Main Menu

અમરેલી જિલ્‍લા સહકારી બેંકના કર્મચારીઓની શરાફી સહકારી મંડળીએ ઉજવી ગોલ્‍ડન જયુબેલી

અમરેલી,
કોઈ પણ ક્ષેત્રેની પ્રગતિના મૂળમા તેના કર્મચારીઓનુ યોગદાન રહેલુ હોય છે. સંસ્‍થા કે કંપની ભલે મોટી હોય પરંતુ તેના નાનામા નાના કર્મચારી પ્રવૃતિ સંસ્‍થાના વિકાસમા છુપાયેલી હોય છે તેથી જ કર્મચારીમા પરિવાર ભાવના એ સફળતાની મૂડી બની રહે છે તેમ અમરેલી જિલ્‍લા મઘ્‍યસ્‍થ સહકારી બેંકના કર્મચારીઓની શરાફી સહકારી મંડળીએ સ્‍થાપનાના પ0 વર્ષ પૂર્ણ કરતા ધાર્મીક સંસ્‍થાના પરિસરમા યોજાયેલ ગોલ્‍ડન જયુબેલી ઉજવણી અવસરે સંસ્‍થાના માર્ગદર્શક જિલ્‍લા બેંક-ગુજકોમાસોલના ચેરમેન દિલીપ સંઘાણીએ જણાવેલ. સંઘાણીએ લાગણીસભર રીતે જણાવેલ કે, બેંકનુ નામ ગૌરવંતુ બનાવનાર કર્મચારી છે , આ શાખને અકબંધ રાખવા ઉપર ભાર મુકયો હતો.
કર્મચારીઓની આર્થીક જરૂરીયાત સંતોષતી શરાફી સહ.મંડળી ખુબજ પીઢારુબની છે એટલુ જ નહી પણ સંકટ સમયની સાકળ જેવી આ સંસ્‍થા કર્મચારીઓના બાળકોના ઉચ્‍ચ અભ્‍યાસ કે, મકાન બનાવવા માટે નાણાની જરૂરીયાત વિના વીલંબે પુરી પાડે છે. વ્‍યવથાપક મંડળને અભિનંદન આપતા વાઈસ ચેરમેન અરૂણભાઈ પટેલ એ જણાવેલ કે, મઘ્‍યસ્‍થ સહકારી બેંક અને તેનો કર્મચારી સમાજમા માનભર્યુ સ્‍થાન ધરાવે છે તેથી કામગીરી અને વર્તન પ્રત્‍યે વધુ સજાગ બનવા જણાવેલ. આયોજનની સાથોસાથ સભાસદ કર્મચારીઓના સંતાનોના પ્રગતિકારક અભ્‍યાસને બિરદાવીને પ્રોત્‍સાહક ભેટ આપવામા આવેલ હતી. કર્મચારી શરાફી સહકારી મંડળીના પ્રમુખ ધાર્મીક રામાણીએ ટુકા ગાળામા મંડળીએ કરેલ પ્રગતિનો ચિતાર આપ્‍યો હતો તેમજ બેંક તરફથી મંડળીને ઓછા ભારણથી મળતો આર્થીક સહયોગ બદલ આભાર વ્‍યકત કરેલ. પ્રવર્તમાન સમયમા સમયનુ બહુમુલ્‍ય છે તેથી સમયસર ચાલવા ગોલ્‍ડન જયુબેલીની યાદમા સભાસદ ભાઈઓને ધડીયાર ભેટ આપવામા આવેલ. આ તકે યોજાયેલ સાંસ્‍કૃતિક કાર્યક્રમને ચેરમેન સહીત અનેક પદાધિકારીઓએ પ્રોત્‍સાહક રકમથી બિરદાવેલ. આ તકે બેંકના મેનેજીંગ ડીરેકટર ચંદુભાઈ સંઘાણી, જનરલ મેનેજર બી.એસ.કોઠીયા, એડીશ્‍નલ જનરલ મેનેજર ગોંડલીયા, વિભાગીય મેનેજરશ્રીઓ, કર્મચારી પરિવારજનો અને આમંત્રીતો બહોળી સંખ્‍યામા ઉપસ્‍થિત રહેલ. આભાર વિધી મંડળી મંત્રી દિનેશત્રિવેદીએ કરેલ હતી જયારે આત્‍મીય ભોજન સાથે કાર્યક્રમ પૂર્ણ થયો હતો તેમ મંડળીની અખબારી યાદીમા જણાવાયેલ છે.



(Next News) »