Main Menu

ધારીના ભાડેરમાં ગેસની અગન જવાળામાં પાંચ દાઝી ગયા

અમરેલી,
બાબરાના ત્રંબોડા ગામે ફાટેલા ગેસના બાટલાએ આઠ-આઠ માનવ જીંદગીને પરધામ પહોંચાડ દીધાનો બનાવ હજુ તાજો છે ત્‍યા ધારીના ભાડેર ગામે રજપુત પરિવારના ઘેર ગેસના બાટલાની નળી લીકેજ થતા પરિવારના પાંચેય લોકો દાઝી જતા અરેરાટી ફેલાઇ છે.
આ બનાવની વિગતો એવા પ્રકારની છે કે, ધારી તાલુકાના ભાડેર ગામના ધીરજભાઇ અભેરામભાઇ ચૌહાણ (ઉ.વ.35)ના ઘેર સાંજે અચાનક ગેસના બાટલાની નળી લીેંકેઝ થઇ હતી અને આખા ઘરમાં અગનજવાળા ફરી વળતા ધીરજભાઇ તથા તેની પત્‍ની શ્રીદેવીબેન (ઉ.વ.30) તથા બાળકો ખુશી (ઉ.વ.2), હેમાંશુ (ઉ.વ.4) અને દેવ (ઉ.વ.8) ફસાઇ ગયા હતા આથી 108ને જાણ કરાતા પાઇલોટ પ્રવિણભાઇ ખડક અને ઇએમટી શીલ્‍પાબેન ડોડીયાએ ત્‍યા દોડી આવ્‍યા હતા ત્‍યારે પણ આગ ચાલુ હોય આ ટીમેઆગને ઓલવી અને બાળકોને બહાર કાઢયા હતા જોકે તેમ છતા બાળકો દાઝી તો ગયા જ હતા પણ જો તેને મોડા બહાર કઢાય તો જાનહાની થઇ હોત દાઝેલ તમામને ધારીે દવાખાને પ્રાથમિક સારવાર આપી અને ગંભીર પ્રકારે દાઝેલ પરિવારને વધુ સારવાર માટે અમરેલી દવાખાને ખસેડવામાં આવ્‍યા હતા.