Main Menu

Thursday, May 21st, 2020

 

જાફરાબાદમાં ખલાસીઓની ધમાલ પોલીસ દોડી ગઈ

જાફરાબાદના કામનાથ મંદિર પાસે હજારોની સંખ્યામાં ખલાસીઓના ટોળા ભેગા થયા વાતાવરણ તંગ

જાફરાબાદમાં લોક ડાઉન ને કારણે માછીમારોએ પોતાના ધંધા-રોજગાર બંધ રાખ્યા હતા તેમાં પગારના મામલે માથાકૂટ થઇ હોવાનું પ્રાથમિક તબક્કે બહાર આવ્યું છે

ટોળા ને વિખેરવા માટે બળ પ્રયોગ પણ કરાયાની ચર્ચા


અમરેલીમાં વિખ્યાત એવા શિતલ ગૃપના શ્રી ભુપતભાઇ ભુવાની વેપારની અનોખી સ્ટ્રેટેજી

અમરેલી,અગાઉના સમયમાં માત્ર ખેતી કરતા પાટીદાર સમાજે રાજકીય ક્ષેત્રે વર્ચસ્વ જમાવ્યા બાદ હવે વ્યાપાર ઉદ્યોગમાં પણ પાટીદાર સમાજના ડંકા વાગી રહયા છે વિશ્ર્વ સ્તરે જેની નોંધ લેવાય છે તેવા અમરેલીના શિતલ આઇસ્ક્રીમ, શિતલ નમકીનના માર્કેટીંગનો ભાર જેમના ખંભા ઉપર છે તેવા શ્રી ભુપતભાઇ ભુવા નાનામાં નાની જગ્યાએ પણ પોતાના ગ્રાહકોને સુવિધા આપવામાં પાછી પાની નથી કરતા તેની સાબિતી અમરેલીના ફોરવર્ડના ગ્રાઉન્ડમાં ઉભી કરાયેલી શાકમાર્કેટમાં જોવા મળી હતી. શાકભાજીની ખરીદી કરનાર લોકોને દુધ, દહીં, છાશ કે બ્રેડ બટર લેવા હોય તો શ્રી ભુપતભાઇએ શિતલના બ્રેડ, ટોસ્ટ, દહીં, દુધ, છાશ સહિતની પ્રોડકટ સાથેના વાહનને અહીં તૈનાત કરી દેતા લોકોને મોટી સગવડતા મળી હતી.
અત્રે ઉલ્લેખનીય છે કે શિતલ ગૃપના મોભી શ્રી દકુભાઇ ભુવા સામાજિક પ્રવૃતીઓમાં અગ્રેસર છે જ્યારે શ્રી દિનેશભાઇ ભુવા જનરલ મેનેજમેન્ટ તથા શ્રી ભુપતભાઇ ભુવા માર્કેટીંગ સ્ટ્રેટેજી અને શ્રી સંજયભાઇ ભુવા પ્રોડકશનમાં માહેર છે જેની મહેનતથી શિતલની તમામ પ્રોડકટે જબરદસ્ત વિશ્ર્વસનીયતા મેળવી છે.


