Main Menu

રામ મંદિર માટે ડો.તોગડીયાનું અનુકરણઃડો.ગજેરા

અમરેલી,રામમંદિર માટે આંતરરાષ્‍ટ્રીય હિન્‍દુ પરિષદ, વિશ્‍વ હિન્‍દુ પરિષદ અને રાષ્‍ટ્રીય સ્‍વયંસેવક સંઘે આયોઘ્‍યામાં રેલીઓ કાઢી અને ધર્મસભાનું આયોજન કર્યુ. સૌથી પહેલા ડો. પ્રવિણભાઈ તોગડીયાની આગેવાની નીચે ગઈ ર૧/૧૧ થી ર૩/૧૧ લખનૌથી અયોઘ્‍યા સુધી દોઢથી બે લાખ કાર્યકરોએ કુચ કરી. આ કુચ જોઈને વિશ્‍વ હિન્‍દુ પરિષદના કાર્યકરોએ કુચ કરી. આ કુચ જોઈએ વિશ્‍વ હિન્‍દુ પરિષદ અને સંઘને એવુંલાગ્‍યુ કે આ રામમંદિરનો મુદો આપણા હાથમાંથી જતો રહેશે એટલે એણે પણ અયોઘ્‍યામાં રેલી અને ધર્મસભાનું આયોજન કયર્ૂૃ હાલ યુ.પી.માં અને કેન્‍દ્રમાં ભાજપની એટલે કે સંઘની સરકાર છે. અત્‍યારે તેઓને રામમંદિર નિર્માણ માટે સોમનાથ મંદિરની જેમ સંસદમાં કાયદો લાવવાનો ઉતમ મોકો છે.
ત્રીપલ તલાક માટે અડધી રીતે વટહુકમ લાવી શકતા હોય તો અયોઘ્‍યામાં રામમંદિર માટે શા માટે નહી ? આવુ અનુકુળ વાતાવરણ હવે પછી કયારેય નહિ આવે તે પણ હકીકત છે. સંઘ અને વી.એચ.પી. રામમંદિર માટે ચાર તબકકાની આંદોલનની વાત કરે છે. અરે ભાઈ, આંદોલન કોના સામે ? તમારી જ સરકાર સામે? કે પછી ચુંટણીમાં મુદદો બનાવી ર૦૧૯ ની ચુંટણી જીતવી અને જીત્‍યા પછી પાછો આ મુદદો અભેરાઈએ ચડાવી દેવો છે? તમારી સરકાર સામે તમે આંદોલન કરશો?કે પછી બધુ જનતાને દેખાડવા માટે અને મુર્ખ બનાવવા માટે આંદોલન કરશો. જે મુદે તમે ડો. પ્રવિણ ને બોલવાની ના પાડી હતી તે જ મુદો તમે જોરશોરથી ચગાવો છો.તો પ્રવિણભાઈ શું ખોટુ કહી રહયા હતા? સરકારની દાનત જ નથી કે અયોઘ્‍યામાં રામમંદિર બને. આ બધુ ચુંટણીમાં હિંદુ સમાજની લાગણીને ભડકાવીને જીતવાના પ્‍લાન છે.પરંતુ દર વખતે હિંદુ સમાજ છેતરાવવાનો નથી. હિંદુ સમાજને ખબર પડી ગઈ છે કે આ બધુ મુર્ખ બનાવવા ધંધા છે.બીજી બાજુ નોટબંધી, જીએસટી, સીબીઆઈ મુદે કાશ્‍મીર મુદે સરકાર સરિયામ નિષ્‍ફળ ગઈ છે. પ્રજાનુ ઘ્‍યાન આ મુદાઓ પરથી હટાવવા માટે પણ સરકાર ના કહેવાથી વી.એચ.પી. અને સંઘે આ રામમંદિરનો મુદો ઉછળ્‍યો હોય જેથી પ્રજાની લાગણી ભડકાવીને આ બધા મુદા ભુલી જાય.