેશે.


14-05-2020


error: Content is protected !!