Main Menu

સાવરકુંડલા-લિલિયા વિધાનસભા સીટ ઉપર સબળ દાવેદાર મનજીબાપા તળાવીયા

સાવરકુંડલા-લિલિયા વિધાનસભા સીટ ઉપર મનજીબાપા તળાવીયાએ દાવેદારી કરી છે. તેઓ 1967 થી વંડા વિસ્‍તારમાં રચનાત્‍મક પ્રવૃતિ કરી રહયા છે. શિક્ષણની સાથોસાથ સહકારી પ્રવૃતિ ચલાવી રહયા છે. તેઓ સાવરકુંડલા માર્કેટયાર્ડના ડીરેકટર છે. સાવરકુંડલા તાલુકા ખરીદ-વેચાણ સંઘના ડાયરેકટર છે. વંડા હાઇસ્‍કૂલમાં 1967 થી 2006 શિક્ષણકાર્ય કરેલ છે તેના હાથ નીચે 15000 બાળકોએ શિક્ષણ લીધેલ છે.
વંડા શાળામા 30 ગામના બાળકો અભ્‍યાસ કરવા આવે છે આ તમામ ગામો ઉપર તેઓનો સારો પ્રભાવ છે.1980 માં ભારતીય જનતા પાર્ટીમાં જોડાયા છેલ્‍લા 36 વર્ષથી પાર્ટીના સક્નીય સભ્‍ય છે. પાર્ટીમાં તાલુકા મંડલના પ્રમુખ તરીકે પ્રભારી તરીકે મંત્રી તરીકે અને જિલ્‍લા મંત્રી તરીકે સંગઠનમાં કામ કર્યુ છે તેઓ 2001 થી 2010 જિલ્‍લા પંચાયતના સભ્‍ય તરીકે સેવા બજાવેલ છે તેઓ 2006 થી 2008 જિલ્‍લા શિક્ષણ સમીતીના ચેરમેન હતા જિલ્‍લાની 400 શાળાની મુલાકાત લઇ શિક્ષણમાં આમુલ પરિવર્તન લાવ્‍યું હતુ. શિક્ષણ સમીતીના ચેરમેન તરીકે તેમની કામગીરી ઉતમ રહી હતી 1972, 1975, 1987, 1992 માં સાવરકુંડલા તાલુકામાં અલ્‍પવૃષ્‍ટીમાં વંડા ગામે ઢોરવાડા શરૂ કરીદુષ્‍કાળમાં પશુધન બચાવવા પ્રયત્‍ન કર્યો હતો.તદ ઉપરાંત આ વિસ્‍તારના રસ્‍તા શિક્ષણ, આરોગ્‍ય, એસ.ટી.ના પ્રશ્‍નોને હંમેશા વાચા આપતા રહયા છે સાવરકુંડલા – લીલીયા તાલુકાના તમામ ગામોથી તેઓ પરીચીત છે. અને ગામડાના તમામ આગેવાનો સાથે અંગત પરીચય છે. તેઓને જિલ્‍લામાં તમામ જ્ઞાતિના લોકો માનથી આવકારે છે. પાર્ટીમાં તેમની કામ કરવાની જુદીજ શૈલી છે. તેઓ નિષ્ઠાપુર્વક પાર્ટીનું લાંબા સમયથી કાર્ય કરે છે. સાવરકુંડલા તાલુકાન અનેક પ્રશ્‍નોને વાચા આપી ઉકેલવા પ્રયત્‍ન કરી રહયા છે. વંડા ગામમા અનેક વિકાસના કામો કરેલ છે વંડા ગામે શાળાનું સંચાલન કરી અનેક બાળકોનુ ઘડતર કરેલ છે. આજે તેમના શિષ્‍યોનો મોટો સમુદાય – અમદાવાદ, સુરતમાં વસવાટ કરે છે. તેમની દાવેદારીથી તેમના શિષ્‍યોમાં સાવરકુંડલા, લિલિયા તાલુકામાં સારો આવકાર મળી રહયો છે. પાર્ટીમાં જિલ્‍લાકક્ષાના ટોચના આગેવાનોમાં તેનો સારો પ્રતિભાવ છે.