Main Menu

બગસરા તાલુકાના જુના વાઘણીયા ગામે સરકારી જમીનો ઉપર થતા બેફામ દબાણો

બગસરા,

બાગસરા તાલુકાના જુના વાઘણીયા ગામે ગ્રામ પંચાયતની ઢીલી અને શ્‍ંકાસ્‍પદ નિતિના કારણે લાખો રૂપિયાની કિંમતી સરકારી જમીન ઉપર બેફામ બે રોક-ટોક દબાણો થયા છે અને થાય છે જેને દુર કરવાની તો દુરની વાત રહી, સર્વે કરવાની પણ તસ્‍દી લેવામા આવતી નથી.તલાટી મંત્રી-સર્કલ ઓફીસર મામલતદાર તંત્રની ઘોર લાપરવાહી છતા ડે.કલેકટર કક્ષાએથી કોઇ પગલા લેવામા આવતા નથી.દબાણો દુર કરવાની જેમની જવાબદારી છે એ તંત્રની જ શીથીલ કામગીરીથી દબાણકારોને ઉતેજન મળી રહ્યુ છે.સર્વે નં.356/1 પૈકી ની એક એકર જમીન મફત પ્‍લોટ માટે મે.કલેક્‍ટર સાહેબ તરફથી 2006 માં ફાળવવામાં આવેલ હતી.જેનો હુકમ ગ્રા.પં માં છે.જેના નકશા પણ બનાવેલ પ્રીન્‍ટ હોવા છતા ગ્રામ પંચાયતની બેધારી નીતીના કારણે દબાણકારોએ પેશકદમી કરી કાટા ની વાડ તેમજ પાકા બાંધકામ ચાલુ જ છે.જે દુર કરવાની કે બાંધકામ અટકાવવાની જવાબદારી કોની? ગરીબ પરીવારોને મફત પ્‍લોટમાં ઘર નુ ઘર મળશેતેવી આશા ઉપર હાલ પુર્ણ વિરામ મુકાય ગયુ છે.સરકારી જમીનોૈ ઉપર દબાણો થયા હોય જેનો રિપોર્ટ કરવાની જવાબદારી જેની હોય તે પણ આ લેવલે બાદરકારી દખવવામાં આવતા હોય મામલતદાર કે તાલુકા પંચાયત દ્વારા પણ કોઇ કાર્યવાહી થતી ન હોય સરકારી જમીનો ઉપર બેફામ દબાણો વધતા જાય છે.

સામાન્‍ય નાગરીકનો વેરો બાકી હોય ત્‍યારે વસુલાત માટે કડકાઇ દાખવતુ તંત્ર દબાણ હટાવવા માં દબાણકારો ની શરમ ભરી રહ્યુ છે.લાખો રૂપીયાની કીંમતી જમીન ઉપર થયેલ દબાણો ન હટાવાતા લોકોમાં સ્‍થાનીક તંત્ર સામે અનેક સવાલો ઉઠયા છે.