અમરેલીમાં પાન-બીડીની 750 દુકાનો ઉપર સ્ટીકરો લગાવાયાં

અમરેલી,પાન-બીડી અને બાકી રહેલા વેપાર ધંધા શરૂ કરવા માટે અમરેલીમાં વેપારી મહામંડળે કલેકટરશ્રી આયુષ કુમાર ઓક સાથે બેઠક યોજી માર્ગદર્શન મેળવ્યું હતુ અને આજે અમરેલીમાં પાન-બીડીની 750 દુકાનો ઉપર સ્ટીકરો લગાવાયાં હતા જ્યારે હોટેલ રેસ્ટોરન્ટ,હેર કટીંગ સલુનની 180, ચાની 20 હોટલોમાં પણ સ્ટીકર લગાવાયાં હતા અને વેપારી મંડળના જણાવ્યા અનુસાર આજે પાન-બીડીમાં એકી સંખ્યાની દુકાનો ખોલવામાં આવશે તથા ગામડાઓમાં પણ માત્ર પાર્સલની સગડવતા સાથે સવારે 8 થી સાંજે 4 વાગ્યા સુધી આઇસ્ક્રીમ, ઠંડા પીણાની દુકાનોને વેંચાણ કરવાની છુટ આપવામાં આવી છે.
પાન બીડી એસો.ના હોલસેલર જયુભાઇ ચૌહાણ, ભગુભાઇ બુટાણી તથા રીટેલર એસો.ના રણજીતભાઇ ડેર, હસુભાઇ ડોબરીયા તથા વેપારી મંડળના સંજયભાઇ વણજારા, ચુતરભાઇ પટેલ, ભગીરથભાઇ ત્રિવેદી, ભાવેશભાઇ પડસાલા, મેહુલભાઇ માખેચા, નગરપાલીકાના શોપ ઇન્સપેકટર દિપકભાઇ રામાણી દ્વારા સ્ટીકર લગાવાયા હતા અને સીટીપીઆઇ શ્રી વિરેન્દ્રસિંહ ખેરએ સ્ટાફ સાથે વ્યવસ્થા જાળવી હતી.ત્યાર બાદ વેપારી આગેવાનો શ્રી ચતુરભાઇ પટેલ, શ્રી દિનેશભાઇ ભુવા, શ્રી ભાવેશભાઇ પડસાલા, શ્રી જીતુભાઇ પાથર, શ્રી હસુભાઇ વાજાએ બેઠક યોજી માર્ગદર્શન મેળવ્યુ હતુ અને કલેકટરશ્રીએ પણ ઠંડા પીણા તથા આઇસ્ક્રીમ પાર્લરોને સ્થળ ઉપર નહી પણ પાર્સલની સુવિધા સાથે સવારે 8 થી 4 સુધી શહેરો અને ગામડાઓમાં છુટ આપી હોવાનું જણાવ્યુ હતુ હેર કટીંગ સલુનમાં પણ નીતીનભાઇ હીરાણી, ભોળાભાઇ બગથળીયા, જીજ્ઞેશભાઇ બગથળીયાએ ફરજ બજાવી હતી.


આવવા જવાની છુટ પણ હોમ કવોરન્ટાઇન ફરજિયાત

અમરેલી,રાજ્ય સરકાર દ્વારા એક જિલ્લામાંથી બીજા જિલ્લામાં દાખલ થવા માટેની ઈ-પાસ સિસ્ટમ રદ કરી હોવાથી લોકો જિલ્લાઓ વચ્ચે પાસ વગર મુસાફરી કરી શકશે. પરંતુ તમામ લોકોએ નિયત ચેકપોસ્ટ ઉપરથી જ પસાર થવાનું રહેશે. અહીં તેમનું મેડિકલ સ્ક્રીનીંગ કે કોરેન્ટાઈન કરવાની કાર્યવાહી કરવામાં આવશે.સરકારશ્રીની ગાઈડલાઈન્સ મુજબ 65 થી વધુ ઉંમરના વડીલો, 10 વર્ષથી નીચેના બાળકો, સગર્ભા બહેનો તેમજ ગંભીર બીમારી ધરાવતા લોકોને મેડિકલ ઈમરજન્સી સિવાય બહાર નીકળવા પર સંપૂર્ણપણે પ્રતિબંધ છે.બે જિલ્લા વચ્ચે અથવા તો જિલ્લાની અંદર 19 કલાક થી 7 કલાક સુધી મેડિકલ ઈમરજન્સી સિવાયની તમામ પ્રકારની અવરજવર પર પ્રતિબંધ છે.ટુ વ્હીલર પર વાહનચાલક સિવાય બીજો વ્યક્તિ અને ફોર વ્હીલરમાં ડ્રાઈવર સહિત 3 વ્યક્તિઓથી વધુ મુસાફરી કરી શકશે નહીં.જાહેર જનતાને આ તમામ સુચનોનું અનુપાલન કરવા જિલ્લા વહીવટી તંત્ર દ્વારા અપીલ કરવામાં આવે છે.


