Main Menu

અમરેલીની ઇન્દીરા શાક માર્કેટ પાસે ટ્રાફિકનો પ્રશ્ર્ન હલ થતા લોકોને હાશકારો : પાર્કીંગની જગ્યા ખુલ્લી થઇ

અમરેલી,ભુતકાળમાં જયાંથી ટ્રાફીકના મામલે મોટું કોમી તોફાન પણ થયું હતું તેવી અમરેલીની ઇન્દીરા શાક માર્કેટ પાસે પાર્કીંગની જગ્યામાં ઉભા રહેતા લારી ગલ્લા હટાવાતા અહી ટ્રાફીકનો મોટો અને વર્ષો જુનો પ્રશ્ર્ન હલ થતા લોકોને હાશકારો થયો છે.અને પોલીસ તથા નગરપાલિકાની સારી કામગીરીને કારણે પાર્કીંગની જગ્યા ખુલ્લી થઇ હોય અહી સર્જાતા ટ્રાફીક જામ અને વાહનો મુકવાની માથાકુટથી છુટકારો મળતા લોકોમાં આ પગલાને આવકારાયું છે.અહી પાલિકા દ્વારા પાર્કીંગનું કામ થનાર છે. બીજી તરફ અહી વેપાર કરતા નાના લારીગલ્લાઓ માટે રોજીની સમસ્યા ઉભી થવાની શકયતાઓ હોય અહીથી હટાવાયેલા લારી ગલ્લા ધારકોને ટ્રાફીકને અડચણરૂપ ન થાય તેવી વૈકલ્પીક જગ્યા નગરપાલિકાએ ફાળવવી જોઇએ જેનાથી તેના પેટ ઉપર પાટુ ન લાગે અને આવી રીતે તેને કાઢવામાં ન આવે તેવી લાગણી પણ લોકોમાં ફેલાઇ છે.






error: Content is protected !!