Main Menu

રાત્રે કુંડલા પાસે અકસ્‍માત : એકનું મોત, 30 ઘાયલ

સાવરકુંડલાના ગીરધરવાવ નજીક મોડી રાત્રીના સમયે ગારીયાધારના વેળાવદર ગામના કોળી પરિવારના ટાટા 407 વાહનને ટ્રકે હડફેટે લેતા 50 જેટલા લોકો ભરેલા ટાટા 407માં બેઠેલા લોકો દડાની જેમ ઉછળ્‍યા હતા અને 20ને ઇજાઓ થવા પામી હતી જેમાના 15ને કુંડલા દવાખાને ખસેડાયા છે તથા પાંચને ગંભીર ઇજાઓ સાથે અમરેલી ખસેડાયા છે અને એકનું કુંડલા દવાખાને જ મૃત્‍યુ થયુ છે. આ અકસ્‍માતની જાણ થતા સાવરકુંડલા કેકે હોસ્‍પિટલે રાત્રે હજારો લોકો ઉમટી પડયા હતા અને સેવાભાવીઓ પણ દોડી ગયાહતા તથા ઇજાગ્રસ્‍તોને મદદરૂપ બન્‍યા હતા સાવરકુંડલાના સેવાભાવી શ્રી હિતેશ સરૈયા, શ્રી બળવંત મહેતા, શ્રી ધર્મેન્‍દ્ર મહેતા, શ્રી ધર્મેન્‍દ્ર ચૌહાણ શ્રી અમીતગીરી ગોસ્‍વામી સહિતના અનેક લોકો રાત્રે ખડેપગે રહયા હતા તથા 15 જેટલા ઇજાગ્રસ્‍તોને સાવરકુંડલામાં જ સારવાર આપવામાં આવી રહી છે અને 5 લોકોને ગંભીર ઇજાઓ સાથે અમરેલી દવાખાને ખસેડવામાં આવી રહયા હોવાનું જાણવા મળેલ છે.સાવરકુંડલા દવાખાને વેળાવદર ગામના ખેતમજુર મુકેશ અશોકભાઇ રાઠોડ (ઉ.વ.25)નું સારવાર દરમિયાન મોત થયુ હતુ અને આ યુવાનને બે નાના નાના સંતોનો હોવાનું જાણવામળેલ છે