Main Menu

અમરેલી જિલ્‍લાની તમામ બેઠક ઉપર કમળ ખીલી ઉઠશે : શ્રી રૂપાલા

અમરેલી બેઠક ઉપર શ્રી દિલીપ સંઘાણી ચૂંટણી લડવા માંગતાનથી તેમ જણાવેલ પણ પક્ષ ગમે ત્‍યારે તેને કે મને આદેશ આપી ચૂંટણી લડાવી શકે છે
ધારીની બેઠક ઉપર શ્રી નલીન કોટડીયાને ટીકીટ આપવાનો કોઇ પ્રશ્‍ન જ નથી પક્ષ જે કોઇને ટીકીટ આપશે તે ફ્રેશ ચહેરો હશે
બાબરાના ધારાસભ્‍ય શ્રી બાવકુભાઇ ઊંધાડ કયાથી લડશે તેવા સવાલના જવાબમાં
શ્રી રૂપાલાએ જણાવેલ કે શ્રી ઊંધાડ સીટીંગ ધારાસભ્‍ય છે તેમની ટીકીટ પાકી જ છે
રાજુલામાં વર્તમાન ધારાસભ્‍ય શ્રી હીરાભાઇ સોલંકી સંસદીય સચિવ છે તેથી ત્‍યાં ઉમેદવાર બદલવાનો કોઇ પ્રશ્‍ન જ નથી
સાવરકુંડલાના સીટીંગ ધારાસભ્‍ય શ્રી વી.વી.વઘાસીયા કૃષીમંત્રી છે છતાં ટીકીટના દાવેદારો ઘણા છે તેથી આ બેઠકની ટીકીટના પ્રશ્‍ને પક્ષમાં થોડી મુંજવણ છે
અમરેલી,
અમરેલીના પૂર્વ ધારાસભ્‍ય અને ભાજપના તેજાબી વક્‍તા તેમજ ભારત સરકારના કૃષીમંત્રી શ્રી પુરૂષોતમભાઇ રૂપાલા અને ‘અવધ ટાઇમ્‍સે’ આગામી વિધાનસભાની ચૂંટણીલક્ષી એક મુલાકાત લીધેલ તેનું તારણ અહી વાંચકો માટે પ્રસ્‍તુત છે.અમરેલી બેઠક ઉપર તમારો ઉમેદવાર કરેલ છે તેનું નામ આપશો તેવા સવાલના જવાબમાં શ્રી રૂપાલાએ જણાવેલ છે કે અમરેલી બેઠક ઉપર શ્રી દિલીપ સંઘાણીએ ચૂંટણી લડવાના નથી તેવું જણાવેલ છે. પણ શ્રી દિલીપ સંઘાણી હોય કે શ્રી પુરૂષોતમ રૂપાલા હોય અમે પાર્ટીના કાર્યકરો જ છીએપાર્ટી ગમે ત્‍યારે શ્રી દિલીપ સંઘાણીને કે મને અમરેલીની બેઠક ઉપર ચૂંટણી કદી અવગણી શકીએ નહીં તેમ છતાં અમરેલીની બેઠક ઉપર શ્રી પી.પી.સોજીત્રા, શ્રી અશ્‍વિન સાવલીયા, શ્રી કૌશિક વેકરીયા અને શરદ લાખાણી દાવેદાર છે ત્‍યારે પાર્ટી ચૂંટણી જીતી શકે તેવા ઉમેદવારને ટીકીટ આપવાનું વીચારશે.બાબરાના વર્તમાન ધારાસભ્‍ય શ્રી બાવકુભાઇ ઊંધાડ કઇ બેઠક ઉપરથી ચૂંટણી લડશે તેવા સવાલના જવાબમાં શ્રી રૂપાલાએ જણાવેલ કે શ્રી બાવકુભાઇ ઊંધાડ બાબરાના સીટીંગ ધારાસભ્‍ય છે તેમને બદલવાનો કોઇ પ્રશ્‍ન જ નથી તેમની ટીકીટ પણ પાકી જ છે. ધારીની બેઠક ઉપર ભાજપ વર્તમાન ધારાસભ્‍ય શ્રી નલીન કોટડીયાને ટીકીટ આપશે તેવા સવાલના જવાબમાં શ્રી રૂપાલાએ જણાવેલ કે શ્રી નલીન કોટડીયા ભાજપના ધારાસભ્‍ય નથી ગત ચૂંટણીમાં ભાજપે આ બેઠક ગુમાવી છે આ બેઠક પાછી મેળવવા ભાજપ તમામ પ્રયત્‍નો કરશે. શ્રી નલીન કોટડીયાને ટીકીટ આપવાનો કોઇ પ્રશ્‍ન જ નથી પણ ધારીની બેઠક ઉપર ભાજપ જેને ટીકીટ આપશે તે ફ્રેશ ચહેરો જ હશે.રાજુલાની બેઠકમાં કઇ ફેરફાર છે કે નહીં તેવા સવાલના જવાબમાં શ્રી રૂપાલાએ જણાવેલ કે રાજુલાના સીટીેં ધારાસભ્‍ય શ્રી હીરાભાઇ સોલંકી અત્‍યારે સંસદીય સચિવ છે અને આ બેઠક ઉપર ઉમેદવાર બદલવાનો કોઇ પ્રશ્‍ન જ નથી.અમરેલી જિલ્‍લાની પાંચમીવિધાનસભાની સાવરકુંડલા બેઠક અંગે તેમને પુછતા શ્રી રૂપાલાએ જણાવેલ કે આ બેઠકના સીટીંગ ધારાસભ્‍ય શ્રી વી.વી.વઘાસીયા વર્તમાન સરકારમાં કૃષિમંત્રી છે. પણ આ બેઠક ઉપર ઘણા દાવેદારો ભે તેથી ટીકીટના પ્રશ્‍ને પાટીમાં થોડી ઘણી મુજવણ છે.
વર્તમાન સ્‍થિતિમાં ગુજરાતમાં ભાજપની સરકાર છે પણ આગામી ચૂંટણીમાં શું થશે ત્‍યારે તેના સવાલના જવાબમાં શ્રી રૂપાલાએ જણાવેલ છે વર્તમાન સરકાર ભાજપની છે અને આવતી સરકાર પણ ભાજપની જ હશે તેમાં કોઇ શંકા નથી અને અમરેલી જિલ્‍લાની પાંચે-પાંચ વિધાનસભાની બેઠક ઉપર ભાજપનું કમળ ખીલી ઉઠશે તેવો મને વિશ્‍વાસ છે.



(Next News) »