Main Menu

બાબરાના પાંચાળ પંથકમાં સિંહોના ધામા : વનવિભાગ દ્વારા ભારે દોડધામ

બાબરા,બાબરાના પંચાળ પંથકમાં છેલ્લા બે દિવસથી સિંહ આવ્યા સિંહ આવ્યાની વાતો વહેતી થઈ હતી , વનવિભાગ દ્વારા રાત્રીના પેટ્રોલીંગ કરવામાં આવી રહ્યું હતું તે દરમિયાન ગઈરાત્રિના બાબરાના કરીયાણા અને તાઇવદર ની સીમ વચ્ચે આવેલ કાળુભાર નદીના પટમાં એક સિંહ તેમજ એક સિંહણ અને એક સિંહ નુ બચુ જોવા મળ્યું હતું એવા સમાચાર વાયુ વેગ સમાચાર પ્રસરી જતા વનવિભાગ દ્વારા આ અંગે તપાસ કરતા જાણવા મળ્યું છે કે કરીયાણા તાઇવદર ખાખરીયા પંથકની સોમો મા આ જનાવરો જોવા મળ્યા હતા. રાત્રીના સીમ અને વાડી વિસ્તારમાં રહેતા લોકો પાસે વનવિભાગ દ્વારા માહિતી મેળવવામાં આવી હતી એ આધારે સીમ વિસ્તારમાં તપાસ કરતા સિંહના પંજાના નિશાન મળી આવ્યા હતા જેથી કરી વન વિભાગ વધુ સતર્ક બની ગયો છે અને સિંહોનાં સગડ મેળવવા પંચાળ પંથકમાં આવેલા વિડો અને વાડી વિસ્તાર મા તપાસ ચાલુ કરી છે સિંહ આવ્યા ની વાતો વાયુવેગે પ્રસરી જતા ગઇકાલે રાત્રીના કરીયાણા તાઇવદર અને ખાખરીયા વિસ્તારમાં સિંહ પ્રેમીઓના ટોળેટોળા જોવા માટે ઉમટી પડ્યા હતા પણ મોડી રાત સુધી લોકોએ તમામ વિસ્તારો ખુંદી નાખ્યા હતા છતાં પણ સિંહના કોઈ વાવડ મળ્યા ન હતા.આજ સવારથી સિંહોના પંજાના ફોટા તેમજ ત્રણ સિંહો ના ફોટા વાઇરલ થયા હતા જેથી કરી આ જ આખો દિવસ ચર્ચાનો વિષય રહ્યો હતો બાબરા વનવિભાગના અધિકારી શ્રી મોરડીયાએ જણાવેલ કે, સિહો આવ્યા છે એ વાતો ખેડૂતો પાસેથી જાણવા મળી રહી છે પરંતુ જે સિંહોના પંજા મળ્યા છે તે સત્ય હકીકતમાં સિંહના પંજા છે કે અન્ય કોઈ પ્રાણીના તે અંગે તપાસ હાથ ધરી છે પંચાળ પંથકમાં સિહોના ધામાના સમાચારને લઈ ખેડૂતોએ પોતાના માલઢોર ને સગેવગે કરી નાખ્યા છે જેથી કરી સિંહ માલઢોર ને કોઈ નુકસાન ન પહોંચાડે વનવિભાગ દ્વારા આ વિસ્તારમાં આવેલા વાડી ખેતર ના માલિકોને જણાવ્યું છે કે જો એમને વાડી ખેતરોમાં કોઈપણ પ્રકારના અર્થીંગ મુક્યા હોય તો કાઢી નાખવા તેવી સૂચના આપવામાં આવી છે.અત્રે એ ઉલ્લેખનીય છે કે, બે ચાર દિવસ પહેલા જ અમરેલીના જેસીંગપરા અને પ્રતાપપરા તથા સાંગાડેરીમાં સિંહોના વાવડ મળ્યા હતા ત્યાથી આ સિંહો ઠેબી નદી ભરેુલ હોય તેના કાંઠે કાંઠે બાબરા પંથકમાં પહોંચ્યા હોવાની શકયતા છે આ ઉપરાંત ક્રાંકાચ અને લીલીયા તથા લાઠી થઇને પણ સિંહ અહી આવ્યા હોવાનું મનાય રહયું છે.






error: Content is protected !!