Main Menu

અમરેલીમાં ભુમી આંદોલન છેડતા શ્રી જીજ્ઞેશ મેવાણી:આવેદન પત્ર અપાયું

અમરેલી,યુવાન અને કાર્યદક્ષ ધારાસભ્ય તેમજ રાષ્ટ્રીય દલિત અધિકાર મંચના રાષ્ટ્રીય અધ્યક્ષ શ્રી જીજ્ઞેશ મેવાણીની ઉપસ્થિતિમાં ભુમિ આંદોલન સાથે સાથે અમરેલીમાં ચિંતન શિબિર, કેડર કેમ્પ, આવેદન પત્ર સહિતના કાર્યક્રમો યોજાયા હતાં. અમરેલી તાલુકાના નાના માચીયાળામાં દલિત અધિકાર મંચનાં હોદ્દેદારોને નિમણુંક પત્રો અપાયાં હતાં અને અમરેલી શહેરમાં વિચાર ગોષ્ઠી અને લોક સંપર્ક સહિત અનેક કાર્યક્રમો અને ખાંભામાં ચિંતન શિબિર અને કેડર કેમ્પ સહિતનાં કાર્યક્રમોમાં મેદની ઉમટી પડી હતી.આજે ટોચ માર્યાદા ધારાની જમીન પ્રશ્ર્ને અમરેલીમાં કલેક્ટરને આવેદનપત્ર અપાયું હતું. જેમાં જનમેદની વિશાળ સંખ્યામાં ઉમટી પડી હતી. આ કાર્યક્રમ સફળ બનાવવા સૌરાષ્ટ્ર ઝોનના કન્વીનર નવચેતનભાઇ પરમાર, જિલ્લા પ્રમુખ હિતેન્દ્રભાઇ પ્રીયદર્શી, જિલ્લા ઉપપ્રમુખ એ.બી.ચાવા, જિલ્લા મહામંત્રી મહેશ ચાવડા, મિડિયા સેલ કન્વીનર સંજયભાઇ કાતરીયા, અમરેલી શહેર પ્રમુખ ભરતભાઇ કાતરીયા, ઉપપ્રમુખ જીજ્ઞેશ દાફડા, શહેર મંત્રી રમેશ સોંદરવા, સંગઠન મંત્રી શરદભાઇ પરમાર, મહામંત્રી વિપુલભાઇ વાળા, જિલ્લા મંત્રી ભરતભાઇ બારોટે જહેમત ઉઠાવી હતી.






error: Content is protected !!