Main Menu

ધારીમાં ટીફીન મીટીંગમાં બે બે કેન્દ્રીય મંત્રીશ્રીઓ ઉપસ્થિત રહેશ

ધારી ખાતે તા. 31ના યોજાનારી ટીફીન મીટીંગમાં ભારત સરકારના બે બે મંત્રીશ્રીઓ શ્રી રૂપાલા તથા શ્રી માંડવીયા ઉપસ્થિત રહેનાર છે. કેન્દ્રીય મંત્રીશ્રી પરશોતમભાઇ રૂપાલાના અમરેલી જીલ્લાનો પ્રવાસ કાર્યક્રમ જાહેર થયો છે તે મુજબ તા.30/8/19 શુક્રવારે 6 વાગ્યે સરધારથી નીકળી 10 વાગ્યે વૃક્ષારોપણ બાદ 12:30 કલાકે ચિતલ અને 14 કલાકે શ્રીરામકૃપા નદી ચિતલ ખાતે જુગલભાઇ કુબાવતના પરિવારને સાંત્વના આપી સરંભડા દુધાત પરિવારને શાંતવના પાઠવ્યા બાદ સાવરકુંડલાના આંબરડીમાં કાર્યક્રમમાં શ્રી રૂપાલા સાથે શ્રી માંડવીયા અને ઇફકોના વાઇસ ચેરમેન શ્રી દિલીપ સંઘાણી સાંસદશ્રી નારણભાઇ કાછડીયા અમર ડેરીના ચેરમેન શ્રી અશ્ર્વીન સાવલીયા ઉપસ્થિત રહેશે.
શ્રી રૂપાલા રાત્રે 8 વાગ્યે ઇશ્ર્વરીયા આવી રાત્રી રોકાણ કરશે અને તા.31 શનિવારે 8:30 કલાકે ચલાલામાં બગસરા નાગરીક સહકારી મંડળીના કાર્યક્રમ બાદ ધારી ખાતે ટીફીન મીટીંગ પુરી કરી બપોરે 14:30 કલાકે રાજકોટ જશે.અમર ડેરીના ચેરમેન શ્રી અશ્ર્વીન સાવલીયાએ ટીફીન મીટીંગના અનુસંધાને જણાવેલ છે કે, મીટીંગમાં રજુઆત કરનારે પ્રશ્ર્ન કાગળમાં લખીને અને એક કાગળમાં એક જ પ્રશ્ર્ન લાવવો તેમ જણાવ્યુ છે તેમ અમરેલી મદદ કાયાર્લયના શ્રી મનોજ વાળા અને શ્રી હિરેન વાળાની યાદીમાં જણાવાયું છે.






error: Content is protected !!