Main Menu

ખાંભા, વિજપડી, જાફરાબાદમાંથી 21 લાખની વિજ ચોરી ઝડપાઇ

અમરેલી,અમરેલી જીલ્લામાંથી વિજ ચોરીના કેસ ઝડપી લેવા અધિક્ષક ઉજનેરની સુચનાથી જીલ્લાના વિવિધ વિસ્તારોમાંથી સમયાંતરે ચેકીંગ ધરવામાં આવી રહયુ છે. જેમાં આજે સવારે સાવરકુંડલા, જાફરાબાદ, વિજપડી, ખાંભા પંથકમાં 58 ટીમ દ્વારા વિજ ચેકીંગ હાથ ધરવામાં આવ્યુ હતુ. જેમાં 21.83 લાખની વિજ ચોરી ઝડપાતા વિજ ચોરોમાં ફફડાટ ફેલાય ગયો હતો. સાવરકુંડલા વિજ વર્તુળ કચેરી દ્વારા આજ સવારથી સાવરકુંડલા, જાફરાબાદ, ખાંભા, તેમજ વિજપડીના આસપાસના ગામોમાંથી વિજ ચોરીના કેસ ઝડપી લેવા 58 ટીમ દ્વારા ચેકીંગ હાથ ધરવામાં આવ્યુ હતુ. જેમાં કુલ 558 જેટલા કનેકશનો ચેક કરવામાં આવ્યા હતા. જેમાંથી 169 કેસમાં વિજ ચોરી ઝડપાતા આ તમામને વિજ બીલો ફટકારવામાં આવ્યા હતા. આમ સાવરકુંડલા વિજ વર્તુળ કચેરી દ્વારા વિજ ચોરીના કેસ ઝડપી લેવા ચેકીંગ હાથ ધરવામાં આવતા વિજ ચોરોમાં ફફડાટ ફેલાય ગયો હતો.






error: Content is protected !!