Main Menu

રાજુલામાં ટાસ્ક ફોર્સ ત્રાટકી : 12 બાળમજુરોને છોડાવ્યા

અમરેલી,
જિલ્લાના રાજુલાના ડુંગર રોડ ઉપર આવેલા ડીહાઇડ્રેશનના કારખાના ઉપર ત્રાટકીને અમરેલીની ટાસ્ક ફોર્સે બાળમજુરી કરી રહેલા 12 સગીરોને બચાવી અમરેલી લાવી અને કારખાનેદારની સામે રાજુલા પોલીસમાં ગુનો દાખલ કરાવ્યો હતો.તાજેતરની સુરતમાં બનેલી ઘટનાને પગલે રાજયભરમાં તંત્ર સજાગ થયું છે અને આવા સમયે અમરેલીના લેબર વિભાગને બાતમી મળી હતી કે, રાજુલાના ડુંગર રોડ ઉપર આવેલા દક્ષ ફુડસ પ્રા.લી. નામના કારખાનામાં નાના નાના બાળકો પાસે મજુરી કામ કરાવાય છે આથી અમરેલી આસિ. લેબર કમીશનરના ચાર્જમાં રહેલા જિલ્લા શ્રમ અધિકારી શ્રી જેડી પટેલ તથા લીગલ કમ પ્રોબેશન ઓફીસર જિલ્લા બાળ સુરક્ષા એકમ અમરેલીના શ્રી સંજય રાજકોટીયા તથા શ્રમ વિભાગના સીનીયર કલાર્ક શ્રી સી.આર. ચોવટીયાની ટીમે રાજુલામાં નગર પાલિકાના ચીફઓફીસર શ્રી ઉદય નશીત અને રાજુલા પોલીસ સાથેની ટાસ્ક ફોર્સે ચેકીંગ હાથ ધરતા આ કારખાનામાં કડીયાળી અને રાજુલા વિસ્તારના 12 નાની ઉમરના મજુરો મળી આવ્યા હતા આ બાળ મજુરોને કારખાનામાંથી 12 કલાક કામ કરવાના રોજના રૂ. 230 અપાતા હોવાનું ખુલતા 13થી 17 વષર્ની વયજુથના ત્રણ કિશોરો અને નવ કિશોરીઓ મળી બારેયને અમરેલી લાવવામાં આવ્યા હતા અને કિશોરીઓને વિકાસ ગૃહમાં અને કિશોરોને પ્રતાપપરા ચીલ્ડ્રન હોમમાં મુકવામાં આવ્યા હતા.
બીજી તરફ આસિ. લેબર કમીશનર શ્રી જેડી પટેલે ફરિયાદી બનીે રાજુલા પોલીસમાં કારખાનેદારની સામે પોલીસ ફરિયાદ નોંધાવી હતી.
અમરેલીમાં ચીલ્ડ્રન હોમ અને વિકાસ ગૃહમાં મુકાયેલા બારેય સગીરોના વાલીઓને અમરેલી બોલાવીને ચાઇલ્ડ વેલફેર સોસાયટીના ચેરમેન ડૉ. પિયુષ ગોસાઇની કમીટીએ સગીરોને ભણાવવા તથા બાળમજુરી ન કરાવવાની સમજ આપી તે ફરી મજુરી કરવા નહી મોકલે તેવી બાહેંધરી મેળવીને તેના વાલીઓને સોંપ્યા હતા.






error: Content is protected !!