મુંબઇથી કુંડલા આવી રહી છે વતનીઓ સાથેની સ્પેશ્યલ ટ્રેન

અમરેલી,સુરતથી જેમ લાખો લોકો માદરે વતન આવ્યા તેમ મુંબઇમાં પણ કોરોનાના કહેરને કારણે ત્રાહીમામ પોકારી ગયેલા સૌરાષ્ટ્રવાસીઓએ હવે માદરે વતન તરફ દોટ મુકી છે અને એક એક ઉતારૂ દીઠ સાડા ત્રણથી સાડા ચાર હજાર સુધી ભાડુ ઉઘરાવાતુ હોય સરકાર દ્વારા સૌરાષ્ટ્ર માટે મહારાષ્ટ્રથી સૌરાષ્ટ્રની સ્પેશ્યલ ટ્રેન દોડવાવાનો નિર્ણય કરી બુકીંગ કરાવાયુ છે જેમાં આજે ગુરૂવારે પ્રથમ ટ્રેન મુંબઇથી કુંડલા આવી રહી છે વતનીઓ સાથેની આ સ્પેશ્યલ ટ્રેનમાં દેશના સૌથી વધારે હાયરીસ્ક ઝોન મુંબઇથી આવી રહી હોય સાવરકુંડલા પંથકમાં ફફડાટ ફેલાયો છે.
સરકારની ગાઇડલાઇન મુજબ અમરેલીના કલેકટરશ્રી આયુષ કુમાર ઓક તથા શ્રી તેજશ પરમારની ટીમ દ્વારા સાવરકુંડલામાં આગોતરી તૈયારીઓ કરી લેવામાં આવી છે સાવરકુંડલા જ તમામ પેસેન્જરોને ઉતારી તેમનું સ્ક્રિનીંગ કરી આઉટ ઓફ સ્ટેટમાંથી આવતા હોવાથી 24 કલાકનું ફરજિયાત સરકારી ફેસેલીટીમાં કવોરન્ટાઇન કરી ત્યાર બાદ હોમ કવોરન્ટાઇન સહિતની કામગીરી કરવામાં આવશે અને તેમને તાલુકા મથકોએ પહોંચાડવા માટે પણ બસની વ્યવસ્થા કરવામાં આવી હોવાનું કલેકટરશ્રીએ અવધ ટાઇમ્સને જણાવ્યુ હતુ તેમણે જણાવેલ કે મહારાષ્ટ્ર સરકારથી 1300 લોકોની યાદી મોકલવાઇ છે .1300 લોકોને લઇને બોરીવલી-સાવરકુંડલા ટ્રેન આજે ગુરૂવારે મુંબઇથી ઉપડશે તેમાં 300 જુનાગઢ જિલ્લાના અને 950 અમરેલી જિલ્લાના ઉતારૂઓ છે.
ગ્રીન ઝોન રહેલા અમરેલી જિલ્લામાં સુરતથી લોકોને આવવાની છુટ અપાયા બાદ કોરોનાના બે કેસ સુરતથી આવ્યા છે અને પોણા બે લાખ જેટલા લોકો અત્યારે હોમ કવોરન્ટાઇન છે તેવા સમયે આ 1300 લોકોની એક ટ્રેન બાદ બીજી ટ્રેનનું પણ બુકીંગ મુંબઇમાં શરૂ હોવાનું જાણવા મળેલ છે મુંબઇમાં બેકાબુ કોરોનાને કારણે અને ધંધા રોજગાર ઠપ રહેતા કોઇ રહેવા તૈયાર નથી મુંબઇથી યુપી, બિહાર સહિત તમામ રાજ્યના લોકો હીજરત કરી રહયા છે ત્યારે અમરેલી સહિતના સૌરાષ્ટ્રના લોકોએ પણ મુંબઇ છોડી વતન આવવા દોટ મુકી છે.


21-05-2020


error: Content is protected !!