Main Menu

લશ્કરી વડામથકના સુધારાઓને રક્ષામંત્રી રાજનાથ િંસહની મંજૂરી

સંરક્ષણ પ્રધાન રાજનાથ િંસહે લશ્કરી વડામથકના પુનર્ગઠન સંબંધમાં લેવામાં આવેલા કેટલાક મહત્ત્વના નિર્ણયોને મંજૂરી આપી છે. સૌથી મોટો નિર્ણય વડામથક ખાતેના ૨૦૬ અધિકારીઓને વિવિધ એકમો ખાતે ગોઠવવા વિશેનો છે. રાજનાથ િંસહે લશ્કરી વડાના અધ્યક્ષસ્થાન હેઠળ સાવધાની માટેના એક અલગ એકમ (વિજિલન્સ સેલ)ની સ્થાપનાને અને માનવ અધિકારોને લગતા વિષયો પર લક્ષ આપતા છત્ર સમા એક સંગઠનની રચનાને પણ લીલી ઝંડી આપી હતી. હાલમાં વિજિલન્સ ડિપાર્ટમેન્ટ વિવિધ સંસ્થાઓ મારફત ચાલે છે.
ગયા વર્ષે ૧૩ લાખ જવાનોની ફોજ ધરાવતા ભારતીય લશ્કરે સુધારા સંબંધિત વ્યૂહરચનાને તેમ જ લશ્કરની લડાયક ક્ષમતા વધારવા વિશેની યોજનાને અંતિમ સ્વરૂપ આપ્યું હતું. લશ્કરી વડામથક ખાતેના જે અધિકારીઓને અન્યત્ર મહત્ત્વના ક્ષેત્રે મોકલવામાં આવશે એમાં ત્રણ મેજર જનરલ, આઠ બ્રિગેડિયર, નવ કર્નલ અને ૧૮૬ લેટનન્ટ કર્નલ/મેજરનો સમાવેશ છે.
નવા વિજિલન્સ સેલમાં ત્રણ કર્નલ સ્તરના અધિકારીઓ નીમાશે. આ ત્રણેય અધિકારી લશ્કર, હવાઈદૃળ તથા નૌકાદૃળના હશે. રાજનાથ િંસહે મંજૂર કરેલા અન્ય સુધારાઓમાં લશ્કરી અધિકારીઓના માળખાની પુન:રચના કરવાનો, મહત્ત્વની સત્તાની અવધિ ઘટાડવાનો, વધતા મહેસૂલ ખર્ચને રોકવાનો અને લશ્કરી દૃળને યોગ્ય કદૃનું બનાવવાનો સમાવેશ છે.






error: Content is protected !!