Main Menu

અમરેલીમાં માર્ગો પર રખડતા ઢોરને નગરપાલીકા પાંજરે પુરશે

અમરેલીમાં નગરપાલિકા દ્વારા લાંબા સમય બાદ શહેરમાં માર્ગો પર રખડતા ઢોરની સમસ્‍યાના નિરાકરણ માટે ઢોર પકડવાનો નિર્ણય લેવામાં આવ્‍યો છે અને આ માટે વિકલ્‍પિક ધોરણે હંગામી ઢોરવાડાની પણ વ્‍યવસ્‍થા કરવામાં આવી છે.આ અંગે અમરેલી નગરપાલિકાની યાદીમાં જણાવ્‍યા મુજબ અમરેલી શહેરમાં હાલ માર્ગો ઉપર રખડતા ભટકતા ઢોરની સમસ્‍યા બેકાબૂ બની છે. જેના કારણે વાહન અકસ્‍માતો થાય છે. અમુક ઢોર માલિકો પોતાની ગાય, વાછરડાને દૂધ આપતા બંધ થાય એટલે રોદ ઉપર રખડતા છોડી દે છે. આ ઢોર માર્ગો પર અડ્ડો જમાવે છે અને ટોલૂમ વળીને બેસે છે. લોકો દ્વારા આ સમસ્‍યાના નિરાકરણ માટે લાંબા સમયથી રજુઆતો કરવામાં આવતી હતી.અમરેલી નગર પાલિકા દ્વારા રખડતા ઢોરને પાંજરે પુરવા માટે ઝૂંબેશ હાથ ધરવામાં આવશે અને અમરેલીમાં સાવરકુંદલા રોડ વોટર વેક્‍સ નજીક હંગામી કેટલ યાર્ડનું નિર્માણ કરવામાં આવ્‍યું છે ન્નયાં ઢોરને રાખવામાં આવશે. જે ઢોરના માલિક અંગેની જણ થશે તેવા ઢોર માલિક સામે પાલિકા દ્વારા કડક કાર્યવાહી કરવામાં આવશે.