Main Menu

રાજુલા પંથકમાં કેમીકલ્સ જીઆઇડીસી સ્થાપવાની હીલચાલ

અમરેલી,અમરેલી જિલ્લામાંથી યુવાધન રોજગારીના અભાવે બહાર જઇ રહયું છે ત્યારે તેને અમરેલી જિલ્લામાં જ પુરતા પ્રમાણમાં રોજગારી મળે અને અમરેલી જિલ્લાનો વિકાસ થાય તેના માટે અમરેલી જિલ્લા ભાજપના પ્રમુખ શ્રી હિરેન હિરપરાએ બીડુ ઉઠાવ્યું છે તેના કારણે ગુજરાતભરમાં એક માત્ર અંકલેશ્ર્વરમાં જ કેમીકલ જીઆઇડીસી છે ત્યારે બીજી અમરેલી જિલ્લામાં લાવવા અને રાજુલા પંથકમાં આવી કેમીકલ્સ જીઆઇડીસી સ્થાપવા શ્રી હિરેન હિરપરા દ્વારા પ્રયાસો કરાઇ રહયા હોવાનું જાણવા મળેલ છે.જાણવા મળતી માહીતી અનુસાર અમરેલી જિલ્લાના લાંબા સાગરકાંઠાને ભારત સરકારે કોસ્ટલ ઇકોનીમીક ઝોન જાહેર કરેલ છે ત્યારે રાજયના મુખ્યમંત્રી શ્રી વિજયભાઇ રૂપાણી સમક્ષ જિલ્લા ભાજપ પ્રમુખ શ્રી હિરેન હિરપરાએ રજુઆત કરી છે કે દેશભરમાંથી વેપારીઓ માલના પરિવહન માટે પીપાવાવ પોર્ટનો ઉપયોગ કરે છે અહી માલ લાવી બનાવીને દેશ વિદેશમાં અપાય છે ત્યારે તેના માટે અહીં જ અમરેલી જિલ્લામાં વેપારને વિકસાવીને ટેકસ ફ્રી ઝોન કરાય તો રોજગારી મળતા અમરેલી જિલ્લામાંથી થતું સ્થળાંતર પણ અટકે તેમ છે.અને તેના માટે આ વિસ્તાર તથા જિલ્લામાં પુષ્કળ જગ્યા પણ છે શ્રી હિરપરાની આ અસરકારક રજુઆતને કારણે રાજયના મુખ્યમંત્રી શ્રી વિજયભાઇ રૂપાણીએ હકારાત્મક પ્રતિસાદ આપ્યો હોય નજીકના સમયમાં જ અહી કેમીકલ્સ જીઆઇડીસી સહિતના ઉદ્યોગો ધમધમે તેવી આશા સેવાઇ રહી છે.






error: Content is protected !!