Main Menu

આટકોટના બસસ્‍ટેન્‍ડમાં ચા પીવા ઉભેલા નડાળાના જીવનભાઇનું વિચિત્ર અકસ્‍માતમાં મૃત્‍યું નિપજયું

નડાળા, કુદરતની ગતી ન્‍યારી છે અને કયારે કેવી રીતેમાનવીને કાળના ખપ્‍પરમાં હોમી દે છે તેની કોઇને અણસાર સુઘ્‍ધા નથી હોતી આવો જ એક વિચીત્ર બનાવ બન્‍યો હતો જેમા બાબરાના નડાળા ગામના વતની અને હાલ સુરત રહેતા આધેડનું આટકોટના બસસ્‍ટેન્‍ડમાં વિચીત્ર અકસ્‍માતમાં મૃત્‍યું થયુ હતુ.આ વિચિત્ર બનાવની વિગતો એવા પ્રકારની છે કે, મુળ બાબરા તાલુકાના રાણપુર નજીક આવેલા નડાળા ગામના વતની અને હાલમાં સુરત ખાતે રહેતા જીવનભાઇ ઠાકરશીભાઇ ઢોલરીયા પ્રસંગોપાત સુરતથી વતન નડાળા આવવા નિકળ્‍યા હતા અને સવારે આટકોટ ખાતે તેની બસ પહોંચી ત્‍યારે એક ચાની કેબીને ઉતરી જીવનભાઇ ચા પી રહયા હતા ત્‍યારે સુલતાનપુર બાપુનગર રૂટની એસટી બસ ધડાકાસાથે એક ટ્રક સાથે અથડાતા ટ્રક ચા પી રહેલા જીવનભાઇ માથે ચડી જતા જીવનભાઇનું ઘટના સ્‍થળે જ મોત નિપજયું હતુ.
જીવનભાઇનું જસદણ દવાખાને પોસ્‍ટમોર્ટમ કરી અંતિમવિધિ માટે તેની લાશને વતન નડાળામાં લાવવામાં આવી હતી અને તેના સુરત રહેતા પરિવારજનોને આ દુર્ઘટના અંગે જાણ કરવામાં આવી હતી.