Main Menu

જલાભગતને વધાવવા માટે જિલ્લાભરમાં થનગનાટ : હરખની હેલી

અમરેલી,
ક્નાંતિકારી સંત પૂ. ભોજા ભગતના સવાયા શિષ્‍ય એવા પૂ. જલારામબાપાની જન્‍મજયંતિ ઉજવવા જિલ્લાભરમાં ચાલી રહેલી તડામાર પુર્વ તૈયારીઓ વચ્‍ચે પૂજય જલાભગતને વધાવવા માટે જિલ્લાભરમાં થનગનાટ પ્રવર્તિ રહયો છે અને રઘુવંશી સમાજ સહિત દરેક સમાજમાં હરખની હેલી ચડી છે.
આવી કાલે તા. 14ના અમરેલીમાં લોહાણા ગેસ્‍ટ હાઉસેથી પૂ. જલારામબાપાની ભવ્‍ય શોભાયાત્રા નિકળશે જે પૂ. હરીરામબાપા સર્કલે પુર્ણ થશે.
સાથે સાથે અમરેલીના નાના બસસ્‍ટેન્‍ડે પૂ. હરીરામબાપા સર્કલે રોજ સવારના પ્રસાદનું વિતરણ થાય છે પણ જલારામ જયંતિએ આખો દિવસ પ્રસાદનું વિતરણ થશે.
અમરેલીમાં જલારામ ધુન મંડળ, ઠકકર યુવા સંગઠન, હરીરામબાપા સેવા ટ્રસ્‍ટ સહિતના રઘુવંશી સમાજની વિવિધ શાખાઓ દ્વારા જલારામ જયંતિની ભવ્‍ય ઉજવણી માટે તડામાર તૈયારીઓ કરાઇ રહી છે.
અમરેલી ઉપરાંત બગસરા,સાવરકુંડલા,બાબરા ચલાલા, ધારી સહિત જિલ્લાભરના શહેરોમાં પૂ. જલારામબાપાની જન્‍મજયંતિ માટે તૈયારીઓ ચાલી રહી છે.



« (Previous News)



error: Content is protected !!