Main Menu

ચલાલામાં બગસરા મંડળીનાં નવા બીલ્ડીંગનું લોકાર્પણ કરતા શ્રી રૂપાલા

ચલાલા મહાદેવપરામાં બગસરા નાગરીક શરાફી સહકારી મંડળી લી.ચલાલા શાખાના અદ્યતન નવનિર્મિત બીલ્ડીંગ, લોકર સુવિધા સહિતનું ઉદઘાટન ભારત સરકારના કૃષિરાજ્ય મંત્રી શ્રીપરશોતમભાઇ રૂપાલાના વરદ હસ્તે કરવામાં આવ્યું હતુ આ પ્રસંગે ગુજકોમાસોલના ચેરમેન શ્રીદિલીપભાઇ સંઘાણી તેમજ સાંસદશ્રી નારણભાઇ કાછડીયા વિશેષ ઉપસ્થિત રહ્યા હતા.મંડળીના સ્થાપક તેમજ સતત 35 વર્ષથી મંડળીના ચેરમેન તરીકે સેવા આપતા શ્રી રશ્ર્વિનભાઇ ડોડીઆ દ્વારા મંડળીની ઉતરોતર પ્રગતિ કરેલ છે.જેમાં મંડળીને પ્રથમથી જ ઓડીટ વર્ગ અ મળેલ છે.અને ગતવર્ષનો મંડળીનો નફો 2.3 કરોડ થયેલ છે.મંડળીની હેડ ઓફીસ સહિત કુલ 7 શાખા કાર્યરત છે.જેમાં અમદાવાદ, રાજકોટ, બગસરા, અમરેલી, ધારી, મોટા લીલીયા, ચલાલાનો સમાવેશ થાય છે. તે પૈકી બગસરા, ધારી, લીલીયા મોટા,ચલાલા શાખાના માલીકીના અદ્યતન બીલ્ડીંગો છે. તેમ જણાવ્યું હતુ આ ઉદ્ઘાટન સમારોહમાં જીલ્લા ભાજપ પ્રમુખ હિરેનભાઇ હીરપરા, મહામંત્રી કૌશિકભાઇ વેકરીયા સહિત ભાજપના આગેવાનો, સહકારી આગેવાનો ઉપસ્થિત રહ્યા હતા.
બગસરા નાગરીક શરાફી સહકારી મંડળીની મંડળીની 35 મી વાર્ષિક સાધારણ સભા ધારી મુકામે ગુજકો માસોલના ચેરમેન અને સહકાર શિરોમણી શ્રીદિલીપભાઇ સંઘાણીના અધ્યક્ષ સ્થાને યોજાશે. તેમ આયોજકો વતી જણાવ્યું છે.






error: Content is protected !!