Main Menu

ટેનિસ ખેલાડી સેરેના વિલિયમ્સ વિશ્ર્વની સૌથી ફેશનેબલ ખેલાડી બની

અમેરિકાની ટેનિસ ખેલાડી સેરેના વિલિયમ્સ વિશ્ર્વની સૌથી ફેશનેબલ ખેલાડી સિલેક્ટ થઈ છે. અમેરિકન સ્પોર્ટ્સ મેગેઝિન સ્પોર્ટ્સ ઈલસ્ટ્રેટેડે આ વર્ષે વિશ્ર્વના ૫૦ સૌથી ફેશનેબલ ખેલાડીઓની લિસ્ટ જાહેર કરી છે. જેમાં ભારતના એક પણ ખેલાડીને સ્થાન મળ્યું નથી. આ લિસ્ટમાં ખેલાડીઓને સામેલ કરવા માટે ત્રણ માપદૃંડ હતા. સ્ટ્રોન્ગ, સેક્સી અને સેન્સિબલ. શારાપોવા છઠ્ઠા, સેરેનાની મોટી બહેન વિનસ ૩૪માં અને રોજર ફેડરર ૩૭માં ક્રમે છે. વર્કિંગ મધર સેરેનાએ ટેનિસ ઉપરાંત પોતાની બ્રાન્ડ ’એસ’ પર પણ ફોક્સ કર્યું છે. તેની બ્રાન્ડ લૉન્જવિયરથી ઓફિસવિયર સુધી બનાવે છે. હવે તે જ્વેલરી અને બ્યૂટી પ્રોડક્ટ્સ પર લાવવાની છે.
આ લિસ્ટમાં ૪૧ પુરુષ અને ૯ મહિલા ખેલાડીઓ છે. સૌથી વધુ ૧૯ ખેલાડીઓ અમેરિકન બાસ્કેટબોલ લીગ એનબીએના છે, જ્યારે અમેરિકન નેશનલ ફૂટબોલ લીગ એનએફએલના ૧૨ ખેલાડી તેમાં સામેલ છે. ફૂટબોલર્સમાં ક્રિસ્ટિયાનો રોનાલ્ડો, હેક્ટર બેલેરિન અને નેમાર છે. ૫ રમતના ૧-૧ ખેલાડીઓની પસંદૃગી કરવામાં આવી છે. સ્કીઈંગમાં લિન્ડસે વૉન, ગોલ્ફમાં મિશેલ વેઈ, ફોર્મ્યૂલા-૧માં લુઈસ હેમિલ્ટન, એથ્લેટિક્સમાં ડિના એશર સ્મિથ અને બેસબોલમાં બ્રાઈસ હાર્પર છે. અમેરિકાને વર્લ્ડ ચેમ્પિયન બનાવનાર ફૂટબોલ ટીમની કેપ્ટન ૪૮માં ક્રમે છે.
સ્પોર્ટ્સ ઈલસ્ટ્રેટેડ અમેરિકાની ૬૫ વર્ષ જૂની સ્પોર્ટ્સ મેગેઝિન છે. જેને દૃર અઠવાડિયે ૨.૩ કરોડ લોકો વાંચે છે. જેમાં ૧.૮ કરોડ પુરુષ છે. તે ૧૦ લાખ સબ્સક્રાઈબર બનાવનાર વિશ્ર્વની પ્રથમ મેગેઝિન હતી. હાલ તેના ૩૦ લાખ સબ્સક્રાઈબર છે.






error: Content is protected !!