Main Menu

કુંડલા પંથકમાં ખેતીને મોટુ નુકસાન : 500 એકર જમીનનું ધોવાણ

જયાં અગાઉ ત્રણ ત્રણ વખત બિયારણ બળી ગયું હતુ ત્‍યા વધુએ ઉપાધી આવી છે અને હજુ 15 જુલાઇએ વાવણી કરી હતી તેવા વંડા પંથકના ગામડાઓમાં અને માત્ર બે જ કલાકમાં ખાબકેલા ચાર ઇંચ વરસાદે તારાજી વેરી છે.
મંગળવારે પડેલા વરસાદથી કુંડલા પંથકમાં ખેતીને મોટુ નુકસાન થયાની દહેશત સેવાઇ રહી છે. અને આજે વરસાદના પાણીને કારણે ખેતીની ઓછામાં ઓછી 500 એકર જમીનનું ધોવાણ થયું છે. સાવરકુંડલાથી જેસર વચ્‍ચેના ગામડાઓમાં એક સાથે મેઘરાજાએ હેત ઠાલવતા નુકસાન થયું છે સાવરકુંડલાના વંડા, મેકડા, ફીફાદ, ઘોબા અને પીપરડી ગામે એક સાથે આવેલી નદીઓને કારણે ખેતરોના પાળા તોડીને પાણીએ નીચાણવાળા ખેતરોમાં ઉભો થઇ રહેલો પાક ધોઇ નાખ્‍યો હતો અને હજુ તો શેત્રુજી આવી નથી નહીતર પાણી ગામોમાં પણ ઘુસીં ગયા હોત તેમાં પણ કોઇ શંકા નથી.