Main Menu

અમરેલીમાં લુખ્ખાઓને પાઠ ભણાવવા સ્પેશ્યલ સ્કર્વોડની રચના

અમરેલી,અમરેલી શહેરમાં તાજેતરના ગેંગ રેપ અને છેડતી તથા એસીડ એટેકની ધમકી જેવા બનાવોને પગલે પગલે કોઇ મોટો બનાવ ન બને તેના આગોતરા આયોજન ના ભાગરૂપે અમરેલીના એસ.પી દ્વારા સ્પેશ્યલ સ્કવોર્ડની રચના કરી અને અમરેલીના સરદાર સકર્લે પોલીસ ચોકી કાર્યરત કરવાનો આદેશ કરવામાં આવ્યો છે.અને તેનું લોકાપર્ણ નાયબ પોલીસ મહાનિરીક્ષક શ્રી અશોકકુમાર યાદવના વરદ હસ્તે એસપી શ્રી નિર્લિપ્ત રાયની વિશેષ ઉપસ્થિતિમાં આજે કરાનાર છે.
અમરેલીના સરદાર સર્કલથી નાગનાથ મંદિર, તથા લાઠી રોડ, ચિતલ રોડે શાળા-કોલેજો તથા એસટીના સ્ટોપ પોઇન્ટ આવેલા છે અને અવારનવાર હરામખોરો લખણ ઝળકાવતા હોય તેના માટે એકશન પ્લાનની જરુરત હતી ત્યારે એસપીશ્રી નિર્લિપ્ત રાય દ્વારા મહીલા પીએસઆઇ શ્રી જીડી આહીર સહિત પાંચ સભ્યોની સ્પે. સ્કવોર્ડની રચના કરી અને આજે આ ચોકી કાર્યરત કરવામાં આવશે અમરેલી ડીવીઝનના ઇન્ચાર્જ ડીવાયએસપી શ્રી એમ.એસ. રાણા તથા અમરેલી સીટીના ઇન્ચાર્જ પીઆઇ શ્રી એમ એ. મોરી દ્વારા અમરેલી નગરપાલિકાના સૌજન્યથી ચોકી બનાવીને આજે લોકો ખુલ્લી મુકાશે.



« (Previous News)



error: Content is protected !!