Main Menu

બગસરા જુથ વિવિધ કાર્યકારી સહકારી મંડળીનાં પ્રમુખ ઉપપ્રમુખની વરણી

બગસરા જૂથ વિવિધ કાર્યકારી સ.મંડળી લિ.ની.વ્‍યવસ્‍થાપક કમિટીની મિટીંગ મળેલ જેમાં મંડળીના આગામી પ વર્ષ માટે પ્રમુખ અને ઉપપ્રમુખની ચુંટણી થતા પ્રમુખપદે મંડળીના સ્‍થાપક મુરમ્‍બી અરજણભાઇ પટેલના પુત્ર સુરેશભાઇ માંગરોળીયા અને ઉપપ્રમુખ તરીકે રફાળાના મગનભાઇ વેકરીયા બિનહરીફ ચુંટાયેલ જાહેર થયેલ છે. મગનભાઇ વેકરીયા ઉપપ્રમુખ તરીકે ચોથી વખત ચુંટાયેલ છે. તેમની સાથે મંડળીના પૂર્વપ્રમુખ વિનુભાઇ ઘાડીયા, સવજીભાઇ ઠુંમ્‍મર, ભીખુભાઇ ટીંબડીયા, વિઠ્ઠલભાઇ હિરાણી, રસીલાબેન ધીરૂભાઇ રાદડીયા, સવિતાબેન બચુભાઇ કુંભાણી સહિતના આઠ સદસ્‍યો હાજર રહી પ્રમુખ અને ઉપપ્રમુખને બિનહરીફ ચુંટાયેલ જાહેર કરેલ.
અમરેલી જિલ્‍લામાં મોટામાંમોટી જુથ મંડળીની 60 વર્ષ પહેલાં સ્‍થાપના થયેલસુરેશભાઇ માંગરોળીયા બિનહરીફ પ્રમુખ તરીકે વરણી થતા બગસરા શહેરમાં વિવિધ જ્ઞાતિનાં અગ્રણી અને લેઉવા પટેલ સમજના પ્રમુખ રમેશભાઇ સુવાગીયા અને ચાહકમિત્ર વર્તુળ મોટી સંખ્‍યામાં ઉપસ્‍થિત રહી ખુશી વ્‍યક્‍ત કરેલ. પૂર્વ પ્રમુખ વિનુભાઇ ઘાડીયાની મહેનત બદલ તેમને બિરદાવેલ અને આગામી દિવસોમાં મંડળીની પ્રગતિ થાય તેવી શુભેચ્‍છા વ્‍યક્‍ત કરી હતી.