Main Menu

કુંકાવાવમાં બે નો ભોગ લેતો ભેદી તાવનો વાયરો : ખળભળાટ

અમરેલી જિલ્લામાં ઠેર ઠેર ગંદકી અને સફાઇના અભાવે ૠતુજન્ય રોગચાળોએ માઝા મુકી છે ઘેર ઘેર તાવના ખાટલા ઢળાયા છે અને તેમાય કુંકાવાવમાં બે માનવીઓનો ભેદી તાવના વાયરાએ ભોગ લેતા ખળભળાટ મચી ગયો છે.
કુંકાવાવની કલાલ શેરીમાં રહેતા પ્રદિપ રાજુભાઇ ચૌહાણ (ઉ.વ.16)નું તાવ આવ્યા બાદ અમરેલી વધ્ાુ સારવાર માટે ખસેડાય તે પહેલા જ માત્ર ચાર કલાકમાં જ મોત નિપજતા તથા રાંકનું રતન રોળાયું હતુ માત્ર સોળ વર્ષના દસમા ધોરણના વિદ્યાર્થી શ્રમિક પરિવારના સંતાન પ્રદિપનું ભેદી તાવથી મોત થયુ તેના બે દિવસ પહેલા જ બાજુમાં જ રહેતા વૃધ્ધ જેરામભાઇ રાઘવભાઇ કથીરીયા (ઉ.વ.75)નું પણ તાવથી મોત થયું હોવાનું મનાય રહયું છે.આમ કુંકાવાવમાં ત્રણ દિવસમાં બે મોત થતા ફફડાટ ફેલાયો છે. આ સ્વાઇન ફલુ છે કે ડેંગુ છે કે પછી કાળીયો તાવ છે તેની અટકળો ચાલી રહી છે અને કુંકાવાવનું દવાખાનું પણ દર્દીઓથી ઉભરાયું છે આ ગંભીર ઘટના અંગે જિલ્લાનું આરોગ્ય તંત્ર બનાવથી અજાણ છે.






error: Content is protected !!