Main Menu

અમરેલી જિલ્લામાંથી સુરતમાં બે હજાર કરોડ ઠલવાશે

અમરેલી,મંદીમાં અકળાતા સૌના માટે રાહત અને આશા દેખાઇ છે અમરેલી જિલ્લામાં સારા વરસાદને કારણે સારો પાક થવાના એંધાણ છે ઓણ સાલના અમરેલી જિલ્લાના ખરીફ પાકની આવકમાંથી ઓછામાં ઓછા બે હજાર કરોડ સુરત જશે અને માર્કેટમાં તેની ચમક દેખાવાની છે.
હાલમાં એક શબ્દ કોમન છે મંદી. આ મંદી આજકાલની નથી તેણે ઘણી વખત લોકોને હેરાન કર્યા છે 1970ના દાયકાથી એટલે કે પચાસ વર્ષથી સુરત અને અમરેલી એકબીજાની સાથે સંકળાયેલા છે.અમરેલી જિલ્લામાં દુષ્કાળના વર્ષમાં સુરતથી નાણા અમરેલી જિલ્લામાં આવતા રહયા છે અને સારા વરસે અમરેલી જિમાંથી નાણા સુરતમાં ઠલવાતા રહયા છે. જેનાથી ત્યા ખરીદશકિત વધતી હતી.
આ વખતે સુરતમાં કાપડ અને હીરાનો ઉદ્યોગ મંદીના ભરડામાં છે અને અધ્ાુરામાં પુરુ જમીનનો ધંધોપણ મંદીમાં હોય જેના કારણે ભારે મુશ્કેલી લોકો અનુભવી રહયા છે. પણ હવે આ મુશ્કેલી એકાદ માસ પછી હળવી થશે કારણ કે, સુરતમાં સૌથી વધારે અમરેલી અને ભાવનગર છે અને જે જે લોકો સુરત છે તેમાથી મોટાભાગના લોકોના વાડીખેતરો વતન અમરેલી જિલ્લામાં આવ્યા છે અને ઓણ ઉત્પાદન સારુ થવાની શકયતા છે અઅમરેલી જિલ્લામાં મુખ્ય પાક કપાસ અને શીંગ છે.જાણકારોના મતે એક હેકટરે કપાસનો નફો 40 હજાર ગણાય અને અમરેલી જિલ્લામાં સાડા પાંચ લાખ હેકટર ઉપરાંતની ખેતીની જમીન છે એટલે એક અંદાજ પ્રમાણે ઓછામાં ઓછુ પાંચ હજાર કરોડનું કુલ ઉત્પાદન થશે જેમા ખેતી નો ખર્ચ દવા, બીયારણ, મજુરી, સાધનો અને પરચુરણ વસ્તુ મળી બેથી અઢી હજાર કરોડ થાય તે બાદ કરતા ખેતીમાં ચોખ્ખી આવક બેથી અઢી હજાર કરોડની થશે જેમાથી મોટાભાગની આવક સ્વભાવિક જ સુરત જશે અને અર્ધી ખર્ચ ખાતેની આવક છે તે અમરેલી જિલ્લાની બજારોમાં ફરશે.આનો એક જ દાખલો સાવરકુંડલાના વંડા ગામનો લઇએ તો વંડામાં આઠ હજાર વીઘા જમીન છે અને વીઘે 15 મણ કપાસ થાય જેથી 12 કરોડનો કપાસ થશે જેમા છ કરોડ ખચર્ના બાદ થશે એમા ત્રણ કરોડ ખચર્ના અને ત્રણ કરોડ ભાગીયાના ગણીએ તો પણ છ કરોડ ચોખ્ખા વધશે અને તે સુરત જ જશે.આવા અનેક ગામો સીધા સુરતની સાથે સંકળાયેલા છે જેથી દીવાળી પછી અમરેલી અને સુરત બન્ને જગ્યાએ લોકોની ખરીદ શકિત વધશે અને મંદીનું ચિત્ર સુધરશે તેમા કોઇ શંકા નથી.



« (Previous News)



error: Content is protected !!