Main Menu

લીલીયામાં અમૃતબા વિદ્યાલય દ્વારા મહિલા સશકિતકરણ પખવાડીયાની ઉજવણી કરાઇ

લીલીયા અમૃતબા હાઇસ્કુલ દ્વારા તા. 1/8/19 થી તા.14/8/19 સુધી મહિલા સશકિતકરણ પખવાડીયા ની ઉજવણી કરવામાં આવી હતી.આ કાર્યક્રમ અંતર્ગત મહિલા સુરક્ષા દિવસ, બેટી બચાવો, બેટી પઢાવો, સ્વાવલંબન દિવસ, નેતૃત્વ દિવસ, મહિલા આયોગ દિન, મહિલા કૃષિ દિવસ, શિક્ષણ દિવસ,મહિલા સ્વચ્છતા દિવસ, મહિલા કલ્યાણ દિવસ, મહિલા કર્મયોગી દિવસ, મહિલા કાનુની જાગૃતિ દિવસ, મહિલા પોષણ દિવસ, શ્રમજીવી મહિલા દિવસ અને મહિલા શારીરીક ર્સોષ્ઠવ દિવસ ની ઉજવણી કરવામાં આવી હતી. જેમાં મહિલા સુરક્ષા દિવસની ઉજવણીમાં વિદ્યાર્થીનીઓ દ્વારા બેટી હૈૈ તો કલ હૈ અને બેટી બચાવો બેટી પઢાવો ના નારા સાથે લીલીયા શહેરમાં રેલી યોજી લોક જાગૃતિ કરવામાં આવી હતી. અને રેલી દરમીયાન પોલીેસ સ્ટેશનની મુલાકાત યોજવામાં આવી હતી. જ્યાં મહિલા કોસ્ટેબલ સેંજલબેન જોષી દ્વારા પોલીસ દ્વારા મહિલા સુરક્ષાની થઇ રહેલ કાર્યવાહીની સમજણ આપવામાં આવી હતી. તેમજ સ્વાવલંબન દિવસ નિમિતે સખી વન સ્ટોપ કેન્દ્ર અમરેલી માંથી આવેલ લાજવંતીબેન દ્વારા મહિલા ઓના માનસીક રીતે સશકત રહેવા અંગે માર્ગદર્શન આપવામાં આવેલ.તેમજ આઇ.સી.ડી.એસ અમરેલી તથા સરકારી હોસ્પિટલ અમરેલીથી આવેલ પ્રભાબેન તથા જાગૃતિબેન અને એડવોકેટ રેખાબેન ગાયજન દ્વારા સખી મંડળ શારીેરિક સૌષ્ઠવ, મહિલા કાનુની માર્ગદર્શન તથા મહિલા કલ્યાણ કેન્દ્રના જયેશભાઇ જોષી દ્વારા 181 હેલ્પ લાઇન વિશે સમજણ આપવામાં આવી હતી. આ કાર્યક્રમ સફળ બનાવવા સ્કુલના શિક્ષિકા બહેનો શ્રીમતી મનીષાબેન વોરા, પ્રફુલ્લાબેન ત્રિવેદી, વંદનાબેન ભટ્ટ, નિષ્માબેન ત્રિવેદી, કિરણબેન ભલાણી, પ્રવિણાબેન મયાત્રા દ્વારા માર્ગદર્શન પુરૂ પાડયુ હતુ. અને કાર્યક્રમને સફળ બનાવવા બદલ આચાર્ય હસમુખભાઇ કરડે સહુને અભિનંદન પાઠવ્યા હતા.






error: Content is protected !!