Main Menu

રાજુલામાં ગટરનું ગંદુ પાણી ડેમમાં છોડાયું

રાજુલામાં ભુર્ગભ ગટરનું પાણી ડેમમાં છોડાતા ભારે રોષ વ્‍યાપી જવા પામ્‍યો છે. આગેવાનો આજે ગટરના સંપે દોડી ગયા હતા. ભુર્ગભગટર બાબતે ગેરરીતીમાં તપાસ કરવા માંગ કરી હતી. જાણવા મળતી વિગત મુજબ રાજુલાના આગરીયા જકાતનાકે ભુર્ગભ ગટરનો મહાકાય સંપ બનાવવામાં આવ્‍યો છે. આ સંપમાં શહેરના ગટરનું પાણી ભેગું થાય છે. હાલ હજુ ભુર્ગભગટર વિધિવત ચાલુ કરવામાં આવેલ નથી. પણ અમુક વિસ્‍તારમાં આ ભુર્ગભ ગટરના જોઇન્‍ટ આપી દેવામાં આવ્‍યા છે. આ ગટરનું પાણી અહીં ગટરના સંપમાં આવતા અહીં ભરાવો કરવાને બસલે સીધું જ નજીકમાં ખાખબાઇ ડેમમાં છોડાતા ભારે રોષ વ્‍યાપી ગયોછે.આ બાબતે આગેવાનો શ્રી છત્રજીતભાઇ ધાખડા, કરણભાઇ કોટડીયા સહિતના આ ગટરના સંપે દોડી ગયા હતા.આ પાણીના ડેમમાં ન નિકાલ બાબતે રજુઆત કરવામાં આવી હતી.
વધુમાં આગેવાનોએ જણાવ્‍યું હતુ કે રાજુલામાં આકાર પામેલી 40 કરોડની આ ભુગર્ભ ગટરના કામમાં બેફામ ગેરરિતી કરવામાં આવી છે ત્‍યારે ઉચ્‍ચસ્‍તરેથી તપાસ કરવા ઉગ્ર રજુઆત કરી હતી.આગામી સમય ઘટતા પગલા ભરવામાં નહિ આવે તો જલદ આંદોલનની ચિમકી આપવામાં આવી છે. અત્રે નોંધનીય બાબત છે કે છેલ્લા ચાર વર્ષથી ભુગર્ભ ગટરના કામ ચાલુ છે ત્‍યારે હવે આખી ભુગર્ભ ગટર તૈયાર થઇ ચુકી છે.હવે ઘરના કનેક્‍શનો બાકી છે ત્‍યારે આખું કામ પુર્ણ થયા બાદ ગટરની ગેરરીતી બાબતે રજુઆત થાય અને અગાઉ કોઇ જવાબદાર સંસ્‍થાઓએ અવાજ ઉઠાવ્‍યો ન હતો ત્‍યારે ઘો છુટયા બાદ હવે તબેલાને તાળા જેવો ઘાટ સર્જાયો છે.આજે ડેમમાં ભુગર્ભ પાણી પાઇપલાઇન મારફત ઠલવાતું હોય જે વાત મહિલાઓમાં પહોંચતા ડોર ટુ ડોર મહિલાઓએ આ પાણી સામે ભારે રોષ ફેલાયો છે.બીજી તરફ મહિલા મંડળના અગ્રણીઓ દ્વારા તેવું પણ જણાવેલ છે કે આ પાણીથી ભયંકર રોગચાળાની દશેહત છે ત્‍યારે આરોગ્‍ય તંત્ર અને જિલ્લા કલેક્‍ટર ખાસ તપાસ ટીમ નીમે તેવી માંગણી શહેરીજનોમાંથી ઉઘી છે.આવાત બાદ મહિલા પણ પાણી નગરપાલિકાનું વાપરવાને બદલે બોરીંગનું પાણીનો ઉપયોગ કરવા મંડયા છે.