Main Menu

અમરેલીની સ્થિતિને પહોંચી વળવા સરકાર 25 કરોડ આપે

અમરેલી,અમરેલી નગરપાલિકાની બાંધકામ સમીતીએ એક અખબારી યાદીમાં જણાવેલ છે કે, અમરેલીમાં છેલ્લા ત્રણ વર્ષથી ગુજરાત ગેસ, ભુગર્ભ ગટર,વરસાદી પાણીના નિકાલ,સીસીટીવી કેમેરા, ટેલીફોન તંત્ર નું અંડરગ્રાઉન્ડ વાયરીંગ તથા સરકારી અને પ્રાયવેટ નાના મોટા કામો ચાલી રહયા હોય તેના મરામ્મત માટેની અલગ અલગ પ્રકારની ગ્રાંન્ટ અમરેલી નગર પાલિકાએ સરકાર પાસે વખતો વખત માંગી છે પણ ત્રણ ત્રણ વર્ષથી સરકાર માં અમરેલીની હાલત સુધારવવા માટે નાણા ફાળવવા માટે રજુઆત કરાઇ છે.અમરેલીમાં આવેલી ખાતરી સમીતીને અને તમામ સબંધીત વિભાગોને જાણ કરાવામાં આવી છે છતા અમરેલીને તેની હાલત સુધારવા માટે 25 કરોડની માંગેલી ગ્રાન્ટ અપાતી નથી તે સરકાર તાત્કાલીક ચુકવે તેમ પાલકિા પ્રમુખ શ્રી જયંતિભાઇ રાણવા તથા બાંધકામ સમીતીના ચેરમેન શ્રી કોમલબહેન રામાણીએ માંગ કરી છે અને સાથે સાથે અમરેલીના રેલવે ફાટકથી બાયપાસ સુધીના માર્ગ માર્ગ અને મકાન વિભાગની હદમાં આવેલ હોય આવા કેરીયા રોડ ફાટકથી બાયપાસ, લીલીયા રોડ ફાટકથી બાયપાસ,સરદાર સકર્લથી જેસીંગપરા પુલ સુધી,સરદાર સકર્લથી ઠેબી ડેમ સુધી, શીવાજી ચોકથી બાયપાસ, સરદાર સકર્લથી લાઠી રોડ બાયપાસ સુધીના માર્ગોની મરામ્મત માર્ગ અને મકાન વિભાગ તાકીદે કરાવે તેવી માંગણી પણ નગરપાલિકાએ ઉઠાવી છે.



(Next News) »