Main Menu

સાવરકુંડલાના બગીચામાં બાળકોના હિંચકા સહીત રમત-ગમતના અનેક સાધનો તુટી ગયા

સાવરકુંડલા શહેરી વિસ્તારમાં મહુવારોડ ઉપર આવેલ પંડીત દિનદયાળ ઉપવન માં સને.2013/14 માં રાજ્ય સરકારે રૂા.1 કરોડ 10 લાખની ગ્રાન્ટ ફાળવેલ અને જે તે સમયે બગીચાનુ રીનોવેશન કરેલ ત્યારે જીલ્લાના પ્રભારીમંત્રી આર.સી.ફળદુના હસ્તે સાવરકુંડલાના શહેરીજનો તેમજ નાનાબાળકોને ફરવા માટે એક સુવિધા મળે તે હેતુથી ખુલ્લો મુકવામાં આવેલ હાલની પરિસ્થીતી જોતા આ બગીચાને ખંડેર જેવી હાલત સર્જાય છે. બગીચામાં બાળકો માટેના હિચકાઓ સહિત રમતગમતના સાધનો પણ તુટી ગયેલ છે. આખાયે બગીચામાં ઘાસ ઉગેલ છે. બગીચામાં લાઇટીેંગ 10 થી12 લેમ્પ બંધ છે. ફુવારો બંધ છે. ટોઇલેટ સાફ થતા નથી. હાલમાં ખડેરજેવી હાલત થઇ છે. તેમજ બગીચામાં સફાઇ પણ કરવામાં આવતી નથી. બગીચામાં પ્લાસ્ટીક કાગળ ચારેયબાજુ જોવા મળે છે. વધ્ાુમાં પાલીકા સદસ્ય ધર્મેન્દ્ર મહેતા અને ધર્મેન્દ્ર ચૌહાણ જણાવ્યુ છે.કે સાવરકુંડલાના શહેરીજનો પોતાનુ સ્વાસ્થય સુધારવા વોકીગ કરવા 60 થી 70 લોકો આવતા હોય તથા બાળકોને ફરવામાટેનુ એકમાત્ર સ્થળ હતુ. જે નગરપાલીકાના સતાધીશો અને તંત્રની મેલી-મુરાદને કારણે બગીચાની હાલત ખંડેર જેવી થઇ છે. આ સ્થીતી જોતા શહેરીજનોમાં રોષ ફેલાયો છે. ભવિષ્યમાં ભુયકાળની જેમ ગેરકાયદેસર પ્રવૃતિનો અડો ન બન્ને તે અત્યારની હાલત જેતા તે સમય દુર નથી. તેની કાળજી રાખવા અને આ બગીચાની હાલત સુધારી સાવરકુંડલાના શહેરીજનો તેમજ મહીલાઓ માટે, બાળકો માટે જરૂરી સુવિધા, બગીચામાં ઉગેલા ઘાસનુ સામ્રાજય કઢાવી, બાળકો માટે તુટી ગયેલા હિચકા તેમજ રમત-ગમત ના સાધનો રીપેર કરાવી બગીચાની હાલત સુધારી સાવરકુંડલાના શહેરીજનો માટે જરૂરી સુવિધાઓ સાથે બગીચો કાર્યરત કરવા પાલીકા સદસ્ય ધર્મેન્દ્ર મહેતા અને ધર્મેન્દ્ર ચૌહાણેએ માંગ કરી છે.






error: Content is protected !!