Main Menu

હીરો પોતાની ચમક ક્યારેય પણ ગુમાવતો નથી : ઉદ્યોગપતિ શ્રી ઘનશ્યામ ડોબરીયા

અમરેલી,અમરેલી જીલ્લો સુકી ખેતી ઉપર આધારિત છે. પરંતુ જેમ જેમ સમય વીતતો ગયો તેમ તેમ આ જીલ્લો હીરા ઉદ્યોગ ઉપર નભતો ગયો. અને જીલ્લાના મોટા ભાગના લોકો સુરત તરફ વસવાટ કરવા લાગ્યા. આ ઉપરાંત જો રાજુલાથી સુરત વચ્ચે રોરો ફેરી સર્વિસ શરૂ કરવામાં આવે તો અમરેલી જીલ્લાનો મહતમ વિકાસ થાય. અને લોકોને પુરતી રોજગારી પણ મળી રહે. સાથો સાથ સૌરાષ્ટ્રને જો ઝગમગતુ કરવુ હોય તો માત્ર હીરા ઉદ્યોગ જ કરી શકે તેમ છે. તેમ જીલ્લા ભાજપ ડાયમન્ડ સેલના પ્રમુખ અને અગ્રણી ઉદ્યોગપતિ ઘનશ્યામભાઇ ડોબરીયાએ અવધ ટાઇમ્સ સાથેની એક વાતચીતમાં જણાવ્યુ હતુ. ભાજપ ડાયમન્ડ સેલના પ્રમુખ ઘનશ્યામભાઇ ડોબરીયાએ જણાવ્યુ હતુ કે અમરેલી જીલ્લો સુકી ખેતી ઉપર આધારિત છે. અને જેમ જેમ સમય વીતતો ગયો તેમ તેમ આ જીલ્લો હીરા ઉદ્યોગ ઉપર નભતો ગયો. આ વિસ્તારમાં ખારો પાટ તેમજ ફલોરાઇડ વાળો વિસ્તાર હોય. જેના કારણે આ જીલ્લાનો જોઇએ તેવો વિકાસ થયો નથી. જો જીલ્લાનો વિકાસ કરવો હોય અને લોકોને પુરતી રોજગારી મળી રહે તે માટે સરકાર દ્વારા રાજુલાથી સુરત સુધીની દરિયાઇ માર્ગે રોરો ફેરી સર્વિસ શરૂ કરવામાં આવે તો આ જીલ્લાનો મહતમ વિકાસ થાય અને તેનો લાભ આ જીલ્લાની પ્રજાને પણ મળી શકે. આ ઉપરાંત વધ્ાુમાં એમ પણ જણાવ્યુ હતુ કે જે વિસ્તાર પાણી વાળો છે ત્યાંના ખેડુતોની માથે બેંકનું દેવુ હોવાના કારણે ખેડુત ડુબી ગયો છે. અમરેલી જીલ્લામાં અગાઉ 1400 જેટલા હીરા ઉદ્યોગના યુનીટો ચાલતા હતા. જેની સામે હાલમાં 600 થી 700 જેટલા યુનીટો માંદી હાલતમાં ચાલી રહયા છે. સાથો સાથ કોટની જેમ હીરાના યુનીટની બહાર કારખાનું શરૂ થશે. તેના બોડ લગાવામાં આવ્યા હોય છે. અને જ્યારે રત્ન કલાકાર પોતાના કારખાને જાય ત્યારે ફરી વખત આ તારીખે કારખાનુ ચાલુ થશે તેવા બોર્ડ લગાવેલા જોવા મળે છે. ભારત દેશ આઝાદ થયો ત્યારે ભાવનગર જીલ્લાનું નારી અને સાવરકુંડલાનું નેસડી ગામ ઉપર મહેસુલનું મોટુ દેવુ નીકળ્યુ હતુ. દુનિયાના હીરાની તેમજ જવેલરીની માંગ ખુબ જ છે. સરકાર દ્વારા જે કાયદાઓ બનાવવામાં આવ્યા છે જે આટીઘુટી વાળા હોવાના કારણે લોકો અજ્ઞાન હોવાથી ઘણી વખત કોઇ પણ પ્રકારની કાગળમાં ક્ષતી રહી જતા પેનલ્ટી ચુકવવાની થાય છે ત્યારે આખા મહિનાની કમાણી આ પેનલ્ટી ચુકવવામાં વહી જતી હોય. તેના બદલે જો સરળ અને ભયમુક્ત નિયમ બનાવવામાં આવે તો આ ઉદ્યોગનો ફરી વિકાસ થઇ શકે તેમ છે. સાથો સાથ વેપારીઓને સરળતાથી માલનું પેમેન્ટ સમયસર મળવુ જોઇએ. તદુપરાંત અત્યારે આ ઉદ્યોગમાં મંદીનું પ્રમાણ ઓછુ છે પણ મોટા વેપારીઓ હીરા ઉદ્યોગમાં મંદીનું મોજુ ચાલી રહયુ છે. તેવુ વાતાવરણ ખડુ કરી દે છે. તેમજ આર્થિક મંદી ખુબ જ ઓછી છે. પરંતુ લોકોમાં ભય વધારે જોવા મળી રહયો છે. જો સૌરાષ્ટ્રને તેમજ અમરેલી જીલ્લાને હીરાની જેમ ચળકળાટ આપવો હોય તો સરકારે હીરા ઉદ્યોગ માટેના સારા સલાહકારોની મદદ લઇ અને જો આ ઉદ્યોગ પ્રત્યે ધ્યાન આપે તો અત્યારે જે ધંધો ચાલી રહયો છે તેના કરતા 4 ગણો આ ધંધો ચાલે તેવી શક્યતા રહેલી છે. તેમ અમરેલી જીલ્લા ભાજપ ડાયમન્ડ સેલના પ્રમુખ ઘનશ્યામભાઇ ડોબરીયાએ જણાવ્યુ હતુ.






error: Content is protected !!