Main Menu

અમરેલી પાલીકા દ્વારા રૂા.1.5 કરોડના ખર્ચે લેડીઝ-જેન્ટસ જીમ્નાશીયમ તૈયાર

અમરેલી શહેરના લોકોના આરોગ્યની સુખાકારી માટે અમરેલી નગરપાલીકા દ્વારા તેમજ વિકાસ સમિતિના ચેરમેન પી.પી.સોજીત્રાની દેખરેખ નીચે તા.1.5 કરોડનાં ખર્ચે અદ્યતન સાધનો સાથેનું લેડીઝ તથા જેન્ટ્સ જીમ્નાશીયમ તૈયાર કરેલ છે.તેમજ રૂા.60 લાખના ખર્ચે ઇન્ટરનેશનલ કક્ષાનો બેડમીન્ટન કોર્ટ તૈયાર કરેલ છે.અમરેલી શહેરના લોકોને મોટા શહેરોમાં જેવી કોર્પોરેટ કક્ષાની સુવિધા એકદમ નજીવી ફીમાં મળશે.શહેરમાં અન્ય જીમ્નાશીયમોની સરખામણીમાં ફક્ત 33 ટકા ફીમાં શહેરનાં સ્પોર્ટસમેનો લાભ લઇ શકશે.ઉપરોક્ત જીમ્નાશીયમમાં રૂા.20 લાખનાં સાધનો સરકારનાં રમત ગમત અને સાંસ્કૃતિક વિભાગ તરફથી આપવામાં આવેલ છે.જેમાં અમરેલી કલેક્ટર આયુષ ઓકનો મહત્વનો ફાળો છે.તેમજ અદ્યતન બેડમીન્ટન કોટમાં અમરેલીનાં સાંસદ નારણભાઇ કાછડીયા તરફથી રૂા.25 લાખની ગ્રાન્ટ ફાળવેલ છે.ઉપરોક્ત અદ્યતન જીમ્નાશીયમ તેમજ બેડમીન્ટન કોર્ટનું ઉદઘાટન આગામી 15મી ઓગસ્ટને ગુરૂવાર નારોજ સવારે 10:30 કલાકે રાખેલ છે.આ કાર્યક્રમનાં અધ્યક્ષ સ્થાને સાંસદ નારણભાઇ કાછડીયા રહેશે.મુખ્ય મહેમાન અમરેલીનાં ધારાસભ્ય અને વિરોધપક્ષના નેતા પરેશભાઇ ધાનાણી રહેશે.જીમ્નાશીયમનું ઉદઘાટન અમરેલી શહેર વિકાસ સમિતિનાં ચેરમેન પી.પી. સોજીત્રાના વરદહસ્તે રાખેલ છે.તેમજ બેડમિન્ટન કોર્ટનું ઉદઘાટન માન.ડો.ભરતભાઇ કાનાબારનાં વરદહસ્તે રાખેલ છે.ઉપરોક્ત કાર્યક્રમમાં શહેરનાં લોકોએ ખાસ ઉપસ્થિત રહેવા અમરેલી નગરપાલીકાના પ્રમુખ જેન્તીભાઇ રાણવા તેમજ સમર્થ વ્યાયામ મંદિર ટ્રસ્ટી વતી પ્રમુખ બેચરભાઇ પોકળની સંયુક્ત યાદીમાન જણાવેલ છે.






error: Content is protected !!