Main Menu

જાફરાબાદના પીછડી ગામે દીપડાને જોઇ ચીસ પાડનાર મહીલાનો અવાજ જતો રહયો

લોર, બગસરાના મુંજીયાસરમાં અને બગસરામાં દીપડાએ બે માનવીને મારી નાખ્યા છે તેવા સમયે દીપડાઓની ત્રાસ માત્ર બગસરા જ નહી પણ જિલ્લાના દરિયાકાંઠાના જાફરાબાદ તાલુકામાં હોવાનો પણ સામે આવ્યું છે અહી ગામમાં બે જગ્યાએ દીપડો ખાબકયો હતો અને તેમા એક મહીેલાએ હાલના તબકકે પોતાનો અવાજ ગુમાવ્યો હતો.આ અંગેની વિગતો આપતા પીછડી ગામના ખેડુત પરસોતમભાઇ હરજીભાઈ ગોંડલીયાએ અવધ ટાઇમ્સને જણાવેલ કે, ગત રાત્રીના અમારી દસ ફુટ ઉંચી દીવાલ અને તેની ઉપરના બે ફુટના ફેન્સીંગને ઠેકીને દીપડાએ અમારા ચાર માસનું પાડરુ ને મારી નાખ્યું હતુ. રાત્રીેના સમયે અવાજ તથા અમે જાગી જતા દીપડો ભાગી ગયો હતો પણ ત્યાર બાદ અમે સવારે છ વાગ્યે જાગ્યા ત્યારે જોયુ તો દીપડો અર્ધા પાડરુને ચુપચાપ ખાઇને ચાલ્યો ગયો હતો અને બે દિવસ પહેલા જ અમારા ગામના પાટીદાર ખેડુત સાવજ પરિવાર બહાર હતી અને ઘરમાં માત્ર એક બહેન હતા તેવા સમયે દીપડો ખાબકતા ઢોરે ભાંભરડા નાખતા એ બહેન ઉઠી ગયા હતા.તેણે બતી કરતા સામે દીપડાને જોઇને દોડજો એવી ચીસ પાડી હતી પણ આ ચીસ પછી તેનો અવાજ જતો રહેતા તેને બહારગામ દવાખાને સારવારમાં લઇ જવાયા હતા.






error: Content is protected !!